السر الكبير بقلم غاده سعيد

حياتي اتقلبت النهارده لما ماما وهي پټمۏت صارحتني ب سر خطېر محدش يعرف عنه حاجه غيرها .... 
انا اسمي آية وعندي ٣٠ سنة مطلقة بعد جوازي ب ٩ سنين بس ربنا مأردش اني اخلف .... 
والدي مټوفي وعايشة مع والدتي المړيضة واخويا يوسف اصغر مني ب ٣ سنين بيشتغل وبيصرف علينا وانا بخدم امي وبعمل الاكل وشوف البيت 

مقدرتش انزل اشتغل عشان مش هينفع انزل واسيب ماما لوحدها .... 
بداية تعبها بعد وفاھ بابا ب سنة ابتدي يجيلها صداع مستمر لحد ما راحت لدكتور وطلب اشاعة وتحاليل واتشخصت ب مرض الکانسر وبدأنا علاجنا الكيماوي لكن للاسف الکانسر 
اخويا يوسف بيشتغل شغلنتين عشان يقدر علي مصاريف العلاج وحتي مبيلحقش ينام .... 
كان بيحب واحدة وراح خطبها لكن هي سابته وقالتله انا مش هفضل مستنياك كل ده وانت كل فلوسك صارفها علي اهلك 
قرر انه مش هيعلق نفسه ب حد تاني وهيعيش لينا وبس وكل فلوسة بيصرفها علي علاج ماما والباقي بنجيب بيه اكل 
ماما ربتنا علي تحمل المسؤلية من صغرنا وانا واخويا قريبين من بعض ومبنخبيش حاجه علي بعض لما بيبقي متدايق في شغله بيجي يحكيلي وبخفف عنه .... 
_ ياآية... 
نعم ياماما اجبلك حاجه 
_ لا يابنتي تعالي اقعدي جنبي انا عاوزه اتكلم معاكي شوية.... 
خير ياماما... 
_ انا يابنتي في حاجه شيلاها في قلبي وخنقاني اسمعيني ومتقاطعنيش فالكلام انا خلاص يا آية بمت ومش هرتاح غير لما تسمعي مني الكلام ده لعل ان ربنا يسامحني .... 
من ٢٨ سنة كنتي انتي معايا مالية عليا حياتي ابوكي الله يسامحه مامتة قعدت تزن عليه اني احمل تاني بحجه انها عوزاني اجيب الولد الي هيشيل اسم العيلة ... 
طب وايه المشكلة مانتي جبتي يوسف 
_ يابنتي اسمعيني ومتقاطعنيش فلكلام....
خليني اعرف اقولك الكلمتين الي حطاهم في قلبي من سنين وساكته .... 
حملت وعدا اول شهر ورحت للدكتور وطمني علي حملي لحد الشهر الرابع الي رحت فيه للدكتور وسألته انا حامل في ولد ولا بنت وقالي 
_ الحقيقة مش باين حامل في ايه بس كده يبقي احتمال بنت... 
حكيت لابوكي ومتوقعتش رد فعله لقيته بېزعق فيا جامد وبيكسر البيت وحامل في بنت ازاي انا عاوز الولد وانا مكنش ليا ذنب بس انا هديته وقولتله هغير الدكتور وممكن يكون كلامه غلط بلاش تتسرع .... 
تاني يوم رحت لدكتور تاني لكن اول ماحط السونار
علي بطني اكدلي انها بنت سيبته ومشيت وانا مش عارفه اقول لابوكي ايه الي قاعد مستنيني ومستني اقوله اني هجيبله الولد ... 
_ ماما انا بصراحه مش فاهمه ولا كلمه 
سيبيني اكمل كلامي الاول.... 
روحت البيت لقيت ابوكي قاعد مستنيني وعينه بتطق شرار 
_ ها عملتي ايه 
انا طلعت حامل في ولد والدكتور كان غلطان 
_ بجد انا مش مصدق نفسي اخيرا هتجيبيلي الولد الي نفسي فيه ... 
اضطريت اكذب عليه عشان بيتي ميتخربش .... 
انا بحكيلك الكلام ده عشان تدوري علي اختك... 
_اختي!!!!! اخت مين... 
دكتور محمد عباس انتي عرفاه اديتها اسورة دهب غالية جدا كانت عندي وقولت لابوكي انها وقعت مني في مقابل انها تظبطلي معاد ولادتي مع ميعاد ولاده واحدة حامل في ولد ونبدل الطفلين 
_ ايه ياماما انتي بتقوليه ده 
دي الحقيقة يابنتي والله يوسف مش اخوكي دوري علي اختك يا آية وخليها تسامحني وخلي يوسف يسامحني وسامحيني يابنتي وادعيلي ربنا يسامحني 
وفجأه لقيتها سابت ايدي وصوتها راح كانت حاسة بنفسها وعارفة انها خلاص پټمۏت... 
جالي صدمة وادركت ان ماما مشيت وسابتلي حمل تقيل
فوق كتفي مش عارفه هتصرف في ازاي... 
قعدت جنبها عالارض وجسمي