كان لي..بقلم مني أحمد حافظ.. الجزء الثامن.

مش ضحى بتاعت زمان يا أستاذ أحمد ودلوقتي بقيت بعرف أحمي نفسي كويس ومش بخاف.
عقد أحمد ساعديه أمامه وحدق بها بتمعن وقال
.. يا سلام وأنت مالك سنة سنانك عليا كدا ليه على فكرة دي مكنتش كلمة قولتها وبعدين الحق عليا أني عايزك تقضي وقت حلو عموما براحتك أنا مش هفرض عليكي نفسي وأنت ابقى أستني خالك لما يخلص شغله يخرجك هو بنفسه.
صمت ومال صوب الطاولة وسحب الرواية ومد يده إليها بها وقال
.. خدي الكتاب دا إحتمال يعجبك ابقي اقريه أو حتى متقريهوش حسب مزاج جنابك عن اذنك. 
اسقط الكتاب فوق الطاولة وأبتعد عنها مغادرا المكان پغضب فجلست ضحى وحاولت عدم النظر إليه وهزت كتفيها في النهاية وقالت
.. حساس وبيزعل جنابه لما يتعامل بنفس الطريقة اللي طالبني أتعامل معاه بيها نسى سعادة البيه إنه هو اللي طلب مني أتعامل معاه برسمية يلا براحته خليه يزعل على كيفه وأما أشوف إيه حكاية الكتاب دا كمان.
لفت نظرها عنوان الكتاب لتتبين أنها رواية رومانسية بعنوان .وهل لى فرصة. ففتحت الكتاب وڠرقت بين الصفحات تقرأ فانتبهت بعد برهة لبعض الكلمات التي وضع خطا أسفلها في بداية الأمر لم تهتم ولكن حين لاحظت أن الخطوط موضوعة بكثرة ابعدت عينيها عنها وحدقت بالقلم فسحبته وسحبت الورق من جانبه فأخذت تدون كل الكلمات المؤشرة لتتشكل أمام عينيها بعض الجمل فأخذ قلبها يخفق بقوة.
وقف حازم مستندا إلى سيارته ينتظر مجيء أمل وأخذ يتطلع نحو ساعته بضيق ليراها تغادر بصحبة مادي فذم شفتيه باستياء وقال بريبة
.. هو أنا ليه حاسس إن المعرفة دي مش مريحة ووراها حاجة مش متظبطة. 
أقتربت مادي برفقة أمل من سيارة حازم ورفعت يدها وأشارت إليه بصمت وغادرت دون أن توجه له أي أحاديث ليقطب حازم جبينه والټفت إلى أمل بعدما نفض من عقله كل تفكير يخص مادي وقال
.. ها قوليلي الدكتور شارل عمل معاكي إيه.
ابتسمت أمل وأجابته
.. على فكرة أنا مكنتش أعرف أنك واصل للدرجة دي يا حازم تعرف إن الدكتور أتغير فمعاملته معايا 180 درجة وشال الغياب بتاعي ممكن بقى تعرفني أنت قولت له إيه بالظبط علشان يتغير كدا.
بادلها الأبتسام وأقترب منها ورفع يدها وقبل إصابعها وقال
.. مقولتش أي حاجة غير أنه لازم يخلي باله منك جدا علشان أمرك يهمني جدا لإنك حبيبتي وقولت له أياك تزعلها تاني أحسن هزعلك.
ضحكت أمل بصوت عال فالټفت نحوها بعض الشباب فأشار أحدهم إليها بيده لتبادله أمل الإشارة حينها تبدلت ملامح حازم وعقد حاجبيه فضغط فوق يدها لتؤلمها أصابعها فالتفتت إليه لتدهشها ملامحه الغاضبة وتنفسه السريع فأدركت أن الغيرة تملكت منه فلزمت الصمت وحاولت سحب يدها منه ليقول
ممكن أعرف يا قلبي مين الحلو اللي حضرتك شاورتي له وأنا واقف معاك ومش عاملة لي أي أعتبار وبعدين هو أنا مش قايل بلاش ضحك بصوت عالي خالص برا البيت.
.. خليني أجاوبك على حاجاة حاجة أولا اللي شاور لي دا زميل ليا فالمادة اللي بتدهالي مادي وثانيا الروج لمادي أصلها خلتني أجرب لونه عليا وأنا نسيت أمسحه ثالثا ايدي اللي أنت بتطحنها دي وجعتني فممكن تسيبها وتروحني أظنك عارف كويس إني مش مهتمة بأي حد فالكلية ولا ناسي إن في اتفاق بينا وأنا عمري ما أخلف وعدي ولا عهدي وعمري ما أحط نفسي فموضع شك أو شبهة.
تركته بعدما سحبت يدها منه لتفتح باب سيارته وتجلس عابسة فصفق حازم باب سيارته پعنف وقادها مسرعا ليخلف أثرا قويا فوق الأرض فجفلت أمل من سرعته وصاحت پخوف
.. حازم لو سمحت هدي السرعة شوية أنا خاېفة.
لم يهتم بها حازم وزاد سرعته ليزداد خوف أمل فصړخت به 
.. حازم بقلك هدي لأ أنت توقف العربية وقفها بقولك أنت مچنون.
