اعلان زواج

بنتك بقى عندها ٣٠ سنه ولسه متجوزتش لحد دلوقت فى اعلان شوفته عارضين عرسان زي الورد انا هشوفلها عريس واظبط كل حاجه
بصت ماما ل عمتى بضعف شخصيه ومقدرتش توقفها عند حدها وتوقف المهزله اللى بتحصل دي 
كان لساني متلجم مش عارفه انطق ببكلمه خصوصا اني عارفه ان بابا بيحب عمتي دي جدا ولو حد فينا زعلها هتبقى ليلتنا سودة 

بصيتلها وانا قلبي واجعني اوي من كلامها ومن زعلي على نفسي بصيتلها بحزن وڠضب وسبتهم ودخلت اوضتي 
بعد حوالى ساعه عمتي روحت بيتها وبابا وصل البيت 
ندهتلى ماما علشان اجهز لبابا العشا حطيتله الاكل وانا عيني مليانه دموع 
اول م سألني مالك يا فاطمه مقدرتش امسك نفسي واڼهارت دموعي وجريت على اوضتي وبحاول اتماسك 
ساب الاكل وجه ورايا اوضتي هو وماما 
مالك ياحبيبتي في ايه 
مالها ياسناء بنتك مالها
بصتله ماما وقالت 
مفيش عمتها كانت هنا وبتقول انها ناويه تجيبلها عريس من اللى بيتعرضوا على النت ومن ساعتها وهي ساكته مبتتكلمش 
بص بابا ل ماما پغضب وقالها 
بنتي انا بنت المنهدس احمد ابو الفضل تتجوز من ع النت 
هي سميحه اختي اټجننت ولا ايه 
مكنتش مصدقه ان بابا لأول مرة يخالف رأي عمتي اللى بتحشر نفسها ف كل حاجه تخصنا 
قلبي كان بيرقص من الفرحه بس مقدرتش ابين دا 
بصيت ل بابا وقولتله 
ناقص تقولى هاتي صورة ليكي اعرضها ع النت في ايه بابا هو لدرجادي انا عنست لدرجادى انا وحشه علشان اتجوز بالطريقه دي 
خدني بابا ف حضنه وطبطب عليا بحنيه وقال 
حقك عليا انا هعرف شغلى مع عمتك متزعليش انتي عارفه ان دماغها طاقه منها من ساعت م بنتها اتجوزت وسابتها عايشه لوحدها
ردت ماما وقالت 
طيب يلا تعالو نتعشى كلنا سوا يلا يافاطمه قومي متزعليش
قومت معاهم وانا مجبورة الخاطر ان بابا لاول مرة يغلط عمتي على تصرفاتها 
اتعشينا والامور مشت تمام 
بعد كام يوم لقيت جرس تليفون البيت بيرن بفتح 
الو...
حضرتك انسه فاطمه ابو الفضل 
.ايوا حضرتك مين 
انا من مكتب جوزني شكرا حضرتك عرضتي كل بياناتك عندنا وفى عريس عجبته مواصفات حضرتك وحابب ياخد معاد علشان تتقابلو 
وقفت مصدومه وانا مش مصدقه اللى بسمعه وعيني دمعت من صدمتي وف بالى بقول برضوا ياعمتي عملتي اللى ف دماغك 
..رديت قولتله هو تقريبا حد عامل فيا مقلب سخيف
ازاى يافندم دا والد حضرتك اللى مقدم كل البيانات ببطاقته 
..نزلت كلماته عليا زي الصاعقه 
بتقول ايه انت اكيد غلطان ازاى بابا يعمل كدا 
..هو تقريبا فى سوء تفاهم طيب ممكن اكلم والد حضرتك 
بابا ف الشغل لما يجي هيكلمكم يشوف اى الموضوع 
مامااااااا يامااا
..ايه يافاطمه في ايه 
انتو ازتى تعملو فيا كدا ازاى بابا يعرضني على موقع زواج هو للدرجادي معتوش مستحملين قعدتي ف وسطكو ھموت نفسي علشان ترتاحو مني 
.. ايه يابنتي الكلام دا ايه اللى حصل انا مش فاهمه اي حاجه 
معقول عمتي قدرت تقنع بابا وخلته بنفسه يقدم لى ف الموقع دا مش معقول 
... انتي عارفه عمتك قادرة وتعملها 
بصيت لماما بحزن ودخلت اوضتى وانا قلبي مكسور على حالى 
ليه بابا يعمل فيا كدا 
بعد كام ساعه بابا رجع من الشغل جريت فتحتله الباب 
بابا صحيح اللى حصل دا 
..في ايه يافاطمه اي حصل 
حضرتك قدمتلى ف موقع جواز 
... سكت بابا وبص ف الارض وقال هما اتصلو على رقم البيت 
يعني انت يابابا كنت عارف ليه تعمل كدا 
...والله يافطمه عمتك اقنعتني ان الناس ع الموقع دا ولاد حلال ومحترمين والعريس اللى هايجي ميعرفش انك انتي اللى مقدمه نفسك
مش معقول مش مصدقه اللى انت بتقوله وعملته فيا ليه يابابا تدمرني بالشكل دا وتقل مني 
..ماعاش ولا كان اللى ياقل منك ياحبيبتي انا نفسي افرح بيكي واشوف عيالك بيلعبو حواليا اخواتك اللى اصغر منك اتجوزو وخلفو وانتي لسه 
صغيرين يابابا اتجوزو صغيرين وشوف حال كل واحده فيهم عايشه مجبروة على عيشيتها ومش مرتاحه
... بصي يافاطمه مش وقت الكلام دا انا هكلم همتك تتواصل مع الناس دي وتديلهم معاد ونجرب مش هنخسر حاجه 
انت مش هتخسر لاكن انا خسړت للاسف
...يوووووة انتي مكبرة الحكايه ليه دوشي دماغي انا لسه جاي من الشغل تعبان غورى من وشي واندهيلى امك
حاضر يابابا انا اسفه 
مشيت وانا عيوني مليانه بالدموع ومقهورة على نفسي وحالى اللى وصلتله اومال 
ندهتله ماما ودخلت اوضتي اتصلت
ب عمر حب