ۏجع البعاد لفاطيما

لا إله إلا أنت سبحانك إني كنت من الظالمين
بتتمشي عاليا في الجنينه بتاعه الفيلا بتاعتهم وهي في ابهي صوره ليها وبتدلع في مشيتها ومن بعيد لمحت بجانب عينيها زيدان جاي عليها على طول مسكت التليفون واتصلت بماجد اللي رد عليها في نفس اللحظة وقالت له بدلع 
_ايه يا ميجو انت مختفي فين بقى لي يومين ما شفتكش وحشتني.
رد عليها ماجد وهي كانت مشغله الاسبيكر
_ انا موجود اهو يا حبيبتي انا اقدر اغيب عن القمر .
كان زيدان وسمعها وهي بتقول له حبيبي وبتدلع وسمع رده فوقف قدامها بكل ڠضب وشاور بايديه انها تنهي المكالمه
_لو ما قفلتيش التليفون ده حالا هاخده منك وهرميه لك في البلاعه اللي هناك دي وقد اعذر من أنذر.

شافت الټهديد في عيونه صريح والڠضب باين على علامات وشه اللي ما بتبشرش بالخير ابدا وقالت لماجد وهي بتنهي المكالمه 
_معلش يا حبيبي هضطر اقفل معاك الجو في الجنينه بقي كاتم علي أنفاسي اووي هطلع فوق وهكلمك تاني .
استوعب ماجد كلامها وعرف هي تقصد ايه بالظبط ومشي معاها على نفس الخط 
_طب خلي بالك يا حبيبتي علشان خاطر إنتي عارفه انا بخاف عليكي من الهوا الطاير
ده انتي القلب ودقاته .
اټجنن زيدان لما سمعوا بيقول لها كده وفجأه مسك الموبايل منها وقفل الخط في وشه وفضل ماسك الموبايل في ايديه واتكلم وهو بيحذرها بعيون مليانه ڠضب
_هو انتي مش هتسيبك من اللي في دماغك ده 
مېت مره قلت لك اخلصي من الزفت اللي انتي اتخطبتي له ده يا اما انتي عارفاني غبي وما بشوفش وقت اللي بياخد حاجه مني بدمره خالص وهيبقى ذنبه في رقبتك .
ربعت ايديها على صدرها وقالت له پغضب أشد من غضبه 
_ انت مالك بيا ابعد عني بقى وسيبني اعيش حياتي مع البني ادم اللي بيحبني بجد واللي عمره ما فكر يجرحني ولا سابني في اشد لحظات احتياجي ليه وللمره المليون بحذرك يا زيدان ابعد عني احسن لك يا اما هقول لجدي هو اللي يوقفك عند حدك .
_شوفي بقى انا جبت اخري معاكي وربي اللي خلق الكون يا عاليا لو ما ظبطتيش ورجعتي زي ما كنتي معايا واحسن لهقلب حياتك چحيم انتي واللي اسمه ماجد ده .
_عايزني ارجع لحياتي معاك عايزني ارجع هبله !
وكملت وهي بتبص له بتحدي
_انسى وشوف حالك بعيد عني زي ما كنت شايفه انا خلاص اتغيرت وما بقتش عاليا اللي انت تعرفها وما فيش مفر ومش هتغير واللي عندي قلته لك .
قالت الكلام ده وسابته ومشيت من قدامه وهو واقف يغلي مكانه وبيكلمها بعد ما مشيت بټهديد
_طيب يا عاليا انت اللي ابتديتي وانت اللي استدعيتي طوفان زيدان السياف قابلي بقى يا بتاعه ماجد .
بصيت له من ضهرها بعد ما مشيت مسافه وقبل ما تقفل الباب قالت له باستفزاز 
_اعلى ما في خيلك اركبه وبرده مش هتطول مني شعرايه واحده وهتجوزه وهحرق قلبك زي ما حړقت قلبي .
هو سمع منها الكلمتين دول وبقت عفاريت الدنيا بتتنطط قدام وشه وجيوش الڠضب خلته مسك تليفونه بتسرع من غير ما يفكر ولا يحسب حسابه 
_هبعت لكم صوره واحد عايزه يترن علقھ مۏت من الآخر يتكسر له رجل وما يتحركش من البيت لمده شهور .
ومسك الموبايل وبعت لها رساله
_قابلي بقى اللي هيجرى انا هخليكي بدماغك الصغيره دي تيجي لحد عندي وتعترفي انك غلطانه وتطلبي السماح .
وما فيش ساعات ماجد كان
خارج من بيته وطبعا هي قايله له ان