الجوازه التانيه بقلم ايمان شلبي

مش كل حاجه انتهت ده لسه الۏحش جاي في الطريق يارهوفتي
بصينا انا وزين لمصدر الصوت لقينا فارس اللي كان قاعد علي طربيزه ورانا متنكر وسامع كل حرف اتقال
بلعت ريقي وقلبي اتنفض وانا بقول لزين ..ا اهرب يازين ا أهرب
بصلي پحده وقام وقف وهو بيقرب من فارس اللي كان بيبصلنا بشماته ..خير اتفضل
فارس وهو بيبتسم بسخريه..لا خير متقلقش امممم ايه رأيك يا استاذ خالد يوه اقصد يا استاذ زين ايه رايك لو اروح للبوليس اقوله انك منتحل شخصيه شخص تاني وانك اتجوزت بشخصيه شخص تاني برضو و
زين ببرود ..مين قال إني داخل بشخصيه شخص تاني  انا داخل بشخصيتي واتجوزت رهف كمان بشخصيتي
..والله
..اه والله محدش خد باله متقلقش القسيمه عليها اسمي والمأذون صاحبي ومتفق معايا أنه يقول اسم تاني بس القسيمه عليها اسمي الحقيقي يعني جوازنا سليم متقلقش يا فروس شكرا لاهتمامك اللطيف
جز علي أسنانه بغيظ وهو بيبصلي ..هطربقها فوق نفوخكم هعرف ابوكي و.
قطع كلامه لما زين شده من قميصه وهو بيجز علي أسنانه..اعلي ما في خيلك اركبه
نفض أيده من علي قميصه وهو بيهز رأسه بخبث ..تمام تمااااام اوي يازين باشا
كنت واقفه بترعش وبعيط بصوت مكتوم من الخۏف قرب مني وشدني بحضنه وهو بيهمس برقه
..هششش اهدي ياحبيبتي اهدي مټخافيش انا معاكي اهدي
مسكت في قميصه وانا بضم نفسي لحضنه 
..انا عايزه امشي من هنا
..حاضر يلا
خرجنا وركبنا العربيه وفضل الصمت هو سيد المكان لوقت كبير جدا
اتنهد وهو بيقولي بهدوء ..خۏفتي
..اوي
..خۏفتي منه
هزيت راسي بنفي وانا بحط ايدي علي أيده ..خۏفت عليك يازين
لف رأسه وهو بيبتسم ابتسامه رقيقه ..بجد و.
فجأه قطعت حملتي لما ظهرت عربيه كبيره قدامنا مقدرش يتفاداها وانا پصرخ بأعلي صوتي..حاسب يازين حااسب
وكا نتيجة الحاډثة اني فقدت بصري وقتها حسيت اني هظلم زين معايا فكنت على طول اطلب منه انه يبعد عني ويسيبني
.. امشي يازين ارجوك امشي وابعتلي ورقه طلاقي
كنت قاعده في اوضتي سانده راسي علي الباب اللي كان بيفصل ما يبني وبين زين همس بحزن ..مش هقدر مش هقدر اسيبك تاني
رديت بصوت مبحوح ..عشان خاطري ارجوك امشي
..ارجوكي انتي ارحميني بقي ارحميني وافتحي الباب
هزيت راسي بنفي..انا مبقتش انفعلك صدقني مش هتقدر تعيش معايا و
هبد علي الباب بعصبيه ونبره مخنوقه بالعياط..حد اشتكالك انا راضي بكده راضي اعيش معاكي وانتي كده
عيطت وانا بقوله بعصبيه ..انا واحده مش هقدر اتحمل مسؤوليه نفسي ازاي عايزني اتحمل مسؤوليه بيت وزوج وعيال وانا 
ضغطت علي ايدي وغمضت عيني بقوه وانا بكمل بهمس ..وانا عاميه
..انا معاكي هفضل معاكي صدقيني مش هسيبك لحظه ارجوكي يارهف كفايه بقي عشان خاطر ربنا كفايه اللي بتعمليه فيا انا مش عايز عينك ولا عايز شكلك ولا عايز اي حاجه انا عايزك انتي عايز روحك وقلبك اللي بيسيعني عايز حبك افتحي يارهف افتحي ياحبيبتي
قومت وقفت وانا بحسس علي الباب عشان اقدر افتحه اول ما فتحته لقيت نفسي بتشد وبستقر في حضنه اللي كله امان ودفا غمضت عيني وانا بمسك في قميصه وبدفن راسي في صدره وبعيط بحرقه
ضمني لقلبه وهو بيهمس بحنان ..هششش وغلاوتي عندك متعيطيش انا عايزك زي مانتي وبحبك زي ما انتي ليه بتعذبيني وټعذبي نفسك ليه!
رديت بعياط ..مش هقدر اتحمل مسؤوليه نفسي ولا
قاطعني بهدوء ..هتقدري لاني مش هسيبك ولا لحظه وهنلف علي اكبر دكاتره ونظرك هيرجعلك باذن الله
سندت راسي علي صدره وانا بهمس بتوسل ..يااارب يارب
..رهف انا كنت عايز اتكلم معاكي في موضوع
قلبي اتنفض من نبره صوته اللي كانت كلها خوف وتوتر
بلعت ريقي ورديت بتوتر ..ا اتكلم
..انا احم ا انا عايز
سكت لحظه يحاول يجمع كلامه وفي اللحظه دي اتجمع في عقلي الف سيناريو وسيناريو كلهم اسوء من بعض حاولت أوصله وامسك أيده وانا بسأل بړعب ..ا انت ايه يازين ا اتكلم
ضغط علي ايدي ورد بهدوء ..انا عايز اكون اب
سيبت أيده كرد تلقائي مني وعيوني لمعت بالدموع وانا بهمس ..ت تكون اب
مسك ايدي تاني ورد بتوسل..ايوه يارهف نفسي اجيب منك حته عيل نفسي اسمع كلمه بابا وانتي كمان اكيد نفسك تكوني ام و
قاطعته بجمود ..بس انا مش عايزه اخلف
..يعني ايه
..يعني زي ما سمعت يازين انا مش عايزه اخلف
..بس انا عايز اكون