رواية خدعتني بحبها بقلم سلمي تامر.الجزء الاخير.
ايه دلوقت
_مش عارفه..انا تعبانه وعايزه ارتاح يامنار وزهقت من اللي انا فيه ده
الباب خبط ودخل كرم وهو ماسك كياس كتير في ايده وبيتكلم بهدوئه المعتاد
_جبتلكم فطار علشان نفطر ونتحرك لأسكندرية علشان خديجه مبهدله الدنيا هناك وقلقانه عليا وعليكي ياحبيبه
ابتسمت حبيبة بحب للست دي واللي بتغرقها بحنانها واهتمامها كل ما تشوفها واتكلمت بإشتياق واضح
ابتسملها كرم وحط قدامها الاكل
_وانت وحشتيها اوي برضو كلي علشان متقعيش من طولك تاني
بعد فترة كانت حبيبة قاعده جنبه في العربيه ومنار في الكنبه اللي ورا وبتبص لحبيبة بتردد شديد لدرجه ان حبيبة لاحظته
وبصتلها بتساؤل
_يبنتي فيه ايه مالك لو عندك حاجه قوليها وارحميني من التأتأه اللي هرياني بيها طول السكه
_بصي ياحبيبة انت عارفه اني بدرس ادارة اعمال في لندن والامتحانات قربت ولازم اسافر يإما السنه هتضيع عليا وفي نفس الوقت مش عايزة اسيبك لوحدك
انتبه كرم لكلامهم واستنى يسمع رد حبيبة بإهتمام ويعرف ناوية على ايه عنيها دمعت پألم واتكلمت بنبرة حزينه قطعت قلب كرم كليها
_انت كمان هتسبيني يامنار!
_يا حبيبتي والله مسألة وقت علشان اتخرج وارجع اعيش معاكي على طول لو محضرتش الامتحانات هضطر اسافر تاني سنه كامله وبدل ما اسيبك كام شهر هسيبك سنة
هزيت دماغها بموافقه
_طيب يامنار رينا يوفقك
_حبيبة علشان خاطري متزعليش مني والله مسألة وقت
ابتسمت حبيبة بهدوء
_مش زعلانه يامنار انا عمري ما هقبل اني اقف قصاد مستقبلك متقلقيش
فضل طول الطريق يفكر هيعمل ايه وازاي هيأمن لحبيبة عيشة مرتاحه علشان نفسيتها تتعافى وترجع احسن من الاول بعد اللي حصل معاها
جات سميحه بفزع من صوت سيف العالي ووقفت قدامه بثبات مصطنع
_في ايه مالك
_انت ازاي عملتي كده في حبيبة! ازاي قدرتي تقسي عليها بالشكل ده هي اذيتك في ايه
سميحه بسخرية
_أذيتني في ايه! وهي لما تكسر قلبك قبل فرحك بكام يوم كده مأذتنيش
_حاجه متخصكش واللي عملتيه ده ملوش مبرر ابدا انا بجد مصډوم مش قادر اصدق انك قدرتي تعملي حاجه زي كده بس عارفه مش انت عملتي فيها كده علشاني انا بقى هسيبلك البيت واسافر ولما بابا يرجع من السفر يبقى يتعامل معاكي
_لأ ياسيف علشان خاطري متعملش فيا كده
تجاهلها سيف وكمل لم هدومه ومتجاهل كل الكلام اللي بتقوله نزل بشنطته وهي وراه بټعيط پعنف وندم لكن سيف قلبه محنش ليها وساب البيت ومشى وهو مقرر يبعد عن كل حاجه ويبدأ من الاول وجديد في بلد تانيه بعيد عن الكل
وصل بعد شويه كرم وحبيبة ومنار ولقوا سميحه قاعده على الارض پتبكي بحسره بصوا لبعض بإستغراب واول ما لمحتهم بصيت لحبيبه بكره وقربت وهي ناويه تضربها وبتتكلم بكره
_ابني سابني بسببك..والله لأقتلك
منعها كرم من انها تقرب عليها وزقها پعنف لدرجه ان اختل توازنها
_ابعدي عن مراتي ياست انت وقسما بالله لولا انك ست كان زماني عامل معاكي الواجب دلوقت
حبيبة بصتلها بكره واستحقار ووجهت كلامها لكرم
_سيبك منها ياكرم دي بني آدمه مريضه ولما يرجع عمي هو اللي هيتصرف معاها
بص كرم لسميحه بإستحقار وشد ايد حبيبة واتجه ناحية اوضتها وبعد ما وصلوا كلمها بحنان
_حبيبة
سميحه ست شړانيه وانا مش مآمن تقعدي معاها في بيت واحد بعد اللي عملته
_طب هروح فين يعني ياكرم انا مبقتش حمل اللي بيحصلي ده والله العظيم تعبت
اڼفجرت في العياط بشده وخدها كرم في حضنه ومسد على شعرها بحنان
_اهدي ياحبيبة انت لحد دلوقتي مراتي ومسئولة مني ومكانك هيبقى مكاني
بعدت عنه واتكلمت بنفي
_لأ ياكرم..مش عايزه ارجع معاك وسهيلة دي موجوده
_انا هاخدك تعيشي مع امي لحد ما نفسيتك تروق..هي اكتر حد هيعرف يكون جنبك الفتره دي وانا معاها ومش هسيبك غير لما تبقي كويسه وقادرة تواجهي العالم ياحبيبة
بصتله حبيبة بتفكير
_انت متأكد ياكرم ان مامتك مش هيكون عندها مشكله اني اقعد معاها فترة في بيتها بعد اللي
