انت القرار السديد بقلم اسراء ابراهيم

اللي هتجوزها تطفش من أول يوم كنت ناوي أفاتحها في موضوع الجواز دا وأقولها عالبنت اللي عجبتني بس حرام أجيبها أعذبها هنا
أخوه الصغير.. هنقعد من غير جواز عشان خاطر أمك دا إيه العيشة دي مين حوالينا بيعمل اللي أمك بتعمله دا
في اليوم التاني راح أمين شغله بعد لما اطمن على حنين ولما خدت دواها وأخواته كمان مشيوا
طلعت والدتهم لحنين فوق وراحت خبطت عليها قامت حنين تفتح لقيت حماتها قالت.. ادخلي يا ماما
حماتها.. لأ مش داخلة يلا انزلي عشان تساعديني في شغل البيت ونشوف هنطبخ إيه النهاردة مع فرخة من اللي أهلك جابوهم امبارح
حنين عارفة إنها خدت كل الحاجات اللي جابوها أهلها ومطلعتش ليها غير شوية فاكهة وفرخة وشوية رز وبطاطس
فقالت حنين.. طب هطبخ بس لأني دايخة شوية ومش هقدر أروق الشقة ولا أغسل المواعين معلش استحمليني الكام شهر دول لغاية ما أولد
حماتها بضيق.. ماشي يا حنين مش عارفه إيه الحمل الغريب بتاع الأيام دول جيل مش قادر يقوم من مكانه
نزلت حنين بعدها ولقيت حماتها مجهزة ليها الحاجات وبدأت تطبخ كانت بتحس بالتعب بس كانت بتقعد ترتاح شوية وبعدها تقف تكمل
بعد الضهر جه أمين ودخل يسلم على والدته قبل ما يطلع فوق فشاف حنين في المطبخ وباين عليها تعبانة
فدخل بسرعة ليها بسرعة وقال.. حنين إيه اللي نزلك أنت تعبانة والدكتورة منبهة عليك بلاش حركة كتير في أول شهور الحمل
جت والدته من وراه وقالت.. دي هتطبخ بس وأنا هعمل باقي الشغل
أمين بعصبية.. لأ لحد هنا وكفاية أوي
والدته بزعيق.. أنت بتتعصب عليا يا أمين نسيت نفسك ولا إيه وكمان بتحامي لمراتك وبتيجي عليا أنا وجه اليوم اللي أشوف عيالي اللي ربيتهم وتعبت فيهم بقوا بيقفوا ضدي وبيعلوا صوتهم عليا وبيفضلوا زوجاتهم عليا
أمين بيحاول يهدي نفسه عشان مايقولش كلام يندم عليه وقال.. إيه اللي بتقوليه دا يا أمي أنا مستحيل أعمل كدا أنتم الاتنين ليكم حقوق عليا وماينفعش أجي على وحدة فيكم زي ما خاېف عليك لازم بردوا أخاف على مراتي أنت مترضيش المعاملة دي لبنتك فلازم تعاملي حنين كويس وتخافي عليها زي بنتك دي اللي بقت معاكي في البيت يعني بقت بنتك وكمان سمعتي كلام الدكتورة قالت مينفعش تتحرك كتير
وبص لحنين وقال يلا يا حنين نطلع 
وبص عالأكل وقال.. تقريبا الأكل جهز يدوب أخواتي يبقوا يحطوا لنفسهم ياكلوا
فقالت والدته.. طب اقعد كل وخلي مراتك تاكل هي بردوا تعبت في الأكل
أمين.. هناكل فوق هعمل لها أنا الأكل
وخدها وطلعوا فوق فقعدت حنين في الصالة بتعب وقالت.. اللي أنت عملته دا غلط يا أمين ليه تقول لمامتك كدا في الأول والآخر دي والدتك وماتتعوضش لكن أنا أتعوض
قعد أمين جنبها وقال.. أنت متتعوضيش يا حنين أنت ماتعرفيش أنت بالنسبالي إيه فياريت ماتشوفيش نفسك قليلة عندي وماينفعش أجي عليك عشان أمي أبقى شايف تعبك وأبقى ساكت وكمان ماينفعش أجي على أمي عشانك بس أنا مش شايفك عملتي حاجة وحشة ليها وأكيد أنت ماتستاهليش العيشة دي يلا هقوم أعمل أكل لينا بسرعة عشان تاخدي علاجك
مسكت حنين إيده قبل ما يقوم وقالت.. لأ هننزل ناكل تحت أنت مشوفتش نظرة مامتك وأنت واخدني وطالعين كانت إزاي كانت زعلانة من اللي عملته انزل يلا صالحها وكلمها بهدوء واشرح كلامك ليها براحة ولما تيجي تتكلم معها يبقى باحترام عن كدا وبصوت هادي مش زعيق وعصبية وبعدين كنت بتقول إنها خدت طبع غيرها واتعودت فبراحة خلينا نغير طبعها من غير ما تحس هي بس خاېفة أخواتك الولاد مش تعرف تجمع لهم فلوس يعملوا شققهم ويتجوزوا فهي مفكرة إنها بتحافظ على الفلوس والبيت ولما تيجي تتكلم معها في حل مشكلة يبقى لوحدكم عشان لو ڠصب عنك قولت كلمة أحرجتها ولو هي كمان قالتلك كلام أحرجك ولا زعلك يبقى بينكوا وبين بعض حتى هتتصالحوا بسرعة وتتصافوا على طول لكن لما تقولوا كلمة كدا ولا كدا قدامي ولا قدام غيري صدقني الخصام هيطول ولو اتصالحتوا هتبقوا لسه فاكرين اللي اتقال فانزل يلا كلمها وحط معها الأكل لغاية ما أنزل
أمين بابتسامة وفرحة لكلامها إنها خاېفة على والدته قال.. تعرفي أنت القرار الصح اللي خدته في حياتي
ونزل