سكريبت لجهاد أشرف
انت في الصفحة 1 من 5 صفحات
انا طاقتي خلصت
من ايه
انا عايزة اتجوز
نعم!!!
ما تتجوزني وهتكسب ثواب
طب انا نازل وهجيلك لما تعقلي
دا انا في اكتر وقت عاقلة فيه وهي البنت ليها ايه غير بيت جوزها
لها...
يعني انا هخلص الكلية وبعدين هتجوز وهيقعدني في البيت.. هل هاشتغل بكليتي في الاخر.. طبعا لا... فا ليه المرمطة!!
اتنهدت ما انا طاقتي خلصت..
معلش هانت
حياتي بقت احسن بكتير
تصدقي إن انا غلطان انا قاعد معاكي ليه اصلا!
عشان ابن عمي مثلا والمفروض تخرجني من اكتئاب الامتحانات... إلا قولي يا يونس
يا يونس
دمك ظريف اوي.. المهم هو انت ليه مش زي ولاد العم اللي بيهونوا علي بنات عمهم في فترة الامتحانات ويجبيلهم تسالي واكل وبيبس وحاجات حلوة كتيرة وبيشجعهم و....
ولاد العم اللي في الروايات
قفل اللاب بتاعه طيب انا نازل اكمل شغلي تحت لانها تقريبا رايحة منك علي الاخر
في داهية.. انسان مهزق
نزل شقتهم وانا كمان خدت كتبي ونزلت شقتنا اكيد مش هقعد لوحدي علي السطح في الوقت دا.
صحيت الصبح وجهزت نفسي ومشيت علي الامتحان وكالعادة بعد كل امتحان بخرج اطبطب علي نفسي واقولها هتعوضي في الامتحان الجاي... خرجت برا الجامعة واتفجأت بيونس واقف بعربيته قدام الجامعة روحتله
انت بتعمل ايه هنا
جاي عشان اخرجك واعزمك علي الغداء النهاردة ايه رأيك!
اتفجأت بكلامه متأكد انك يونس!
بقولك ايه انا مش مطمنالك اصلا.. انا هروح بيتنا اذاكر مش عايزة اضيع وقت عندي امتحان بعد بكرا
مشيت خطوتين وسمعت صوته
خلاص براحتك روحي كلي سمك في البيت
رجعتله هما عاملين سمك النهاردة
مش كنتي مروحة!!
قولتلي بقا هتغديني فين
بيسوق العربية وكل شوية اسړق نظرات له
بصلي في ايه مالك!! بتبصيلي كدا ليه
عشان هخرجك!!
طب انت هتخطفني!!
تصدقي انا غلطان عشان حبيت اخرجك من جو الامتحانات شوية
بصتله بشك انا كلامي اثر فيك بالسرعة دي
لا انا فكرت وحسيت إن مأثر فعلا معاكي فا قررت اكون زي ولاد العم اللي في الروايات
بس ولاد العم اللي في الروايات بيتجوزوا في الاخر
ايه
انا ويونس ولاد عم حقيقين من ارض الواقع مش زي الروايات او زي الروايات في حاجة إن انا معجبة بيه وبشخصيته بس مستحيل اعمل حاجة عشان اخليه يحبني يعني مثلا ليه انا احبه وافكر فيه وهو لا.. علي رأسه ريشة مثلا!! لازم هو اللي يعترفلي الاول.
خرجنا واكلنا في مطعم ولفينا شوية بالعربية ورجعنا البيت
انزلي يلاا
انت مش هتطلع ولا ايه
هركن العربية وطالع
تمام.. صح نسيت... شكرا علي خروجة النهاردة
ابتسم انا عايزك تشكريني بطريقة تانية
استغربت طريقة ايه
هقولك بعدين
سبته وطلعت وكأن مقالش حاجة ومنكرش طبعا بفرحتي بخروجة
