زواج اضطراري بقلم ضحى..الجزء الاخير

ان يوقف تيار ضحكاته الغير منتهي ثم قال .. بصراحة مش قادر اتخيل انك خلاص يا وحش لبست بس ايه المشكلة يعني ما انت بتقول حلوة اوي وبتاع لو مش عجباك خليهالي 
. هي تورتاية ما تلم نفسك بقولك اصلا الموضوع مش فارق وده شئ مؤقت لحد ما الشغل ينتهي وكل واحد يروح لحال سبيله 
. مؤقت علي بابا انت ابتديت تتعلق يا وحش ولا ايه!
. اتعلق مين انت محسسني انك متعرفنيش بقولك ايه اقفل ام السيرة دي بقي وشوف هنتهبب نلعب امته 
عاد الي المنزل فوجد الهدوء يعم عليه فظن انها قد نامت بدل ملابسه فبالطبع قد اخرج ملابسه من غرفته الي غرفة الضيوف التي لا يحبذها علي الاطلاق ويفضل النوم علي الاريكة ذهب كعادته حينما يمتلئ خلده بالافكار الي الشرفة وظل ينظر الي السماء الي ان قاطعه صوتها الذي جعله يجفل وهي تقول .. رجعت!
. بترديهالي يعني ..قالها بسخرية مصاحبة لضحكة صغيرة 
. لا ابدا والله بقولك ايه بمناسبة الجو الحلو ده بقي وكده ممكن اعملنا كوبايتين نسكافيه ونتكلم شويه في كلام مهم لازم اقولهولك 
نظر لها باستغراب ثم قال .. كلام ايه ده 
نظرت له ثم اردفت بضحكة .. متستعجلش كلها خمس دقايق وتعرف. 
عادت بعد فترة قصيرة تحمل في يديها كوبان من النسكافيه ثم دخلت الي الشرفة وهي تقول بابتسامة .. بص انا معرفش انت سكرك ايه فحطيت معلقة 
ابتسم هو لابتسامتها ثم قال .. انا اصلا بشربه بمعلقة انتي صح 
. طاب كويس
. اتكلمي انا سامعك ..قالها بفضول حاول اخفاءه 
تحولت ملامحها الي الجدية وهي تقول .. حكولك ايه عني بقي بالظبط اظن انك عرفت كل حاجة مش كده
نظر لها باستغراب ثم قال .. عرفتي منين
ضحكت ضحكة خاڤتة ثم قالت .. انا صحافية فاكيد توقعاتي متنزلش الارض عموما يا سيدي هي مش اول مرة ادور وراهم دورت قبل كده كتير ومش هرتاح ولا يهدالي بال غير لما كل ده يتفضح انت فاكر مثلا لما منصور الشرقاوي واللي فوقه يتمسكوا انا هرتاح او دي هي النهاية في الاعلي منهم كتير واللي عمر محد هيقدر يمسهم بحرف واحد البلد دي تعمل فيها اللي انت عايزه من غير ما تخاف ومحدش هيجي جنبك ولو جيت للحق مش البلد دي بس الموضوع اكبر من اللي ممكن تتخيله 
ضحك ضحكة مجلجلة جعلتها تنظر له بحدة قائلة .. ايه اللي بيضحك ف كلامي مش فاهمة
. مفيش بس الصراحة متوقعتش ان ده تفكيرك انا استغربت اصلا لما حكولي عن انك كنتي بتهاجمي الناس دي ودليل ادانتهم في ايدك انا الصراحة كنت شايفك سوري يعني هبلة ومچنونة وطفلة وكمان كنتي متربية بره يعني مستحيل كنت اتخيل ان ده تفكيرك يعني انتي ميكس غريب متدينة وده اللي لاحظته محجبة ولبسك واسع مع انك عايشة بره بقالك كتير في اوقات كتير او يمكن علي طول كنت بحس انك طفلة ودلوقتي بتدوري عن الحق وبتحاولي تظهريه باي وسيلة. 
. مش معني اني كنت متربية بره اني انسي ديني انا الحمد لله ربنا من عليا بعيلة متدينة جدا بالرغم من الطبقة الي عايشين فيها لما امي ماټت بابا كره البلد دي لانه كان بيحبها اوي ومقدرش يعيش في مصر من غيرها وقتها بس طول عمره واحنا فكندا بيفكرني ان المسلم مسلم فاي مكان بيشجعني اصلي واصوم واقرا قران والبس واسع بيحببني ف ده بيخليني اقرا كتب تحببني في ديني اكتر تعرف اغلب الناس الي كنت مصاحباهم في كندا مسلمين لانهم من دول عربية بس مهاجرين معظم كندا كده اصلا وبرغم انها دولة مفيهاش اي مظاهر اضطهاد بسبب الدين او الحجاب كانوا مسلمين بالبطاقة بس ساعتها كنت بفضل وراهم واعرفهم بديننا لقيتهم قربوا بسرعة اووي كل واحد مننا عنده جواه الجانب والفطرة انه يقرب من ربنا بس محتاج الي يوجهه اللي يمسك بايده عشان ميقعش. 
تنهدت مطولا ثم قالت .. انما بقي موضوع اني اهتم بالمشاكل بتاعت بلدي وكده تصدقني لو قولتلك ان انا اصلا قررت ابقي صحافية عشان اقدر اتكلم زي م انا عايزة في المشاكل