رواية نادرة قلبي بقلم دعاء أحمد..الجزء الحادي عشر.

رواية نادرة قلبي بقلم دعاء أحمد..الجزء الحادي عشر.
في قسم البوليس العسكر دخل ومعه حسن اللي مش فاهم في ايه لكن وقف مستغرب وهو بيبص لعامر اللي واقف في آخر الممر أدام مكتب الظابط. وصلوا لحد عنده وحسن بصله بحدة
في ايه يا عامر وليه جايبينك هنا
عامر پذعر
أنت كنت فين يا حسن. أنا اتصلت عليك كتير وموبيلك مقفول أنا وانت في مصېبة
حسن بعدم فهم 
مصېبة ايه فهمني حصل ايه
عامر 
لقوا مادة بيضاء في الورشة والظابط بيقول انها بودرة ودلوقتي أنا وأنت بالنسبة ليهم تجار صنف فادعي ربنا نعدي منها على خير
حسن بسرعة 

صنف ايه وبودرة ايه أنت اتهبلت يا عامر دا أنا كبيري لما اتعصب اشرب سچاره تقولي بودرة. ازاي وازاي الحاجة دي كانت موجوده في الورشة ومين حطها
عامر 
مش عارف يا حسن مش عارف أنت لما مشيت أنا قلت اكمل شغل وبعدين لقيت البوليس جاين وبيقولوا في أمر بتفتيش وفتشوا بيتي ولقوا الحاجة دي في الورشة واقبضوا عليا
حسن 
لا أكيد في حاجة غلط. أكيد استر يارب. استر
عامر
أحنا لازم نعرف مين اللي حطهالنا وكمان مين اللي بلغ البوليس شكل في حد حطنا في دماغه والمرة دي مش سهلة يا حسن
حسن بصله ومتكلمش ورجع قعد على الأرض وهو بيمرر ايده في شعره وبيحاول يستوعب اللي هو قاله
...
في بيت موسى نادرة كانت قاعدة جانب جليلة ومش فاهمة في ايه ولا المفروض تعمل ايه
نادرة 
لا أنا مش هفضل قاعدة. كدا وأنا مش عارفه في ايه ولا حسن فين. أنا لازم اسال لازم القيه
جليلة 
اهدي يا نادرة اهدي يا حبيبتي دا غلط عليك وعلى اللي في بطنك وبعدين تسالي فين تدوري في أقسام البوليس. ابوكي هيعرف ويجي يقولنا في ايه وبعدين اهدي كدا أنت مش شايفه أمه حالتها عاملة ازاي دي من ساعة ما عرفت وهي ھتتجن عليه فاهدي كدا
نادرة مقدرتش تتكلم حطت ايديها على وشها جليلة بصت لها بحزن وحضنتها
غمه وهتنزاح يا نادرة. غمه وهتنزاح
بحر خرجت من اوضتة نادرة القديمة وراحت قعدت جانبها وهي بتمسح وشها وعيونها حمرا
هو حسن هيتاخر يا ماما. الناس اللي اخدوه دول شكلهم يخوف اوي. أنا خاېفة عليه. هو كويس صح
نادرة سابت جليلة وحضنت بحر وڠصب عنها عيطت بقوة وهي حاسة أن المرة دي صعبة. قلبها المقبوض طول الفترة اللي فاتت كان بيقولها أن اللي جاي مش سهل وهي كانت بتحاول تتجاهل لكن! بحر كانت بټعيط لكن افتكر كلام حسن ليها لما كان دايما يوصيها تخلي بالها على نادرة ومتخليهاش ټعيط لان قلبه بيوجعه لما يحس أنها زعلانة بعدت عنها ومدت كف ايدها تمسح دموع نادرة وببراءة
متعيطيش يا نادرة. حسن بيزعل هو قالي اخلي بالي عليك ومخلكيش ټعيطي وهو زمانه جاي
نادرة مسحت دموعها وهزت رأسها
هو زمانه جاي هو اكيد مش هيتاخر
عدي ساعة وراء التانية والتالتة وحسن وعامر في القسم موسى وعبد الرحمن والد عامر كانوا موجودين وهم مش مصدقين اللي عامر حكاه وسكوت حسن وصډمته موسى جاب محامي لحسن علشان يفهم حيثيات الموضوع العسكر اخد حسن ودخل لمكتب وكيل النيابة
وكيل النيابة
ها يا حسن مش ناوي تتكلم وتقول الكوكاين اللي لقيته في الورشة بتاعتك دا جيبته منين
حسن 
أنا أصلا معرفش ازاي فيه حاجة زي دي في الورشة. أنا متأكد أن في حد دس لينا الزفت دا
وكيل النيابة
مين ممكن يعمل كدا فيك يا حسن. الكمية اللي لقيناها في الورشة تجيبلك خمسه وعشرين سنة سجن أو مؤبد مين ممكن يكون بيكرهك للدرجة دي علشان يحطلك الكمية دي كلها حسن أنت موقفك أسوأ من عامر لان الورشة مكتوبة باسمك أنت وعامر كتيره هيخرج بكفاله وانت اللي هتشيل الليلة رغم أن سمعتك وكلام الناس كله في صفك وكلهم قالوا أن مستحيل انك تكون بتاجر في الكوكاين. ساعدني علشان نعرف مين اللي عمل كدا لان أنت اللي هتروح في الرجلين حتى لو عامر هو اللي بيتاجر. قولنا بيجيب الحاجة دي من مين وكان ناوي يوديها لمين وصدقني أنت هتخرج منها
حسن قعد على الكرسي وهو حاسس الدنيا بتلف بيه ومش قادر يتنفس
أنا معرفش مين اللي ممكن يعمل معايا كدا بس اللي أنا متأكد منه أن عامر مالوش علاقة بالموضوع دا كله. وبعدين فكر فيها أنا وعامر بنشتغل في الميكانيكا ودخلنا المادي بيكفي مصاريفنا
هنجيب منين الفلوس اللي تخلينا نشتري كمية زي اللي حضرتك بتقول عليها دي دا احنا عايشين في الدنيا دي بنقول يارب كملها بالستر كل الشباب اللي زينا مطحونين علشان يعرفوا يعيشوا بالحلال وبعدين دا أنا لو معايا فلوس كتير كدا كنت حجزت في المستشفى لمراتي اللي قربت تولد ومستني الجمعية اللي بعملها علشان اقبضها
وكيل النيابة بجدية وحدة
للأسف يا حسن كلامك دا مش هيفيد بحاجة. لان ممكن برضو تكون واخد البضاعة دي تصرفها لصاحبها الحقيقي ولو قلت لنا مين هو هيفرق معاك والا صدقني ابنك اللي أنت مستنية دا هيخرج مش هيلقيك.
حسن
بس