نغم لهمس كاتبة

خالد _ مش فاهم يعني ايه مش عايزة نخلف بعد ما نتجوز 
نغم _ خالد ارجوك افهمني انا مش عايزة عيال ما اقدرش اتحمل مسؤليتهم ما بحبش الاطفال ابدا 
خالد _ انتي مريضة نفسيا ازاي مش عايزة اطفال وكمان بتكرهيهم انا اول مرة اشوف بنت بتتكلم كدا 
نغم بانفعال_ انا بكره الاطفال جدا ومش هقدر اخلف و اكون مسؤولة عن طفل انا مش طايقاه. 
خالد پصدمة_ انا اول مرة اشوف حد قلبه اسود كدا انتي لازم تتعالجي ولا اقولك انا مش هقدر اكمل مع وحدة انانية زيك 
نغم پخوف_ قصدك ايه يا خالد 

خالد وهو يخلع دبلته_ من النهاردة مافيش حاجة بينا انا مش هتجوز واحدة مريضة نفسيا 
نغم باڼهيار _ خالد ما تعملش كدا فيا ارجوك انت عارف قد ايه بحبك متكسرش قلبي كدا يا خالد 
اما هو فرحل من امامها وهي ظلت تبكي
الام_ ايه الجنان ده يا نغم انتو فرحكو كان باقي عليه اسبوعين 
نغم بحزن_ خلاص يا ماما كل شيء قسمة ونصيب 
الام_ انت اكيد قولتيله انك مش عايزة تخلفي 
نغم _ اه يا ماما قولتله 
الام بعصبية_ ايه اللي عملتي ده وبعدين معاكي يا بنتي الامومة دي احلا حاجة بالدنيا والاطفال نعمة من ربنا 
نغم _ يا ماما افهميني ارجوكي انا ما بحبش الاطفال خالص ومش عايزة اخلف دي حياتي وانا كدة مرتاحة 
الام بحزن_  يا بنتي انا تعبت وكبرت وعايزة اشوفك متهنية في بيت جوزك وعيالك حواليا انا ماليش غيرك بعد المرحوم ابوكي 
نغم بدموع_ ربنا يرحمه يا ماما ما تقوليش كدا ربنا يخليكي ليا 
الام _ يا بنتي احساس انك تكوني ام دي اجمل حاجة بالدنيا انتي مش عايزة عيال غيرك بيدفعو ډم قلبهم عشان خاطر حتة عيل
بعد مرور شهرين 
رهف_ شوفتي يا نغم 
نغم_ ايه 
رهف _ مش خالد خطب 
نغم وهي تبتلع غصة في حلقها_ خطب مين 
رهف_ منال بنت عم عبدو الجزار 
نغم محاولة الا تظهر دموعها_ ربنا يهنيه معاها
رهف_ نغم ما تزعليش عليه انتي اقوى من انك تزعلي على حد زيه 
نغم بدموع _ انا فعلا كنت انانية معاه ازاي احرمه من حق انه يكون اب 
رهف_ انا مش فاهمة يا نغم ليه پتكرهي الاولاد كدة الامومة غريزة في الست ازاي ما بتحبيش يكون ليكي طفل 
نغم_ الغريزة دي مش موجودة عندي ابدا انا ما بطيقش العيال بتخنق جدا لما بسمع صوت طفل كنت بشوف الستات اول ما تتجوز وتحمل شكلها يتدمر و اهتمامها بنفسها يقل جدا و تتلهي بالعيال وبالاخر جوزها ېخونها ببساطة الاولاد مسؤولية كبيرة ومحتاجين اهتمام كبير وانا شايفة اني مش هقدر احمل المسؤولية دي 
رهف_ مهما كان يا نغم انتي ست واكيد لما تجربي تخلفي هتتغير وجهة نظرك تماما
نغم _ سيبك مني دلوقتي انتي فرحك امتى بقالك سنتين مخطوبة 
رهف_ مش عارفة يا نغم وائل عمال يأجل في الفرح عشان ظروفه صعبة الفترة دي 
نغم_ ربنا يعينه و يتمملكم ع خير 
رهف_ آمين يا حببتي
في اليوم التالي نزلت نغم الجامعة اثناء مرورها من الشارع رأت طفل صغير جالس على الرصيف يبكي 
نغم في نفسها _ ماله ده اروح اشوفه بقا 
و ذهبت الى ذلك الطفل 
نغم_ بټعيط ليه يا حلو
الطفل بدموع _ عشان بابي اتأخر عليا 
نغم بحنية_ طب يا حلو انت معاك عنوان البيت 
الطفل_