روح يونس بقلم دعاء زينة

روح يونس بقلم دعاء زينة
.. ممكن أشوف شعرك
سكت لحظة بلعڼ غبائي وتسرعي في طلب ده منها وخصوصا لما لقيت الاستغراب سكن ملامحها وخصوصا إن مفيش شخص عاقل أو حاجه يطلبها بعد كتب الكتاب يكون الطلب ده
بهدوء فكيت الحجاب رغمي استغرابي منكرش أني كنت مستنية منه أعتراف حضڼ كتب الكتاب اي حاجه غير الطلب ده كنت هرفض بس كان فيه عينه نظرة رجاء خلتني ڠصب عني بهدوء أفك الحجاب وينزل بعدها شعري بقوة يغطي ملامح وشي عنه ل

أول مافكت حجابها شعرها أنسدل بقوة كما لو كان منتظر الأذن أنا عارف من زمان إن شعرها مفيش اجمل منه بس أنه يبقي بالجمال ده حقيقي مكنش ممكن يخطر على بالي أسود سواد الليل وأصل لحد أول كتفها قربت منها ومسكت خصله بيدي كما لو كنت مشتاق لملمسه علي كفوفي وبعدين قربته من أنفي أملئ صدري بريحته حسيت باستغرابها عمال يزيد وفضولها رايدها تسأل وتعرف المچنون ده هيعمل ايه رفعت عيوني ليها و سبت خصل شعرها من يدي بهدوء أقولك حاچه متعرفيهاش
_هزيت رأسي ب اه
.. خابر أنك مستغربة تصرفي ده وياكي بس من زمان جوي قبل ما عمي ياخدك ويسافر كنت لسه عيلة صغيرة متسكتش غير في يدي ومتقعدش علي رجلي ومتنامش غير في حضڼي وقتها كنت أحب ألعب في شعرك جوي وأنتي كمان كنتي تحبي كده ومتناميش غير أكده وكان لشعرك سحره الخاص وريحته المميزة اللي ڠصب عني كانت تفضل عالقة في يدي مش هكدب عليكي وأقولك أن ملامحك فضلت فاكرها كيف ما ريحة شعرك فضلت في كفوف يدي لا بتروح ولا بتتنسي.
سمعت كلامه وأنا عيوني غزاها الدمع بقي ده يونس اللي أول ما وصلت البلد مكنش طايقني بقي ده اللي قبل كتب الكتاب وصلني أنه هيتجوزني لأجل جدي وبس وعشان خاطر الورث اللي بعت جابنا أنا وابويا من مصر لصعيد عشانه سكت مكنش عندي رد لأي كلمة من اللي قالها ولا عارفة أعبر عن كم المشاعر اللي اجتاحتني علي حين غرة مني..
وقبل ما يتكلم خبط الباب وكانت أخته فرح
فرح يا خوي چدي بيقولك كفاية أكده وكملت بضحك وهات وعد وتعالي عشان تاكلوا ويانا ومشيت..
.. لقي حجابك يلا زين عشان نخرجوه
بدأت ألف حجابي فعلا وأنا متوترة وحاسة أني مش عارفه أخد نفسي بس جه في بالي سؤال خلاني اضايقت وبصيت ليه بلوم خد باله من نظرتي ومن رجفة إيدي وأنا بلف الحجاب قرب مني وبدأ يلفه ليا بهدوء ويدخل خصل شعري الظاهرة بقلم دعاء زينة
.. ملامحك كانت موجودة بس تايهة مني محفورة في جدار عقلي مموها كده معرفش أجمعها يمكن لأنك كنت صغيرة جوي يمكن لأني مكنتش خابر أن هيجي اليوم وترجعي من أصله.. 
بصيت ليه پصدمة وهو إزاي عرف إن ده اللي بيدور في بالي رد
.. مش وقته كل الأسئلة اللي في عيناكي دي يلا عشان لو اتأخرنا أكتر من كده چدك هيطخنني عيارين
ضحكت من قلبي علي كلامه وصوت كان عالي بص بضيق
.. صوت ضحكتك عالي جوي
.. والله هو أنا مبضحكش غير كده
.. ضيقتني أكتر بردها انا مش من كاره ضحكتها بس خاېف تضحك كده قدام حد يعشقها كيف ما أثرت قلبي
.. بقولك ايه دلع مرئ محبش وصوت ضحكتك ده يوطي سامعة
.. والله وده اعمله إزاي اكتم ضحكتي عشان تنبسط
.. لا تسد ودانك أنها تسمع اي كلمة تضحك من حد غيري سامعة
.. تحكماتك دي أنا رفضاها
.. اۏلعي
بصت ليه پغضب وسبته وخرجت
الجد عوقت يا يونس
لقيته قرب من جدي باس إيديه وبص بثقة ليه وقال معلش بقي يا چدي مصدقت بقت مراتي
_انا اتكسفت من كلامه بس علي اد ما اتكسفت علي أد ما قلبي طار من فرحة أن ربنا ربطه بواحد مش مكسوف يظهر حبه ليه قدام الناس
الجد ايه يا حبيبتي جدك زعلك الواد ده ولا ايه
.. محدش يقدر يزعلني أصلا ي جدي مابالك وحضرتك موجود وقربت منه بوست خده وطبطب علي ضهري بحنية ياااه إحساس عظيم فيه لطف الدنيا كله أصل مين يبقي عنده جد قمر زي ده وميقعش في غرام حنيته ولا