كان لي..بقلم مني أحمد حافظ.. الجزء العاشر.

منها ومتبقاش تعبانة.
استاء خالد من أجابة ثريا الجافة فادار وجهه ونظر إلى إيمان فاستأذنت إيمان من ثريا لتتحدث الى خالد فأخذها خالد بعيدا وقال 
.. هو أنت خلاص أرتاحتي هناك ونسيتي أنك ليك بيت وزوج على فكرة أنا مش موافق على وجودك هناك وعيزك ترجعي لبيتك تاني ولا مش ملاحظة أنك سيباني لوحدي.
تبدلت نظرات إيمان للقلق بسبب عبوس خالد وأجابته بصوت خاڤت متردد
.. بس أنا فعلا تعبانة يا خالد وعلى فكرة لو فاكر أني مبسوطة بقعدتي هناك تبقى غلطان علشان نعمة مش سيباني فحالي وبتسمعني من مكانها فوق كلام زي السم ولعلمك ماما ثريا بتتعارك معاها كتير بسببي عموما أنا كلها يومين تلاتة بالكتير وهرجع لبيتنا من تاني علشان أنا مقدرش أقعد بعيد عنك أكتر من كدا.
ازداد تجهم وجهه فسارعت إيمان وأضافت
.. معلش يا خالد أنا عارفة أنك مش راضي عن وجودي هناك بس أنا ما صدقت أنهم قبلوا بيا من تاني فعلشان خاطري سيبني يومين كمان بس ممكن.
زفر بحنق وأخبرها بضيق
.. هما يومين يا إيمان علشان أنا مش متحمل بعدك دا أنا مش مرتاح لوجودك هناك خصوصا بعد اللي عمله إيهاب مع أمل.
تغضن جبين إيمان وسألته بفضول
.. ومال إيهاب ومال أمل أنا مش فاهمة هو عمل معاها إيه .
نظر خالد إلى مكان ثريا وقال 
.. مش وقته بصي خليك مش عارفة كدا أحسن وخلي بالك من كلامك وإياك تجيبي سيرة أدامهم بأي حاجة فاهمة بصي أنا همشي دلوقتي علشان طنط ثريا مش طيقاني وبصراحة أنا مبقتش طايق أكون فمكان واحد معاهم بسبب نظراتهم ليا.
تمسكت إيمان بساعده وتوسلته بأحتياج قائلة
.. خليك معايا شوية وحياتي يا خالد أنت وحشتني وساعات كتير بفكر أتصل بيك تيجي بالليل تقعد معايا من غير ما حد فيهم يشوفك بس برجع وأخاف عليك من لسان نعمة.
هز خالد رأسه بالنفى وقال 
.. لأ بلاش أنا مش ناقص كفايا كلام عمى محمد اللي قاله لما جالي آخر مرة أنا لحد دلوقتي مستغرب أزاي جه المستشفى ليك وعملوا كدا معاك أحساسي الذنب هيموتني بصي أنا همشي ولما تبقي لوحدك كلميني خلي بالك من نفسك سلام .
وما أن غادرها حتى حاول خالد محادثة أمل ولكنه فشل بسبب غلق هاتفها فازداد أحساسه بالقلق والخۏف عليها وفكر بالأتصال بضحى ولكنه تراجع خشيه تسببه بالمزيد من المشاكل.
أنتحى أمجد بعيدا ليجري أتصاله بمحمد في القاهرة وبعد بضع رنات أجابه محمد 
.. أزيك يا أمجد أنتم عاملين إيه ألا قولي أنتم خلاص أتفقتوا على ميعاد النزول لمصر ولا لسه.
أجابه أمجد بتردد قائلا
.. مش عارف يا محمد تقريبا كدا أحنا مش هنقدر ننزل فالوقت الحاضر المهم أنا كنت عايز أتكلم معاك فموضوع فياريت لو تبعد لو ثريا أو نعمة جانبك يعني كنت عايز أسألك عن حاجة كدا وياريت لو تفهمني سببها.
أثار تردد أمجد واضطراب صوته قلق محمد فسأله متوجسا
.. حاجة أيه يا أمجد اللي عايز تفهمها وبعدين هو في حاجة حصلت علشان تأجل مجيكم طمني يا أمجد البنات بخير.
رجف قلب محمد فأضاف سريعا پخوف
.. أمل بخير يا أمجد.
زفر أمجد بضيق لتبينه خوف محمد ولكنه لم يتردد فالأمر لا يحتمل التأجيل أو التمهل فقال
.. اسمعني يا محمد أمل فالمستشفى للأسف هي تعبت مننا وكانت فاقدة الوعي ليومين ولما فاقت أتفاجئت أنها رافضة تعمل العملية ورافضة  وجود أي حد مننا معاها ومصممة ترجع مصر لدرجة أن وصل بيها الأمر أنها هددتني تروح للسفارة علشان يرجعوها مصر بمعرفتهم لو رفضت أنها تسافر واللي عرفته بعد كدا أن إيهاب أتصل على ضحى وهي ردت عليه وتقريبا شدوا سوا وللأسف فوسط كلامه قال لها أنكم رجعتم إيمان لبيتكم تاني وسامحتوها وأمل من ساعة ما عرفت وهي مش عاوزة تهدى فقولي أتصرف أزاي يا محمد علشان أنا خاېف أعمل أي حاجة تخسرنا كلنا أمل.
تراخت ساقي محمد وارتمى على المقعد بجواره وخفض رأسه يتملكه الخزي كونه چرح ابنته للمرة الثانية وتسبب بإيذائها وأحس أمجد بما وصل إليه محمد فحدثه ليجيبه محمد پخوف قائلا
.. أمجد أرجوك أتصرف معاها بأي طريقة لو نزولها مصر هيخليها