رواية لم يكن الأخير.الجزء السادس.

ليلى
ليلى بدات تكح المياه اللى شربتها وبعدين فتحت عنيها مصطفى حضنها
مصطفى انا اسف انا السبب بس الحمد لله انتى بخير
ليلى مش بالسهولة دى هتخلص منى
مصطفى يبتسم ديما كده تقطعى علينا لحظات الرومانسيه
ليلى تبص لمصطفى انا بحبك
مصطفى وانا كمان
ده كان الحلم اللى بيحلم مصطفى وهو مش فايق عليه
محمد كلم إياد وقاله ان مصطفى فى المستشفى وإياد قال للكل فى المستشفى إياد وعلياء واحمد وصفاء وندى وصلو
إياد محمد مصطفى فين
محمد فى اوضه العمليات بيقولوا ڼزف ډم كثير
أحمد ايه اللى حصل طب
محمد انا معرفش انا كنت رايح له فى اليخت لقيته على الارض وپينزف فاجبته على هنا
صفاء طب احنا لازم نشوف الدكتور ونعرف منه ايه الحاله
محمد هو لسه فى العمليات لما الدكتور يطلع هيطمننا
علياء طب ليلى ..فين ليلى
إياد اه صح هى فين
محمد ليلى مين
إياد مرات مصطفى
محمد اه هى اسمها ليلى
علياء ايوه هيا فين
محمد انا معرفش انا لما جبته هنا مكنش فى حد معاه وكمان مكنش فى حد فى اليخت
إياد ازاى يعنى انت متاكد
محمد اكيد انا دخلت اليخت ادور على حاجه اوقف بيها الڼزيف
ندى يعنى ايه هتكون فين يعنى
صفاء يمكن تكون اتخانقت مع مصطفى و قاعده فى اى حته ومتعرفش انه حصل له حاجه
علياء تتصل بليلى مابتردش
إياد طب تعالى نروحلها عند اليخت زمانها رجعت وبتدور على مصطفى
علياء تمام يلا بينا
إياد عمو أحمد ابقى طمنا لما مصطفى يخرج من العمليات
أحمد ماشى وانت كمان قولى اللى هيحصل معاك
علياء وإياد راحو اليخت ولقو الدم فى كل حته وعلياء كانت مستغربه
إياد مفيش حد هنا
علياء يمكن ليلى جت وشافت كل الدم ده اتخضت وطلعت تدور على مصطفى
إياد يمكن طب حاولي تكلميها كده
علياء تتصل بليلى ايه ده صوت موبيلها بيرن هنا
إياد اه اهو كده هيبقى صعب نوصل لها
علياء طب يلا بينا ندور عليها
إياد المكان هنا كبير وهى ممكن تكون فى اي حته
علياء يعنى ايه هنفضل كده مش عارفين هى فين ولا عامله ايه
إياد بصى احنا نسيب لها ورقه هنا نقولها فيها على اسم المستشفى والعنوان يمكن لما تجى تليقها وتروح على هنا واحنا نروح المستشفى ولو مجتش بعد ساعه كده انا ومحمد هندور عليها
علياء اوك انا كتبت الورقه اهو . يلا بينا
إياد وعلياء راحو على المستشفى وكان مصطفى لسه ماطلعش من اوضه العمليات
أحمد ها لقتوها
إياد للاسف لا
اهل ليلى وصلو المستشفى
زهره مخضوضه ايه اللى حصل يا مدام صفاء .مصطفى ماله
رضا براحه يازهره شويه واحده واحده علشان نفهم
صفاء عنيها مليانه دموع ابنى هيروح منى اهىىىىىى
ندى ماما لازم تكونى اقوى من كده..هو هيبقى كويس ان شاء الله
أحمد مصطفى لسه فى اوضه العمليات
زهره طب وفين ليلىبس محدش رد عليهاعلياء فين ليلى
علياءتبص فى الارض
زهره ليلى فين بنتى حصل لها حاجه .ردى عليا حد يرد عليا
إياد بصراحه محدش يعرف بس هى ان شاء الله كويسه
زهره يعنى ايه محدش يعرف انت مش بتقولو مصطفى فى العمليات يعنى وهى مش هنا يبقى اكيد حصلها حاجه
محمد انا لما لقيت مصطفى مكنش فى حد معاه
زهره يعنى ايه وبنتى راحت فين
رضا اهدى شويا خلينا نعرف ايه اللى حصل
ضابط الشرطه انتوا عائلة مصطفى
إحمد ايوه
زهره بنتى ارجوك تقولى فين بنتى
ضابط الشرطه مالها بنت حضرتك
أحمد دى مرات مصطفى واحنا مش لاقينها
ضابط الشرطه قصدكم انها طلعت زعلانه لما عرفت الخبر وانتو مش عارفينها فين
أحمد لا هو محمد لما لقى مصطفى وجابه على هنا كان لوحده وبيقول انه مكنش فى حده معاه على الرغم ان ليلى كانت مع مصطفى فى اليخت
ضابط الشرطه طب هو مين محمد
محمد انا
ضابط الشرطه طب اتفضل معانا ناخد اقوالك وماتقلقيش يامدام انا هبلغ كل النقط يدورو على بنتك لو فى اى جديد هنبلغكم
زهره يعنى ايه هفضل كده مش عارفه عن بنتى حاجه
رضا الضابط قالك هيدور اصبرى شويه
زهره انا من الصبح وانا حاسه نفسى مش مرتاحه انا بقولك اهو بنتى حصلها حاجه مهو مش طبيعى انها ماتبقاش هنا
الضابط خد محمد وراحو مكان الحدثه وبلغ القسم انهم يدورو فى كل الاقسام والمستشفيات على بنت اسمها ليلى رضا
بعدين الضابط رجع المستشفى علشان يبلغهم بتطورات وياخد اقول بقى الموجودين
زهرهبلهفه لاقيت بنتى مش كده
ضابط الشرطه للاسف بلغنا كل الاقسام والمستشفيات مش لقيناها
زهره يعنى ايه هتكون فين يعنىوټعيط
علياء اطمنى ياطنط طلما مش موجود فى اى مستشفى يبقى هى كويسه
ضابط الشرطه احنا عاوزين صوره ليها علشان الدوريات تدور عليها فى الشارع..بس تكون صوره حديثه
زهره انا معايا صوره ليها اتفضل الصور اللى اتصورتها علشان كتب الكتاب دى مابقلهاش شهرين عروسه ياحبيبتى يابنتى ياترى انتى فين ټعيط وهى ماسكه الصوره
الضابط تمام لو فى جديد هبلغكم استاذ احمد حضرتك والد مصطفى مش كده
أحمد ايو مضبوط
ضابط الشرطه طب اتفضل معانا ناخد اقولك
أحمد بس انا معرفش ايه اللى عمل فى ابنى كده
ضابط الشرطه ابن حضرتك مضړوب بطلق ڼاري و احنا لازم نحقق فى كل