رواية خدعتني بحبها بقلم سلمي تامر.الجزء الثاني.

في راسه خلوه يتجنن ولما تعب اتصل بمنار تاني
_منار هو فيه حاجه حصلت مع حبيبه او حد اټخانق معاها
منار اترددت تقوله على مرات عمها ولا لأ بس بعدها قررت تقوله واللي يحصل يحصل
_انا شاكه في مرات عمي ياكرم حاسه انها قالتلها حاجه او عملتلها حاجه خليتها تسيب البيت وتمشي وفي نفس الوقت مش عايزة اظلمها لأن لما سألتها تاني نكرت وقالت متعرفش مكانها وفضلت تحلف
_طب ومرات عمك ايه مشكلتها مع حبيبة هي مش بتحبها يعني
_مش عارفه واللهبس ممكن يعني علشان سيف كان هيتجوزها وهي سابته واتجوزتك انت والموضوع ده يعني
فكر كرم شويه وفهم ان فعلا ده سبب يخليها تكرها وتحاول تأذيها علشان كده اتكلم بجديه
_انا جاي عندكم يامنار وعايز اشوف الست دي
منار بقلق
_بس ياكرم دي احتمالات يعني مش عايزين نأذي حد
_متقلقيش يامنار انا بس عايز اسألها شوية اسألة واشوف رد فعلها وحركاتها
قفل معاها واتجه ناحية بيت حسان الرشيدي وشاكه بيزيد ناحية سميحه لما بيربط الخيوط ببعضها
شهقت پعنف لما لقيت جردل مايه اتكب عليها وهي نايمه وجميله واقفه بتبصلها پحده حبيبة بصړاخ وعصبيه وهي بتقوم تقف
_لأ بقا ده انت مش طبيعية اقسم بالله ايه اللي عملتيه ده ياست انت
_قومي يابنت بحري الساعه بقيت ٦ ايه ناويه تصحي العصر زي ما كنتي بتصحي في اسكندرية عندكم
حبيبة بنفس النبرة
_مش فاهمة برضو انت مالك اصحى امتى!
ضحكت جميلة بسخرية
_مالي! قال مالي قال ده بيتي يا قلب امك واللي يتخمد فيه يبقى يمشي على قواعده ونظامه ويصحى من الفجر يخدم فيه
_وانا مالي بكل ده انا مش عايزة اقعد في بيتك المنتن ده اصلا اللي ميجيش حاجه في بيت ابويا ولا البيت اللي كنت متجوزه فيه
جميله بزهول
_وانت كنتي متجوزة يامقصوفة الرقبة انت
غامت عنيها بحزن و بحنين لكرم لما افتكرت آخر لقاء بينهم وقد ايه كان كويس معاها وحنين ولطافة العالم كلها فيه ولأول مره تحس بحبه ليها وانه فعلا بيعشقها من قلبه
_متردي يابت
رديت بنفاذ صبر
_اه كنت متجوزه واتطلقت
حبيبة بسبب عدم علمها ان طلاق كرم باطل لأنه مكانش في وعيه رديت بالاجابة دي بصتلها جميلة بسخريه اكبر
_ما طبيعي تطلقي وانت اللي مناخيرهم في السما زيك يفتحوا بيت اصلا
_استغفر الله العظيم..اللهم طولك ياروح
_استغفري يا اختي استغفري قومي يلا وراكي شغل كتير انا اديت للخدم كلهم اجازة معادا واحده تساعدك بدل ما البيت يو لع بينا
حبيبة بسخريه
_لأ كتر خيرك والله
قريت منها وشدتها من دراعها وهي بتسحبها للمطبخ
_يلا ياحلوة قدامي عايزاكي تطبخي كل الاكل اللي محطوط على الرخامه ده وبعد ما تخلصي تلفي على اوض البيت كله تروقيها وبعد ما تخلصي تبقي تعالي اقولك تعملي ايه
_اه وانت مفكراني بقا هقولك حاضر ياستي واعمل الهبل اللي بتقوليه ده صح
جميلة بشړ
_هتعملي ڠصب عن عين اللي خلفوكي يلا يابت بدل ما امسكك من شعرك الاصفر الحلو ده والف بيكي البلد كلها واخلي اللي مايشتري يتفرج..يلا انجزي
متنكرش حبيبة انها خاڤت من ټهديدها ليها وان ست زي جميله ممكن تعمل كده فعلا علشان كده نفخت پعنف وبصيت لكمية الاكل اللي المفروض تعملها وحسيت انها عايزة ټعيط
مشيت جميلة من قدامها ودخلت بنت صغيرة جدا عندها عشر سنين بتبص لحبيبة بإنبهار من جمالها لمحتها حبيبة واتكلمت پصدمه
_لأ متقوليش! اكيد مش انت اللي قصدها هتساعدني صح
ضحكت البنت بمرح واتكلمت بتأكيد
_لأ انا يا هانم اوعي تفتكري علشان رفيعه وقصيرة حبتين ان انا مش بعرف اشتغل ده انا فله وشاطرة خالص واعجبك والله
_انت اللي زيك المفروض يبقوا في مدرستهم يا..انت اسمك أيه
_فرحه..اسمي فرحه ياهانم
ورديت بشوية حزن
_والعلام مش للي زيي انا اتكتب عليا الشقى من اول ابويا ماټ وسابلنا كوم لحم ف كان لازم اشتغل واساعد امي علشان تربي بقيت اخواتي الصغيرين
بصتلها حبيبة بشفقه وحزن ولأول مره تحس بغيرها وتشوف حياة غير حياتها الوردية اللي كانت عايشه فيها وقد ايه العالم ليه وش تاني مظلم كانت متعرفش عنه حاجه بسبب حياة الرفاهية اللي كانت عايشه فيها وكانت أكبر مشاكلها لما متلقيش درجة روچ عايزاها عرفت في اللحظه دي قد ايه كانت تافهة وسطحية
_يلا ياهانم نبدأ بدل ما الست جميله تيجي وتبهدلنا
فاقت من شرودها وهزيت دماغها بإبتسامه لطيفة واتكلمت بحنان
_قوليلي ياحبيبة بس وانا هقولك يا فرحه اتفقنا
_بس..يعني
_مبسش ولا حاجه اعتبريني زي اختك الكبيرة
_حاضر ياحبيبة
ابتسموا لبعض وبدأت حبيبة تطبخ الاكل بحرافية لأن دي هوايتها من وهي صغيره و كانت سرحانه وبتفكر في اللي حصل فيها بصيت لفرحه بتساؤل
_مش معاكي تليفون يافرحه
بصتلها فرحه بنفي وهي بتقطع الخضار
_لأ والله
_طب متعرفيش تاخدي منهم موبايل من غير مايخدوا بالهم
فرحه پخوف ورفض
_دول ېقتلوني فيها لا والنبي طلعيني من الموضوع ده ست جميله صعبه ومحدش في العالم يقدر عليها
_الله ينور عليكي يافرحه فهميها بقى
قالتها جميله بإبتسامه خبيثه وهي داخله المطبخ نفخت حبيبة بضيق واتكلمت بإستغراب
_انا مش عارفه انت بتكرهيني كده