رواية خدعتني بحبها بقلم سلمي تامر.الجزء الثاني.

رواية خدعتني بحبها بقلم سلمي تامر الجزء الثاني.
كرم كان في عربيته وحب يطلع تليفونه لقاه مش في جيبه نفخ بضيق وافتكر انه نساه في اوضة حبيبة رجع تاني ووصل البيت وشاف مشهد خلى قلبه يقع في رجليه حبيبة واقفه على السطح وبتبص للأرض وحس انها ناويه ټنتحر جرى بسرعة البرق على السطح علشان يلحق ينقذها من اللي هتعمله في نفسها اول ما وصل لقاها واقفه مدياله ضهرها مشى بخطوات بطيئه واتكلم بهدوء علشان ميخضهاش وتقع
_حبيبة اوعي تعملي كده صدقيني ده مش حل للي انت فيه
دورت وشها ليه وهي واقفه على السور وبصتله بدموع ووجه شاحب

_صدقني المۏت ارحملي من اللي انا فيه ده ياكرم انا مش متخيله حياتي من بعده ده ابويا فاهم يعني ايه ابويا اكتر حد حبيته في حياتي واكتر حد حبني برضو هو كان معوضني عن امي اللي ماټت من وانا صغيره وبقا ليا الاب والام والصاحب وكل حاجه عمره ما رفضلي طلب وكان دايما واقف في ضهري وبيعمل اي حاجه انا عايزاها وخلاني معتمده عليه في كل كبيرة وصغيره خلاني حرفيا مقدرش اعيش من غيره انا مش متخيله حياتي من غيره فكرة اني هصحى بعد كده من النوم واوجه العالم وهو مش فيه بترعبني انا خاېفه ياكرمخاېفه اعيش حياتي من غير ما يكون موجود وواقف جنبي انا ضهري اتكسر من بعده الحل اني اروحله وابقى معاه واخلص من كل الخۏف اللي انا فيه ده
حبيبة قالت كل ده وكرم كان مستغل الفرصه وبيقرب واحده واحده علشان يوصل للمكان اللي هي فيه
_طب وفكرك ان هو هيبقى مبسوط لما تنتح ري ياحبيبة طب مفكرتيش في اختك اللي بقا ملهاش غيرك دلوقت ولو انت كمان مشيتي ايه اللي هيحصل فيها
ابتسمت بسخريه وحزن
_مفيش حاجه هتحصل ياكرم من بعدي كل حاجه هتفضل زي ما هي وكل اللي حواليا هيعيشوا حياتهم طبيعي ومفيش حد هيتأثر من بعدي انا محدش بيحبني غير بابا وبابا خلاص راح
حس انه عايز ېصرخ بحبه ليها ويقولها انت ليه مش شايفاني ولا حاسه بيا وبحبي ليكي وانه مستعد يضحي بعمره كله علشان سعادتها لكن كبريائه منعه طبعا واستخدم اقوى طريقه علشان يمنعها وهي الدين واتكلم بهدوء وجدية مصطنعه
_طب ياحبيبة ارمي نفسك..يلا مالك بتبصيلي بإستغراب ليه مش ده اللي انت عايزاه بس هتخسري آخرتك ليه هتغضبي ربنا بحاجه زي دي ليه بدل ما تقربي منه وتدعي لأبوكي بالرحمه وانه يرزقه الجنه تعملي كده! عارفه انت مش لاقية حل للي انت فيه ده صح انا بقا عندي الحل ترجعي لربك تصلي وتقري قرآن وقسما بالله هتحسي براحه محستيش زيها قبل كده وهتقوي وهتصبري
نظراتها شردت بتفكير وكرم استغل الفرصه وقرب منها شدها عليه وقعت في حضنه بس اللي استغربه انها مبعدتش عنه واتمسكت فيه وهي بټدفن وشها في صدره وبتعيط بصوت واطي بادلها الحضن واتكلم بهمس وحنان
_ششش اهديادعيله بالرحمه ياحبيبة هو بقا في مكان احسن صدقيني مش هيبقى مرتاح باللي بتعمليه ده
_مش قادرة ياكرم اتقبل الفكره..انا هم وت من الحزن
بعدها عنه ومسح دموعها
_انا مجرب احساسك ده وعارف يعني ايه يتم الاب وصدقيني عمري ما نسيته
عنيه دمعت واتكلم بإبتسامه فخورة
_بابا الله يرحمه كان احسن راجل في الدنيا كلها وكان الناس كلها بتحسد امي لأنها اتجوزت راجل زيه وفي كان راجع من شغله بدري علشان يوفي بوعده انه يخرجني لأني كنت ساعتها عندي ١٠ سنين وبحب الخروجات والتنطيط وكنت لابس وواقف في البلكونه ومستنيه ييجي علشان نخرج وفضلت واقف ساعه والتانيه لحد ما لقيت صاحبه داخل شارعنا وباين على وشه الزعل والحزن طلع بيتنا وامي فتحتله وبعدها سمعت صړيخ وعياط جريت بخضه اشوف فيه ايه لقيتها بتقولي ابوك ماټ ياكرم ابوك عمل حاډثه بالعربيه وراح فيها وسابنا مستوعبتش الفكره وفضلت واقف في البلكونه مستنيه ييجي ورافض اتحرك مهما يعملوا كنت بفضل قاعد قدام الباب مستني صوت تكة المفتاح في الباب ودخلته عليا وهو جايبلي كل اللي نفسي فيه كنت مستني يوم اجازته لما ننزل نصلي الجمعه وبعدها نروح نجيب اكل ونتغدا وبعدها يفضل يلعب معايا كورة ويخرجني ذكريات كتير مستعد اقعد احكيهالك لحد السنه الجايه وعمري ما نسيتها ولا هنساها ولا قادر لحد دلوقت اتعافى منها وهفضل مكسو ر طول عمري بسبب بعده عني لكن موقفتش حياتي ومستسلمتش لما استوعبت انه خلاص مشى ومش هيرجع نهائي اهتميت بتعليمي وبدأت اشتغل واصرف على نفسي وعلى امي ومرضيتش ابدا اخليها تتشحطط في اي شغلانه خصوصا انها كانت جميله جدا ومطمع للي حواليها مۏت الاب او الام بيفضل سايب اثر سلبي في نفسيتنا العمر كله بس الشاطر انه يتغلب على ده ويحاول يكمل حياته ويخليهم يرتاحوا في تربتهم وميتعذبوش لأنهم بيكونوا حاسين بينا وشايفينا ابوكي هيفضل في قلبك