حب من طرف واحد بقلم ندى رأفت الجزء الاول

بحب وقال .. عامله يا ست الكل 
والدته بحنيه .. كويسه طول ما انا شيفاك يا حبيبي يلا روح غير كدا وخدلك دوش عبقال ما احضرلك الغداء 
الشاب .. انتي عارفه يا أمي اني خارج 
والدته پغضب.. اوعى تقولي انك بردو هتلبي دعوه العيله دي يوسف احنا اتفقنا انك مش هتروح انت ليه عايز ټعذب نفسك انك تشوفها تاني يا أبني 
يوسف بهدوء وحزن .. مش قادر انسها يا أمي مش قادر رغم ان الموضوع عدا عليه سنتين الا اني مش قادر 
والدته پغضب .. يا أبني دي كانت حته سكرتيره عندك ورفضتك لما روحنا نطلب ايدها وكمان مكملتش كام شهر واتجوزت غيرك كل دا ولسه بتحبها يا أبني حرام عليك نفسي تنساها وتشوف حياتك كدا وتجوز زي ما هي عملت نفسي اشوف احفادك قبل ما اموت 
قرب منها يوسف وباس رأسها وقال .. بعد الشړ عنك يا أمي 
والدته .. خلاص يا أبني علشان خاطري متروحش 
يوسف .. لا يا أمي هروح انا اتبعتلي دعوه مينفعش مروحش 
والدته پغضب .. انت بتقنع مين بالكلام دا يا يوسف انت رايح علشان تشوفها يا ابني انا امك وعرفاك 
باس يوسف إيدها وقال .. متقلقيش يا أمي سلام بقى علشان هتأخر 
وخرج ...
تنهدت والدته بحزن وقالت .. ربنا يسمحك يا نور علشان كسرتي قلب أبني بالشكل دا 
في فليلا طه باشا المجهزه بأفخم زينه وافخم المأكولات كانت ثريا هانم ووالد ادهم بيستقبلوا الضيوف مع أدهم الي كان باين على وشه التعب لأنه كان لسه راجع من شغله من فتره وملحقش يعمل حاجه غير انه يجهز نفسه بسرعه راحت ثريا قربت منه وقالت بهمس.. خلي نور تنزل والا مش هيحصلها كويس 
أدهم بتعب .. سبيها براحتها يا عمتي 
ثريا .. والناس تقول ايه انها مش راضيه عن جوزاتك الجديده 
أدهم.. وهي لازم ترضى يا عمتي..
ثريا .. كدا طب خلاص خليك انت هنا وانا هجبها 
ومشيت ثريا خد أدهم نفس عميق بحزن وكمل استقبال الضيوف هو وابوه وهو راسم ابتسامه مزيفه على وجهه
والد أدهم.. طب روح انت ارتاح يا أبني شويه قبل كتب الكتاب انت مكملتش ساعه على رجوعك من شغلك 
أدهم بتعب .. انا كويس يا بابا مينفعش أسيبك لوحدك 
وصلت عربيه  يوسف قدام فله عيله طه باشا ..ونزل من العربيه وهو بيبص على الفله بكسره وحزن ودخل وسلم على والد ادهم ولسه هيسلم على أدهم بضيق وهو مش عايز يبصله فبص على السلم لقاها نزله بفستانها الدهبي الجميل بشعرها البني الحريري بعيونها الخضرا الجميله  بصتله فتوترت لانها عرفته كان مديرها في الشغل كانت سكرتيرته الخاصه دا كان اول مكان اشتغلت فيه بعد ما اتخرجت  ودا كان الي جه اتقدملها ورفضته يوسف بتوهان في جمالها نطق اسمها من غير ما يحس .. نور 
أدهم  كان مراقب الموقف فقال بصوت عالي شويه .. يوسف باشا انا هنا قدامك مش الناحيه التانيه 
رجع يوسف لصوابه وقال بضيق .. الف مبروك يا استاذ أدهم 
أدهم بهدوء .. الله يبارك فيك وياريت تلتزم انك مجرد ضيف وتوجه نظرك للي يخصك 
يوسف بأستفزاز .. ما انا موجهه للي يخصني 
أدهم .. بص انا مبحبش الف والدوران لو لقيتك بتبص على بنت خالتي بالاسلوب دا تاني مش هيحصل كويس 
يوسف .. انا بقى جي مخصوص علشان ميحصلش كويس 
أدهم اتعصب وكان هيضربه لولا تدخل عمته بسرعه وقالت .. اتفضل يا يوسف باشا شرفتنا ونورتنا 
يوسف بهدوء .. الف مبروك يا هانم 
وبعدها دخل ثريا بهمس .. انت اټجننت يا أدهم اللي كنت عايز تعمله دا عايز تفضحنا قدام الناس 
أدهم .. الراجل دا لسه حاطط بنت خالتي في دماغه 
ثريا .. إيه اللي انت بتقوله دا الموضوع دا اتقفل لما البت دي رفضته 
وفي الاثناء دي حست نور پخنقه فخرجت تشم هوا في الجنينه فلما شافها يوسف خرجت خرج وراها وبعدها وقف  جنبها وقال .. هو دا اللي رفضتيني علشانه 
نور پخنقه.. لو سمحت أمشي دلوقتي 
يوسف .. دا انتي لو كنتي مراتي عمري ما كنت فكرت اتجوز عليكي 
وبعدها قال بحب .. وبعدين هو في حد عايش معاه الجمال دا كله ويبص لبرا 
نور مقدرتش تتمالك دموعها ولقت نفسها بتقله .. انا غلط انا اللي اللي جيت على كرامتي ونفسي المفروض كنت افكر أن الحب مش بالعافيه بس انا غبيه انا بعتذر لنفسي بجد على اللي عملته فيها 
وبعدها اڼهارت بشهقات وقالت ..هي متسهلش اللي عملته فيها دا انا بعتذرلها بجد انا بعتذر لنفسي بجد 
يوسف لما شافها كدا قلبه وجعه جامد وتكلم بنبره حاول انها تكون هاديه .. هو اللي أذاكي صح أقسم بالله ما هخليه مرتاح يوم واحد بعد انهارده عمل ايه قولي انا هحميكي لو انتي مش عيزاه وسبيه  وروحي للي يستهلك بجد يا نور ..للي يستهلك بجد 
نور بعصبيه ودموع .. وانت مالك متدخلش دي حياتي وانا هتصرف 
وكانت هتمشي ورغم أن الكلام دا ۏجع يوسف إلا أنه مسك إيدها وقال بنبره حنينه .. متحمليش نفسك فوق طاقتها يا نور  كلنا بنغلط بس المهم أن احنا نكون اتعلمنا من الغلط دا ومنقعش