رائعة منال جميعي الجزء الاول

بالرجعية والتخلف ده انا من الأول وانا مش مرتاحة للجوازة دي والحمد لله انها جت منه
يحيي.. يا ماما دي مش طريقة مناقشة ابدا وبعدين حضرتك مش مرتاحة للجوازة دي عشان كنتي عايزة يمني تتجوز ابن اخوكي وبعدين انتي ليه بتتهميه بالرجعية والتخلف هو شغل الست في بيتها ده مش شغل لأ واهم من اي شغل كمان دي رسالة بتشيلها كل ست علي كتفها انها تربي اولادها تربية صحيحة وتخرج جيل عارف واجباته ومسئولياته قبل حقوقه وشايل هموم بلده.
اشاحت نادية بيدها في إعتراض قبل ان تقول.. بلاش الكلام الكبير ده وحياة ابوك
رفعت.. لا إله إلا الله استغفر الله العظيم انا لحد دلوقتي مسمعتش رأيك يا يمني
نادية.. وهيا دي فيها رأي عايزها تضحي بسنين التعليم دي كلها عشان خاطر مين يعني إسمعي يا يمني إنتي تنسي الموضوع ده خالص وعماد ابن اخويا موجود ومستني إشارة منك
رفعت.. لو سمحتي يا نادية سيبي البنت تختار قرارها بنفسها من غير ضغوط من حد
ثم الټفت الي يمني واستطرد قائلا.. بصي يا بنتي احنا قلنا رأينا هو صحيح شاب ممتاز وعريس مناسب جدا لكن احنا مش موافقين علي الكلام اللي قاله ده لكن الرأي الأول والأخير ليكي دي حياتك وانتي حرة فيها فكري زي ما قالك وايا كان قرارك انا هنفذهولك
كان يقود سيارته وبجواره والدته التي كانت تتحدث اليه إلا انه لم يكن يستمع الي حرف واحد مما قالت فقط كان شاردا يلوم نفسه علي تسرعه ألم يكن من الأفضل ان يتريث قليلا قبل ان يخيرها بينه وبين عملهاربما لو وافقت هي رفض احد افراد عائلتها تري هل من الممكن ان تختاره وتضحي بمستقبلها من اجله
عمرو.. تفتكري يا ماما هتوافق ولا لأ
فريدة.. هتوافق وبكرة تقول ماما قالت
عمرو.. يسمع منك ربنا
يومان مرا عليها وكأنهما دهر كامل ظل عقلها حائرا يدور في فلك التردد لا تستطيع ان تحسم امرها تجنب الجميع الحديث معها حول الامر حتي يكون قرارها نابعا من داخلها بينما تجنبت هي الذهاب الي الجامعة حتي تحسم أمرها في كلتا الحالتين بالتأكيد هي خاسرة فأي الخسارتين تستطيع أن تتحمل خسارة عقلها أم خسارة قلبها.
كان يجلس بغرفته ممسكا بهاتفه ينتظر مكالمة تأتيه في أي وقتإما ان تنهي احلامه معها سريعا وتأدها في مهدهاوإما ان تكون بداية مشوارهما معا حتي جاءته اخيرا وما أن انتهي منها حتي جري مسرعا إلي غرفة والدته وطرق الباب ودخل بعد أن سمحت له وهو يقفز في سعادة كالأطفال قائلا.. باركيلي يا ماما يمني وافقت علي الجواز
فريدة.. هو انا مش قلتلك وبعدين انت كنت فاكرهم هيرفضوا ولا حاجة هما هيلاقوا لبنتهم عريس احسن منك فين وبعدين تعالي هنا ايه شغل العيال اللي بتعمله ده اللي يشوفك كده مايقولش دكتور جامعة محترم ومحامي بتتهزله قاعة المحكمةما تتقل شوية يا ابني احسن بعدين تركبك وتدلدل رجليها
عمرو.. يا ماما الله يخليكي مالوش لزمه الكلام ده انا مبسوط ومش عايز حاجة تعكنن عليا
اعملي حسابك بقي عشان هننزل بكرة انا وانتي ويمني وطنط نادية عشان نشتري الشبكة
فريدة.. ماشي وعموما الف مبروك يا حبيبي
عمرو.. الله يبارك فيكي
اعلن هاتفه الرنين نظر إلي شاشته ثم دخل الي غرفته وانهي إتصاله وعاد الي جوار زوجنه واولاده وقد بدا عليه الضيق نظر الي وجه زوجنه المتطلع قائلا.. دي نادية اختي
فاطمة.. طب ومالك يا محمود ايه اللي ضايقك فمكالمة نادية كده
محمود.. ابدا وهضايق ليه بس
فاطمة.. طب هي نادية كانت عايزاك في ايه
محمود.. كانت بتعزمني علي كتب كتاب بنتها
عماد وقد اعتلت الصدمة معالم وجهه.. ايه كتب كتاب مين 
فاطمة.. ليه هي بنت اختك هتتجوز حد غير عماد ازاي يا محمود 
محمود.. خلاص يا فاطمة الكلام ده ماعدش ييجي منه كل شئ بصيب
فاطمة.. طبعا ما انت لازم تقول كده اكمنها بنت اختك وده مين ده بقي اللي هتتجوزه ان شاء الله
محمود.. نادية بتقول انه يبقي الدكتور بتاعها فالجامعة
عماد.. دكتور عمرو مش كده انا برضه كان قلبي حاسس
فاطمة.. متزعلش نفسك يا حبيبي هما الخسرانيين ولا يكون عندك فكر من بكرة اخطبلك ست ستها ولا انت بس شاور كده علي اي واحدة وانا اروح اخطبهالك على طول والشقة بتاعتك اللي ابوك اشتراهالك عشان تتجوز فيها موجودة اول ما تخلص كليتك وتستلم شغلك عند استاذ شوقي صاحب ابوك فمكتبه تتجوز علطول احسن الست يمني تكون فاكرة انك هتعيش طول العمر علي ذكراها
محمود.. مالوش لزوم الكلام ده يا فاطمةالمهم ربنا يهنيها ويسعدها وخلاص
عماد.. عن اذنكو انا داخل اوضتي
فاطمة.. عاجبك كسرة القلب اللي ابنك فيها دي لكن يكون فعلمك ابنهم مش احسن من ابني
محمود.. يعني ايه الكلام ده يا فاطمة
فاطمة.. يعني مروة هي كمان مش هتتجوز يحيي مش هما يكسروا قلب ابننا واحنا نكافئهم ونديهم بنتنا
مروة.. طيب ويحيي ذنبه ايه بس