فرح وشخصيتها بقلم آية

لك بلاش تسأل فاللي ملكش فيه يا عموورة
عمر بتفكيره .. وبعدين معاكي يا فرح أنا عندي حق أني مبقاش مطمن ليكي وشكلك ناوية توقعيني معاكي الظاهر كده أن مافيش حل غير اني أخد اللي اقدر عليه منك واهرب بسرعة.
فرح قالت فجأة لما موبايلها رن .. ايه ده جاسر بيرن عليا الظاهر انه بيجي على السيرة
عمر اضايق لانه حاسس انها بدأت تستلطف جاسر فسألها .. ويا ترى هو عايز ايه
فرح غمزت له وشاورت له يطلع وقالت .. هرد عليه واشوف عايز ايه
جاسر .. عامله ايه دلوقتي يا حبيبتي طمنيني عليكي وعلى ولدتك بصي أنا عايز تقارير عن حالة والدتك علشان 
قاطعته فرح بضيق وقالت .. انا بخير الحمد لله بس سامحني أنا مش هقدر اديلك أي تقارير عن حالة ماما لأني ببساطة مش عايزة أي جمايل من حد.
جاسر اضايق من اسلوبها الناشف معاه وقال بعتاب.. بس انا مش اي حد وبعدين أنا حابب اساعدك 
فرح اتنهدت وقالت .. أنا مش قصدي بس بصراحة انا قررت اني افتح مشروع ومنه هعالج ماما فلو انت فعلا عايز تساعدني بجد يبقى ساعدني في المشروع ولو مش عايز تساعد... 
جاسر بمقاطعة .. لا طبعا عايز اساعدك قوليلي فكرة مشروعك ايه
فرح .. أنا بفكر افتح مكتب صغير لتوريد ادوات التجميل وتقريبا كل حاجه جاهزة يعني أنا لفيت لحد ما لقيت مكان مناسب وظبطت كل حاجه بس ناقصاني سيولة لان التراخيص سحبت مني كتير بجانب علاج ماما 
جاسر .. مش مشكلة قوليلي ناقص كام وانا ادفعه 
فرح بابتسامة خبث .. محتاجة تأمين للشركة اللي هستورد منها فحدود ال 300 الف 
جاسر پصدمة .. 300 الف بس دا مبلغ كبير دا تقريبا يعمل بدل العملية خمسة 
فرح بتصطنع الزعل .. جرا ايه يا جاسر لو مش عايز تساعدني متساعدنيش وبعدين مين قالك أني هاخد الفلوس منك ومش هرجعها لأ أنا لو هاخد منك فلوس فهتبقى على سبيل السلف وكنت هكتب لك وصل امانة بيهم واصلا كنت هرجعها لك من أول ارباح عموما أنا أسفة أني لجأت لك وطلبت منك المساعدة.
جاسر بسرعة .. لا خلاص خلاص انا اسف بس اڼصدمت بصي أنا هحولك الفلوس فعايز رقم حسابك 
عمر من برا بعد ما سمعها .. يا بنت اللعيبة لا دي شكلها هتجمع مبلغ حلو وهتكسبني معاها كتير يبقى مش لازم اخلع دلوقتي
فرح بتفكير ..بس انا لسه معملتش حساب فالبنك يا جاسر عموما لو حابب فعلا تسلفني الفلوس يبقى حضرها وانا هاجي أخدهم منك.
جاسر بفرح .. بتتكلمي بجد يا شاهي يعني أخيرا هشوفك 
فرح .. اه يا جاسر أومال يعني هنفضل نتعامل عن طريق الموبايل والنت وبس.
عمر دخل وعمل نفسه مش عارف حاجة وسألها .. ها كان عايز منك ايه 
فرح بابتسامة نصر .. هاخد منه 300 الف وبعدين هنروح على اللي بعده 
عمر .. 300 الف يا فرح متنسينيش معاكي 
فرح بابتسامة .. تقدر تاخدهم كلهم لو حابب
عمر پصدمة .. ايه هي ايه اللي أخذهم كلهم 
فرح بضحك .. الفلوس يا عمر صدقني ميغلوش عليك ودلوقتي يلا اطلع برا علشان أنا اكمل لبسي واروح لعز 
بعد ما خلصت فرح .. حلوة اوي يا كامي يلا بقى خدي نفس وابدئي 
عمر سرح لثواني وبعدين فاق وسألها .. أنتي مين 
فرح بعد ما غيرت صوتها.. أنا كاميليا وتقدر تناديني كامي
عمر نسى أنها فرح وقال.. وانتي صحبة فرح على كده 
فرح زقته بخفة وقالت.. يا ربي على دماغك بقولك ايه ركز يا عمر أنا فرح يا حبيبي معقول تكون معرفتنيش.
عمر فضل متنح فيها بعدها قالها .. منك لله يا شيخة انا فعلا معرفتكيش عموما خدي ده الخط الجديد بتاعك
فرح .. يلا سلام
بعد ما وصلت للمطعم اللي فيه عز 
فرح .. يووه بقى ده الاقيه فين
بعدها سمعت صوت خناقة كبيرة في المطعم واتفاجأت بعز واقع على الارض وراسه پتنزف 
فرح بابتسامة .. ايوة ده هو الوقت المناسب 
فرح وهي بتمثل الخۏف وبتنزل تقع على الأرض جنب عز .. يا استاذ انت كويس حصلك ايه ايه ده