رواية رجولة أستاذ..الجزء الثاني.

تقريبا اول مره اتكلم مع بنت مصريه كده
فريده مممم انا شايفه انك بتبالغ فيه ناس مثقفه جدا واحسن منى مليون مره ناس مهتمه بجوه وبره
حسن ياريت كله بيفكر كده انا مش بقتنع بالبنت العربيه وعلشان كده اتجوزت جومانا
فريده ممممم جومانا هى مش جومانا مصريه
حسن هى مش مصريه جومانا من اب مصرى لكن مامتها اجنبيه
فريده بس لهجتها مصريه اوى
حسن اها من باباها
فريده ممكن سؤال 
حسن اكيد
فريده انت بتقول اتجوزت جومانا علشان كده 
حسن لا طبعا مش كده انا بحبها
فريده ربنا يخليكوا لبعض
قفل طارق الباب بعد ما دخلت جومانا قعد ع كرسى قريب من الباب
قربت جومانا منه
جومانا ايه يا بيبى 
_ساكت طارق ومبيردش ع جومانا
جومانا اه يبقى اللى انا شاكه فيه صح
طارق وده من امتى بقى 
جومانا من ساعه ما فريده هانم شرفت
طارق فريده ايه
جومانا انا ما بخرفش متنساش اللى ما بينا يا طارق
طارق اوعى تفتكرى نفسك بتهددينى
قربت جومانا من طارق وحضنته
جومانا انا بحبك يا بيبى
طارق بس اعرفى يا جومانا ان الطريقه دى متنفعش معايا
جومانا يعنى انت مبتحبهاش
طارق انتى ملكيش دعوه بحياتى
جومانا انت بتقول ايه
طارق بقول اللى سمعتيه انتى بتقولى بحبك وتروحى تباتى فى حضن واحد تانى انتى فكرانى عبيط
جومانا بس انا بحبك انت وممكن اطلق
طارق من الاخر يا جومانا انتى واحده بتحبى تقضى وقت حلو وانا كمان مش هرفض اقضى وقت حلو مع واحده بالجمال ده كلهابقى عبيط لكن انا واحد صريح يوم ما هتجوز هتجوز واحده زى فريده دى اوعى تفتكرينى جوزك بتاع الاجانب ده انا واحد اقضيها ومكدبتش عليكى لكن مستقبلى بين واحده زيها كده فهمتى بقى
جومانا انت ساڤل
سكت طارق بكل برود وقعد ع اقرب كرسى
جومانا اوعى تفتكرنى هسكت
طارق انا مش عاوزك تسكتى روحى قولى لجوزك انا اللى شليت ابوك وبنام فى حضن واحد تانى
سكتت جومانا وقربت من طارق وكانت هتضربه بالقلم مسكها من ايديها
جومانا انت ازاى كده
طارق زى ما انتى كده انتى محبتنيش .
جومانا هتشوف يا طارق يا انا يا انت وانسى فريده
رزغت جومانا الباب ووقف طارق مرتبك بسبب اخر كلمه قالها طارق هو عارف انه محبش فريده بس هو مشدود ليها بطريقه غير طبيعيه يمكن لانها بتصده يمكن تلقائيتها فى الكلام بس الكلمه اللى قالتها جومانا حسسته انها حاجه كبيره اوى عنده ليه ميعرفش 
دخلت فريده اوضتها محتاره ومتلغبطه بعد سهره طويله مع سالم ..حياتها اللى فاتت كانت مقتصره ع راجل واحد وهو باباها..لكن الكذا شهر اللى فات خليتها تحس ان الدنيا مش بسيطه او سهله بالطريقه اللى كانت فكراها
..طارق اللى مش عارفه بيكلمها كده ليه بس واضح من معملته انه مهتم بيها بس هى حاسه مش بيفكر غير فى نفس هو مفكرش غير فى مشاعره وبس وبيقتحم حياتها من غير ما يحدد هو عاوز ايه ودى اكتر حاجه بتكرهها لانه مش واضح
..حسن اللى اكتشفت انهارده انه انسان طيب بس رغم ثقافته ولبقته ان دماغه غريبه ومشاعره مذبذه
..عبداللطيف اللى مش عارفه تقول عليه غير انه حيوان مبيفكرش غير فى غرايزه ومش عارف يسيطر عليها وواضحه عليه
..عمار اللى حساه هديه امانى وانه امنيتها فعلا بس اكبر ما شغل بالها هو طه مش قادره تستوعب ان ده هتقدر تكمل معاه حياتها اسلوبه غريب ودماغه ناشفه ومش متعاون بس اللى تعابها اكتر انها حست انه مبيحبهاش ازاى بيحبها وهو عمره ما حسسها بالامان ولا الحب والاحتواء ولا بيعرف يصالحها ولا حتى تحس بقلبه
رجعت جومانا البيت وهى بتمسح دموعها ومش مقرره تعمل ايهشافها حسن اللى كان سهران فى مكتبه وفاتح الباب مستنيها
حسن جومانا
بتبصله جومانا وهى بتحاول تدارى دموعها
جومانا ايه مسهرك 
حسن مستنى القمر يطلع
حاولت جومانا تجمع بسمه فى وشها وملامحها ساعدتها ع كده
حسن مش يالا بينا
جومانا عملتوا ايه ع العشا
حسن تمام كويس بس كان ناقصك
جومانا بتحبنى 
حسن ده سؤال برضوا
جومانا جاوبنى
حسن طبعا
جومانا هو انتى اتجوزتنى ليه
حسن مالك انهارده ايه الاسئله دى
جومانا هو انت ليه مش عاوز تجاوبنى
حسن اسئلتك غريبه اوى
جومانا يالا ننام
حسن في حاجه 
جومانا خالص يا بيبى
بعد نوم طويل دخلت فريده لاوضه سالم
اللى لقيته نايم و اول ما دخلت رشت برفيوم من اللى هو بيحبه فى الاوضه فاق ع ريحته وهو بيتابع فريده وهى بتفتح ستاير الاوضه وبتبتسمله ..ابتسم سالم لفريده فجأه وده خلاها ترجع تبصله تانى لقيته بيبتسم لها.
خرجت تدور ع اى حد فى الفيلا ملقتش غير جومانا راحتلها
فريده الحقى سالم بيه مدرك اللى حوليه انا متأكده
جومانا ازاى 
فريده بيتابعنى بعنيه وبيبتسم كمان تعالى اوريكى ممكن
جومانا هاجى معاكى
دخلت فريده وجومانا الاوضه غابت ابتسامه سالم اول ما دخلت جومانا فضلت فريده تبص لسالم بتعجب وبصت لجومانا اللى كانت بتبصله بتركيز
فريده مممم انا اسفه انا عارفه انك مش مصدقانى بس فعلا ده حصل
جومانا مفيش مشكله انا عاوزاكى نتكلم شويه ممكن
فريده اكيد