رواية خدعتني بحبها بقلم سلمي تامر.الجزء الأول.
حاجه غلط ..اما بالنسبة لحبيبة ف اتكلمت في سرها بغل
_بكره هكسرك قصاد العيلة كلها يا سيف وانا بختار غيرك وهعلمك درس عمرك ما تنساه
تاني يوم وصل كرم الفيلا اللي حبيبه ساكنه فيها وكان شكله شيك ووسيم جدا وماسك علبة شيكولاته من النوع الغالي في ايده وقف متردد وهو بيبص للمكان وقد ايه باين ان صحابه اغنياء مبقاش عارف اللي بيعمله ده صح ولا غلط لكن مكنش عنده استعداد يضيع فرصة زي دي من ايده ان حبيبة تبقى ليه دخل البيت ورن الجرس والباب اتفتح ولقى الشغالة في وشه
هز دماغه بتأكيد
_اتفضل في الصالون.. حسان بيه مستنيك
سلم عليه وقعد قدامه وبعدها اتكلم بهدوء وجدية
_انا كنت جاي اطلب ايد الانسه حبيبه واتمنى ان حضرتك توافق وانا هشيلها في عنيا
_تطلب مين ياحبيب امك! حبيبة مين! حبيبة خطيبتي
بص كرم وراه لقاه سيف اللي واقف وراه وبيبصله بنظرات ڼارية فبصله كرم بسخريه واتكلم ببرود
سيف حس ان دماغه ھتنفجر من الڠضب وصړخ بعلو صوته بأسم حبيبة اللي جت ببرود ووقفت جنب ابوها وكانت فرحانه وهي شيفاه والع كده
_ايه الكلام اللي بيقوله ده..انت فعلا هتتجوزي غيري ياحبيبة
_اه ياسيف هتجوز غيرك..كرم يستاهلني اكتر منك وانا وهو بنكن مشاعر لبعض واظن انها حاجه متخصكش زي ما كرم قالك
_واللي بينا..وكل الحب اللي بينا نسيتيه علشان سوء تفاهم! انت للدرجادي انانية ومتهورة
اتدخل حسان بعصبية وهو واقف في صف بنته كالعادة
_مخلاص بقا يا سيف البنت مش عايزاك ايه هو بالعافيه
_لأ مش بالعافيه.. براحتك ياحبيبة هانم بس انا بقا دلوقت اللي بنهي كل حاجه مبينا ومش عايزك في حياتي تاني
مشى من قدامهم پغضب وقهر ومأخدش باله من منار اختها اللي واقفه عالسلم ودموعها بتنزل علشانه واللي كانت بتحبه جدا لكن مخبيه مشاعرها عليهم كلهم لأنه مرتبط بأختها
بعد ما سيف مشي حبيبة حسيت انها اتهزيت من جواها وندمت شوية لكن لما افتكرت صوره وهو في حضن البنت عنيها لمعت بغل وبصيت لكرم بإبتسامه مصطنعه
_ولا يهمك ياحبيبة
حسان بهدوء
_اتفضل يبني اقعد علشان نكمل كلامنا
قعد كرم وحسان وحبيبة واتكلم حسان بجدية
_انا معنديش مانع انك تتجوز بنتي طالما هي موافقه بس عايز اعرف هتعيشها فين بعد الجواز
_انا معايا شقة كبيرة في منطقة كويسه وعربية وكمان مرتبي حلو ولو الجوازة تمت اوعدك اني هعيش بنت حضرتك في عنيا وهخليها مش محتاجه حاجه
بص لكرم بتفحص وحس ان راجل قاعد قدامه وقد المسئولية وكمان واضح ان شخصيته قوية
رجع بص لبنته وحس انها محتاجه حد زي كرم في حياتها لأنه الوحيد اللي هينفع مع شخصية دلوعة جدا ومتهورة زي حبيبة
_وانا موافق..بس ليه عيلتك مجاتش معاك
_انا قولت ان دي هتبقى قاعدة بيني ومبين حضرتك ولو الامور تمت هجيبهم كلهم ونقرا الفاتحه
_على بركة الله يبني..وانا عارفك وعارف اخلاقك وانك مجتهد جدا في شغلك وراجل ف علشان كده معنديش اي مانع على جوازكم
بعد ما مشى كرم طلعت حبيبة اوضتها وحبست نفسها فيها مش عارفه اللي بتعمله ده صح ولا غلط بس هي كل اللي هاممها ټنتقم من سيف
تاني يوم كرم كلمها وقالها ان عيلته محتاجه تتعرف عليها وافقت بفضول وراحت معاه ولقيت بيته بسيط جدا من نسبالها اول مادخلت لقيت نفسها في حضن ست بتحضنها بفرحه وبهجة
_يا اهلا بعروسة الغالي
ابتسمت بإصطناع
_اهلا ياطنط
_لأ طنط ايه قوليلي ياماما
كرم اتدخل بمرح
_ياحبيبتي براحة على البنت في ايه دي اول مرة تشوفيها
_اعمل ايه مش قادرة اتحكم في فرحتي انك اخيرا هتتجوز..قعدي قعدي ياحبيبتي بيتك ومطرحك
قعدت حبيبة وهي مخڼوقة جدا من المكان ومن الست اللي عماله تبصلها بتفحص وفضول موترها وقعد كرم جنبها واتكلمت خديجة بحماس
_في ثانيه هتلاقي الغدا جاهز عن اذنكم
دخلت تاني المطبخ وفضلت حبيبة وكرم اللي بيبصلها بحب وفرحه انها معاه الباب خبط پعنف
