إبن الزهار..بقلم عماد عبد الحليم

لو طلبت عيونه مش هيتاخر عليا وقولتله عايز منك خدمه وقفلت وروحت لعمي مي اول ماشافتني جات جري عليا وسألتني وقالتلي 
مي .. انت مشيت وسبتنا ليه سبتني وانا عندي الف سؤال! والفضول هيموتني أنت مين 
دياب.. انا دياب احمد الزهار ابن عمك اللي اټقتل زمان مش عارف اذا كان عمي حكالك ولا لا 
مي ..مصدومه 
دياب.. اومال لو عرفتي ان ليكي اخ هتعملي ايه يا مي 
مي .. اخ اكيد انت بتهزر
فاللحظه دي دخلت الممرضه بتقول الاستاذ ياسين فاق وطالب يشوفوكم والدكتور موجود معاه فعلا دخلنا 
مي.. بابا انت بخير هو مابيردش عليا ليه يادكتور وليه مركز علي دياب
الدكتور .. لانه لسه تحت تأثير المخدر والدك خارج من عمليه كبيره اوي وبصراحه محدش كان متوقع انه يفوق بالسرعه دي اه وعلي فكره اول مافاق ماقالش غير جمله واحده بس 
دياب.. قال ايه يادكتور 
الدكتور .. قال الحق حسام يادياب حسام في خطړ ومن وقتها ماتكلمش تاني زي مانت شايف كده 
فيكتور .. ازيك ازيك ياحمزه واخبار عمليتنا في مصر ايه 
حمزه.. كل شئ  تمام ومعمول حسابه والرجاله مستعدين بس ممكن اسألك سؤال بدافع الفضول مش اكتر ليه مصر 
فيكتور .. انت عارف ياحمزه ممنوع الاسئله بس هجاوبك عشان انت شغال معانا بقالك كتير مصر اخطر دوله واهم دوله في الدول العربيه لازم تفضل في مشاكل مستمره وصراعات فقر جهل لازم كل اللي عايشيين هناك تبقي اولوياتهم لقمة العيش وبس وميبقاش فيه مجال تاني للتفكير في اي حاجه تانيه يبقي همهم انهم يعدو يومهم علي خير ومش مهم بكرا مش مهم المستقبل ولا ايه بيحصل في الدول العربيه التانيه لو مصر فاقت من اللي هي فيه موازين كتيره هتتغير ومراكز القوه والسياده هتضيع من ايدينا وكل شبر اخدنا هيرجع ڠصب عننا مش بمزاجنا لو الشعوب العربيه فاقت واتوحدت هتكون نهايتنا احنا ومصر هي النسر اللي كل الشعوب العربيه بتتوحد تحت ظله عشان كده بنعمل المستحيل اننا نخلي النسر دا دايما في غيبوبه فهمت ياحمزه 
حمزه.. عندك حق شعب خلق من فولاز
فيكتور.. طيب يلا استعد عشان هتنزل مصر هتكون انت المسئول عن تأمين شحنة السلاح والمخډرات دي انت عارف ان دي اكبر كمية سلاح هتدخل مصر ومحتاجه تأمين وتخطيط عالي الاسلحه دي كافيه لاشعال حرب عالميه تالته عاوزك اول ماتخلص تروح انت وابوك مزرعه الفيوم تدارو هناك لحد مالدنيا تهدا وبعدين هنسافركوم لينا تاني ولو حصل اي حاجه احنا في ضهركم ماتقلقش 
في احدي البيوت المهجورة بالمقطم 
حسام ايوه يا ساره انا وصلت انتي فين.. 
ساره انا جيالك اهو شفتك
حسام..ايه المكان المهجور دا ياساره اشمعني طلبتي نتقابل هنا 
ساره ..عشان هنا المكان مطرف وبعيد عن العيون فامان يعني ماتقلقش 
حسام ..طيب فين الورق ومواعيد تسليم السلاح امتي ومكانها ايه 
قبل ما ترد عليا حد خبطني جامد علي راسي ومحسيتش باي حاجه تانيه مش عارف فضلت في غيبوبه قد ايه بس لما فوقت لقيت سياره قدامي ومعاها خمس حراس شبه المصارعيين وانا مربوط بالكرسي مش عارف اعمل حاجه 
ساره.. طبعا انت مستغرب مربوط كده ليه  وبيه جايبينك هنا  بس دلوقتي يجي وتعرف كل حاجه 
حسام .. قصدك رحيم طبعا بعتيني بكام ياساره عمري ماكنت اتخيل ان الخيانه تيجي منک يارتني سمعت كلامه وبعدت عنك
ساره.. لا مش رحيم استني بس ماتستعجلش واكيد قصدك علي دياب اكيد كنت بتحكيله علي كل حاجه وهو حذرك عموما ماتقلقش 
حسام.. محدش يقرب من دياب اللي يفكر بس يأذيه انا هاكله باسناني يا ساره فاهمه هاكله
صوت من العدم ..ما تقلقش يا حسام علي دياب انت وقفت في طريقي من غير ما تاخد بالك ولا تدري عشان كده جيت هنا 
حسام.. الصوت دا انا عارفه ده صوت الظابط يوسف عبدالرحمن
الظابط يوسف.. صح يا حسام مشاءالله عليك عندك ذاكره قويه جدا لسه فاكر الصوت 
حسام.. وهو دا صوت يتنسي وفاكر كل كلامك عن حمزاوي وصفقاته 
الظابط يوسف .. حكيتلك عشان عارف انك كنت هتدور ورا كلامي وهتساعدني وظني طلع بمحله وغعلا ساعدتني عشان اوصل لرقبة حمزاوي  كنت حاسس ان فيه حاجه تربطكم كلكم ببعض تار ډم ايه هي مش عارف 
حسام.. مين اللي جيه خطڤك لما كنت معانا مش ياسين الزهار 
الظابط يوسف.. لا مش ياسين.. دول رجالة حسين المهدي اللي خطڤوني ولان حسين مالهوش في الډم امر رجالته ان مافيش حد فيهم انهم مايتعرضوش ليكم ولا ېقتلوكم مهما حصل مهمتهم يخطفوني وبس 
حسام .. مين حسين المهدي دا
الظابط يوسف .. دا ابو ساره كان راجل اعمال كبير وخسر كل فلوسه علي ايد حمزاوي وكان عايز ينتقم منه باي شكل بس للاسف ماټ قبل مايلحق يعمل اي حاجه