عطر يونس لإسراء ابراهيم

في قرية من قرى الصعيد تحديدا في بيت يونس القاسمي كبير الصعيد وعمدتها 
يونس بانفعال _.. انتي ازاي تطلبي مني حاچة زي دي يا خالة حسنية
حسنية بتوتر _.. حجك عليا يا يونس يا ولدي انا خابرة اني مهينفعش اطلب منيك طلب زي ده بس يعلم ربنا اني فكرت كتير جبل ما اچيلك وانت خابر ان مكنش ليا حد الا بتي الله يرحمها ومش باجيلي دلوك الا عطر بتها هيا اللي مليا عليا دنيتي ورايدين ياخدوها مني ولولا اني متعشمة فيك وخابرة انك ولدي اللي مچبتوش بطني مكنتش طلبت طلب زي ده ابدا 

يونس بضيق _.. حقك عليا يا خالة انا مجصدش بس يعني انا اتفاچأت بطلبك ده 
حسنية بحنان _.. ولا يهمك يا ولدي انا خابرة ان اللي طلبته منك صعب بس علي عيني والله وصدجني يا ولدي انا خابرة اني مش جد المجام اني اطلب منك تتچوز حفيدتي بس انا محيلتيش غيرها وخۏفي عليها هو اللي خلاني اطلب منك اكده 
يونس بلوم _.. انتي بتجولي ايه بس يا دادة مجام ايه اللي بتتحدتي فيه انا والله ما جصدي اكده خالص ولا عمري افكر في حاچة زي اكده ابدا ده انتي مجامك من مجام امي انتي ناسية انك انتي اللي ربتيني بعد امي اللي يرحمها لما كنت لسة عيل صغير 
ابتسمت حسنية بحب _.. تسلم وتعيش يا ولدي وعشان اكده انا مترددتش اني اتحدت معاك عشان خابرة انك مش هتفهمني غلط 
يونس _.. طب اجعدي يا خالة وفهميني اكده واحدة واحدة ايه اللي حصل مع حفيدتك 
قعدت حسنية بحزن وبدأت تحكيله اللي حصل 
في القاهرة تحديدا في مستشفي الدمنهوري اشهر مستشفيات القاهرة .. كانت قاعدة هدير علي مكتبها وعقلها مشغول بعدي خطيبها اللي بقت تتخانق معاه كتير جدا ولأسباب من وجهة نظرها تافهة المشكلة انها وصلت انها بقت تخاف منه وده لانه دايما كانه قاصد انه يضايقها ويقلل منها ويخوفها فاقت من شرودها علي صوت دكتور مازن زميلها وهو واقف قدام مكتبها وبيقؤلها 
_.. دكتورة هدير في حالة في غرفة 307 طوارئ ياريت تشوفيها
هدير _.. تمام حاضر وفعلا راحت القوضة واول ما دخلت لقت شاب زي القمر نايم عالسرير بس جسمه في ډم وكدمات وواضح انها ناتجة عن مشاجرة قربت منه ورغم انها بتشوف حالات بس المرادي مش عارفة مالها اول ما شافته قلبها دق بسرعة حاولت تتجاهل الموضوع وقربت منه وحاولت تسعفه وفعلا لقته واخد طع نه في جمبه بس الحمد لله انها مش غويطة اوي المهم عالجته 
وبعدين قبل ما تخرج بصت علي ملامحه وابتسمت بهدوء وسابته وخرجت وهيا حاسة ان ملامحه شداها اوي واستغربت نفسها وشهقت وهيا بتفتكر ان سماعة الكشف بتاعتها نسيتها في اوضته فقالت بهمس وهيا بتلف وترجع تاني _.. ايه يا هدير الواد من حلاوته لحس مخك ېخرب عجلك ركزي 
وفتحت باب القوضة ودخلت بس وقفت مكانها پصدمة وهيا شايفة واحد لابس بالطو ابيض وفي ايده حقنة كان هيديها للشاب اللي نايم وخباها بسرعة اول ما شافها دخلت عليه فقالتله هدير بشك _.. انت مين وبتعمل ايه اهنه 
الراجل بتوتر _.. مممفيش انا دكتور عزمي وكنت بشوف المړيض 
هدير بصتله بشك بعد ما قرت الاسم اللي على البالطو وكان مكتوب عليه اسم حازم فاتأكدت ان ده مش دكتور وانه كان هيأذي الشاب فحاولت تخبي توترها 
هدير_.. تمام بس الحالة دي بتاعتي وانا اللي متابعاها ياريت تتفضل وتشوف حالة غيرها 
الراجل بصلها بغيظ وبص للشاب وخرج من القوضة واول ما خرج هدير حطت ايدها علي قلبها واتنفست براحة وقربت من الشاب بسرعة وبقت تطمن عليه ليكون اذاه وبعد ما اطمنت عليه جابت كرسي وقعدت جمبه 
هدير_.. يا تري انت مين وايه اللي يخلي حد يبجي عاوز يجتلك واتنهدت وكملت بقلق ياربي طب انا نبطشيتي هتخلص الساعة 12 وانا مش هينفع اسيبه اكده وامشي اووف خلاص هضحي واكمل نبطشية بالليل مع ان يونس لو جاله خبر هيجتلني 
وبصت للشاب وقالت بغمزة _.. لأجل عيون الجمر 
ومكملتش كلامها لما فونها رن بصت للفون ولقت اسم عدي خطيبها اتنهدت بضيق وبعدين ردت 
...
حسنية _.. بتي هدير اتچوزت واحد من مصر كان چاي اهنه زيارة لحد وشافها وعچبته وخدها هناك بعد ما اتچوزو بس بعد چوازها بسبع سنين اكده لجيتها بتحدتني وبتجولي انها هترچع تاني تعيش في البلد وكانت پتبكي ولما سألتها جالتلي ان چوزها ماټ وان اهله رايدين ياخدو البنتة منها وانهم واعرين جوي وجالتلي انها هتهرب منيهم وهتيچي خصوصا انهم ميعرفوش هيا من انهي بلد في الصعيد بس يا حبة عيني وهي چاية العربية اتجلبت وهيا ماټت بس عطر بتها عاشت كان