حين زاد أكثر مدت يدها بعفوية تمسك منه مقود السيارة فانحرفت السيارة ودارت بهما دورة اړعبتهم سويا ليستعيد حازم سيطرته عليها بصعوبة قبل أن يصطدم بها وأوقفها والټفت نحو أمل التي شحب وجهها وازداد تنفسها قوة فرفعت يدها وتحسست قلبها پألم ليتفجر الوضع بينهما حين ضړب حازم مقود سيارته پعنف وصاح غاضبا
.. أنا قلت لك غيرتي عليكي هتبقى وحشة وبلاش تحطيني فموقف أغير عليكي فيها وقولت لك إن أنا مش هعرف أسيطر على نفسي فالغيرة بالذات وأهو اللي خاېف منه حصل غلطتين يا أمل روج وبتشاوري لواحد متنح لك هياكلك بعنيه وأنا واقف معاك .
اجابته أمل بصوت متهدج
.. وهو ماله الروج ما هو مش باين وبعدين مارك دا مجرد زميل كتر خيره أداني محاضرات الايام اللي كنت غايبة فيها.
ازداد جنون حازم فصاح 
.. كمان أداكي المحاضرات وطبعا معاهم رقم تليفونه يا ماما دول شباب متفتح بطريقة متعجبكيش والصحوبية معاهم العادية فيها سلامات وبوس وأحضان يعجبك لما واحد فيها يحضنك دا أنا كنت دفنتك عايشة وبعدين الروج اللي مش باين دا أنا شوفته إزاي ها أنت مش شايفة محليكي إزاي ومخلي عقلي هيطير مني علشان أمسحه قوليلي بقى كام واحد شاف شفايفك بيه وتنح لحاجة بتاعتي أنا وبس فهميني يا أمل.
أوقف كلماته وصدره يعلو ويهبط بقوة فأقترب منها ووضع أصبعه يتحسس شفتيها مزيلا عنها الروج وأضاف بصوت متحشرج وأنفاسه تلفح بشرتها
.. لعلمك أنا مانع نفسي عنك بالعافية وأظن أنت حاسه بدا أنت اللي بتخلفي الاتفاق يا أمل وأقولك حاجة حتى مادي مش عوزك تعرفيها لانها عارفة قد إيه بتكون غيرتى علشان كدا قصدت تخليكي تحطي الزفت دا وأنت مشيتي وراها عادي ومش بعيد تكون هى اللي معرفاكي على الاستاذ هو أنت قولتي اسمه إيه اه مارك .
حدقت أمل في وجه حازم باضطراب ليدرك صحة ظنونه من ملامحها وسمعها في النهاية تهمس قائلة
.. أنا أسفة مكنتش متخيلة إنها بتفكر كدا.
وفجأة أعتدلت أمل وأحتدت ملامحها وأرتفع صوتها وهي تسأله بعصبية وغيرة واضحة
.. وبعدين تعالى هنا قولي هي مادي تعرف منين إنك بتغير والكلام دا أنت مش قايل أنها مجرد زميلة هي عرفت منين إنك مش بتحب اللي تحط روج يا يا ابيه  .
لعڼ زلة لسانه ولكنه شعر بالسعادة لسؤالها وحدتها ليدرك أنها تبادله الأحساس بالغيرة فأجابها في نهاية الأمر
.. بصي أنا هقولك علشان دماغك متروحش لبعيد انا فمرة كنت معاها وهي كانت بتحاول أنها تغير طبية الزمالة اللي بينا فأستخدمت حيلة الروج معايا وطلبت إني أختار لها لون مناسب ليها فأنا جاوبتها إني مش بحب الروج أساسا وطلبت منها تشوف حد غيري يختار لها.
هزت أمل ساقها بعصبية قالت 
.. والله بقى هي عوزاك تختار لها الروج على كدا مطلبتش تختار لها لبسها بالمرة.
انطلقت ضحكة حازم أمام غيرة أمل الواضحة
وقال 
.. لا اطمني الموضوع موصلتش بينا لدرجة اللبس بس أنا عندي استعداد تام اروح معاك واختار كل حاجة ممكن تلمسك على الاقل اطمن إن مفيهاش حاجة تولع غيرتي عليك .
احمرت وجنتا أمل خجلا وقالت 
.. أنت انت كدا بتخترق شروط الأتفاق اللي بينا يا حازم ودلوقتي يلا اتفضل روحني. 
زاد حازم من قربه منها ومال نحوها فتراجعت أمل قليلا لتتفادي أنفاسه الحارة وقال وعيناه تطوف فوق ملامحه بحب
.. طيب ما تيجي اختار لك حاجة على زوقي وصدقيني هصدمك.
زاد إصرار عيناه أمامها ليضيف بصوت أجش
.. أمل ما ترحميني وخلينا نتجوز أحسن إيه رئيك أنا عايز أنزل مصر أطلبك من والدك.
تراجعت أمل برأسها بعيد عن عين حازم وقالت 
.. أنا إحنا بينا اتفاق وبعدين نتجوز إزاي يعني وبعدين لو سمحت تبعد شوية يا حازم علشان أنا مش عارفة أركز.
.. على ما أظن إن الوضع كدا بقى خارج السيطرة أنا مبقتش عارفة أنا عاوزة إيه وبعدين يا أمل أنت هتفضلي تضحكي على نفسك كتير أنت مبسوطة من تصرفاته وسعيده معاه فمتنكريش إنك أضايقتي أنه لمس خدك بس على فكرة أنت أفكارك بقت منحرفة كتير ودا سببه وجود حازم معاك دايما.
يتبع