فرح وشخصيتها بقلم آية

فرح وشخصيتها بقلم آية
بتقف قدام المرايا وهي ماسكة علبة المكياج بتاعتها وبتحطه على وشها حتى تغيرت 180 درجه .. طبعا ما هي استاذة محترفة فالتنكر.
بعد ما شافت نفسها .. فاضل تكة بس وأوصل لكل اللي أنا عايزاه
وبتاخد الباروكة وبتركبها وبتلبس فستان اسود لحد الركبة وبتقول بخبث .. ايوة كده لازم اخد سيلفي ايه الجمال ده اللي أنت فيه دا يا بت يا امممم أقول كاميليا عسل يا كامي.  

فجأة يقاطعها صوت رنين تليفونها ردت بدلع .. الوووو يا حبيبي عامل ايه 
مازن وهو بيصطنع الحزن .. شيري تعبان يا قلبي
شيري بابتسامة .. ليه كده بس يا بيبي
مازن .. اعمل إيه يا شيري أنا تعبان وزعلان منك 
شيري بدلع .. ليه كده يا حبيبي مش انا حبيبتك شيري
مازن .. عشان مش راضيه تخليني اشوفك وانا ھموت واشوفك وبعدين هو أنا مش بعتلك صورتي لما طلبتي مني وقاعد اليوم كله بكلمك قوليلي بقى أنت ليه مش عيزاني أشوفك بعد كل الكلام اللي بينا
ابتسمت بخبث وبعدين كشرت واتقمصت دورها وقالت بحزن .. بصراحة يا ميزو الفترة دي مش عايزة اتكلم معاك فيديو عشان تعبانه 
مازن حس بصوتها ولهجتها اللي اتغيرت للحزن فسألها .. ليه كده بس يا حبيبتي طيب قوليلي وشاركيني فاللي تعبك 
اتنهدت وقالت له بصوت مليان دموع .. أصل الدكتور كلمني وقال لي أن ماما لازم تعمل عملية علشان تخف وللاسف المبلغ اللي طلبه كبير وأنا مش عارفة هدبر المبلغ دا منين ولا ازاي بعد ما روحت لعمي ورفض انه يساعدني رغم ان ليا فلوس عنده.
مازن بتأثر .. طب يا شيري ما انا دكتور ممكن اعمل لها العمليه مجانا قوليلي هي عندها أيه
شيري .. لا انا مش عايزة اتعبك معايا و 
مازن بمقاطعة.. هعملها العمليه ما هي هتبقى حماتي برضو وده واجبي ولا ايه 
شيري حاولت تتهرب منه .. بس يا مازن ماما حالة أنت مش متخصص فيها عموما أنا بشكرك لاهتمامك
مازن حس انها هتضيع منه فقال بسرعة .. بصي لو أنا مش هقدر اعمل لها العملية يبقى هساعدك ففلوسها قوليلي محتاجة لكام وأنا هحضر لك المبلغ ودلوقتى ممكن اشوف السنيوريتا
شيري بخبث .. ماشي
وبعدين سكتت للحظات وقالت في تفكيرها .. انا اصلا كنت بجهز نفسي للحظة دي يا بيبي
مازن استعجالها وقال.. يلا يا حبيبتي أنا هتصل فيديو 
ابتسمت وعيونها لمعت وقالت .. ماشي 
مازن أول ما شافها صفر بإعجاب .. ايه الجمال ده كله يا شيري معقول حبيبتي قمر كده
شيري وهي بتصطنع الخجل .. أنت بتجاملني صح 
مازن بانبهار .. ابدا صدقيني طيب بصي أنا عايزك تخدي لي ميعاد من والدك علشان تعرفي أني صادق فمشاعري معاكي 
شيري بتصنع الحزن .. بس انا والدي مټوفي 
مازن باحراج .. أنا آسف يا شيري مكنتش اعرف 
شيري وهي بتنزل دموع بتمثيل .. مش مشكلة يا مازن بس سامحني أنا مضطرة أقفل دلوقتي وهبقى اكلمك بكرة وبتقفل بسرعة
مازن بيحاول يخليها أطول وقت معاه .. استني يا شيري مكنتش اقصد ..ايه ده دي قفلت اما انا غبي بشكل
شيري بابتسامة خبيثة وهي ماسكة صورته .. شكرا يا ميزو أنا مش عارفة اعمل إيه من غير مساعدتك ليا 
وبتحط علامة على صورته وبتقول وكده نعتبر دور شيري مع مازن خلص 
بيجي عمر من وراها وبيحيها وبيقول.. هايلة يا فروحة
الټفت له فرح وقالت ميرسي يا عمر ودلوقتي قولي جمعت المعلومات اللي طلبتها منك عن الضحېة الجديدة.
عمر .. عز احمد الأسيوطي 50 سنه رجل أعمال كبير عنده شركات بره مصر ثروته تقدر ب 5 مليون دولار عايش في فيلا مع بنته الوحيدة عندها 27 سنه مش متجوزة مراته مټوفية من 5 سنين حاليا بيتابع صفقة جديدة وعنده ميعاد بعد ساعة ونص فمطعم فال...
فرح ملامحها اتغيرت وقالت بحدة .. تمام كفاية كده اوي
عمر استغرب من اسلوبها وكان هيسألها لكنه افتكر جاسر فقال .. بس أنا عايز افهم أنتي ازاي هتبدئي مع عز وانتي مخلصتيش من جاسر اساسا 
فرح بابتسامة ثقة .. كل حاجه حلوه في وقتها وبعدين هو أنا مش قلت