مريضة نفسية بقلم نورهان اشرف

مريضة نفسية بقلم نورهان اشرف
.. ألف جنيه كويس
هو بإستغراب وصدمة .. افندم
هى بدموع.. ألف جنيه كويس وتيجى تمثل انا هتخطبنى
هو.. انتى اكيد مجنونه بقى جيالي أنا وعايزني أتقدم لك وو
قاطعته بدموع.. أصل انا تميت ال ٢٥سنه ولسه متخطبتش وبنت عمى اللى تمت ال ١٧ سنه واتخطبت واهلى عمالين يعايرونى علشان كدا قلت أشوف حد يتقدم لي وياخد نظير مساعدته ليا.

وقف يبص لها وهو مش مصدق الكلام اللي سمعه منها وهز راسه وكان هيمشي بس تراجع وقرر يجاريها فلعبتها وقال.. بس انا مش فاهم ايه المشكله فى انها تتخطب وانتى لا
قالت بارتباك.. أصل أنا اهلى صعايده وعندهم البنت لازم تتجوز صغيره
هو هز راسه وبص لها دقيقة وبعدها سألها وهو مركز فعيونها.. اه طب انتى اسمك ايه
ارتبكت من نظراته وقالت له .. نيره اسمى نيره
للحظة ملامحه بان عليها الحزن بس لحق نفسه وبص بعيد عنها لثواني وبعدين بص لها وقال وهو بيعرف نفسه.. عاشت الاسامى يا نيره وانا يوسف
نيره ابتسمت بتوتر وسألته.. يعني وافقت تساعدنى
يوسف حس إن الموضوع بدأ ياخد أكبر من حجمه فبص لها وقال.. نيره انا مش شايف مشكله اصلا انتى اللى عاملة المشكله
نيره بيأس لما حست إنها مش هتقدر تنفذ اللي هي عايزاه .. تمام انا اسفه عن اذنك
يوسف بتسرع.. استنى هساعدك
مش عارف قولت كدا ليه يمكن الفضول هو اللى خلانى اقول كدا عايز اعرف هي ليه جت لي أنا بالذات وليه ومين اللي بعتها والأهم ليه عاملة نفسها متعرفنيش وهو على يقين أنها عارفاه 
نيره بإمتنان.. شكرا
يوسف بإبتسامه.. العفو هاتى بقي رقم والدك والعنوان علشان أجي أتقدم لك
نيرة أدته العنوان ورقم والدها ووقفت تبص عليه وهو بيتصل بيه وسمعته بيتكلم معاه بهدوء وبيطلب منه إنه يجي يزوره فالبيت وإنه عايزه فموضوع مهم ولما سكت فهمت إنه أكيد سأله عن سبب الزيارة وأتأكدت لما يوسف قاله إنه عايز يتقدم لنيرة وازدادت دهشتها لما سمعته بيتفق معاه إنه جاي له النهاردة فمكنش قصاد نيرة إلا أنها تروح معاه على البيت.
والد نيره.. انت متأكد يا ابنى انك عايز تخطب نيره
يوسف.. ايوه يا عمى أنا يشرفني أني أطلب إيدها
والد نيره.. على كده بقى انت عارف انها مريضه نفسيه
يوسف پصدمه.. نعم حضرتك بتقول إيه.
والد نيره بحزن.. للأسف هى دى الحقيقه نيرة مريضة
يوسف.. ودا حصلها من ايه يعني في حاجة حصلت وبسببها بقت مريضة
والد نيره هز راسه وقال.. من وقت ما اختها الكبيره ماټت وهى بيتهيألها حاجات مش حقيقيه وعايشة فدنيا لوحدها
يوسف بترقب.. ونيرة عندها كام سنه 
والد نيره.. 17 سنة 
يوسف.. بس هى قالتلى ٢٥سنة
والد نيره.. دا سن اختها اللى ماټت الله يرحمها
يوسف.. طب انا عايز اتكل
بتقطع كلامه نيره وهى خارجه وبتقول بصوت عالى ودموع.. انت ايه يا اخى حرام عليك أنت هتبطل كدب امتى بقي إيه مزهقتش وانت عمال تقول الكلام دا وتعيد فيه وبعين اختى مماتتش انت اللى قټلتها متنساش دا 
والد نيره بتوتر.. انت انتى بتقولى ايه يا بنتى
نيره بعصبيه.. متقولش بنتى انت مش ابويا
يوسف بهدوء.. نيره ميصحش كدا متنسيش انه ابوكى
نيره بدموع.. دا مش ابويا والله ما ابويا دا جوز امى دا راجل قاټل
يوسف.. يعنى هى مش بنتك
حمدى زوج ام نيره بتوتر.. صح هى مش بنتى بس يعلم ربنا انى بعتبرها بنتى وان نسيت موضوع انها بنت مراتى دا 
واكمل بدموع تماسيح.. بس هى اللى مش بتعتبرني زى ابوها
يوسف مقدرش