رائعة منال جميعي الجزء السابع

إياها وهو يقول ..ماعاش ولا كان اللي يذلك يا حبيبتي وأنا على وش الدنيا حقك عليا أنا اللي غلطت لما انفعلت عليكي بالطريقة دي سامحيني مكنتش حاسس بنفسي
انسابت دموعها وهي تجيبه قائلة..مسمحاك يا حبيبي من كل قلبي وربنا يسامحني على اللي عملته
تنهد عمرو قائلا..مين فينا مبيغلطش كلنا بنغلط بس للأسف مش كلنا بنقدر نسامح
يمنى بفرحة..بجد يا عماد 
عماد..يعني هكون بهزر معاكي مثلا خلاص يا بنتي ياسين طلعله أمر ضبط وإحضار وهيتقبض عليه وبعدها إن شاء الله هتخرجي على طول
تنهدت قائلة بإرتياح..الحمد لله يا رب الحمد لله
ابتسم عماد قائلا..قوليلي يا يمنى انتي ناوية على إيه بعد ما تخرجي من هنا إن شاء الله 
يمنى..حاجات كتير اوي يا عماد
عماد بتساؤل..زي إيه كده 
يمنى بحماس..ناوية اكمل دراستي واخد الماجستير وبعده الدكتوراة ان شاء الله وادرب عند محامي كويس لحد ما افتح مكتب لنفسي واحقق حلمي وأعوض كل اللي فاتني
عماد ..طيب وعمرو يا يمنى مش ناوية ترجعيله تاني
يمنى..لا يا عماد أنا وعمرو فيه حاجة كبيرة اوي بينا اتكسرت واللي بيتكسر عمره ما بيتصلح والشرخ اللي حصل فعلاقتنا صعب اوي اننا نرممه
عماد..طيب مش ناوية تتجوزي تاني 
ابتسمت قائلة بدهشة..إيه يا عماد انت عندك عريس ليا ولا إيه 
عماد..افرضي ان اتقدملك حد عايز يتجوزك وراضي بظروفك أيا كانت توافقي
رفعت كتفيها قائلة بحيرة..مش عارفة بس الموضوع مش فدماغي حاليا أنا كل تفكيري دلوقتي فإني أعوض اللي فاتني كفاية السنين اللي راحت من عمري على الفاضي دي
عماد..ماشي يا يمنى تخرجي من هنا بس وبعدين نشوف وعموما فكل الحالات ربنا يوفقك