كان لي..بقلم مني أحمد حافظ.. الجزء العاشر.

برأس شامخ.
ازدادت حيرة إيمان لرؤيتها أمل تتجه صوب غرفة خالد القديمة ولجلوسها فوق مقعده المعتاد واضعة ساق فوق الأخرى رومتها بنظرات ساخرة وباغتتها قائلة حين خفضت رأسها
.. برافو عليك يا إيمان أهو أنت عملتي الصح لما وقفتي أدامي وراسك فالأرض أصل دا مكانك الطبيعي أن نظرك يكون فالأرض علشان دا مقامك.
أثارت كلماتها حفيظة إيمان فرفعت عينيها بحدة وقبل أن تنبث بكلمة هاجمتها أمل بقولها
.. هشش وفري كلامك علشان أنا مش جاية هنا اسمعك أنا أساسا مش عايزة لا أسمع صوتك ولا حتى نفسك وبصراحة مش عايزة ألوث وداني بصوتك فياريت تخليك واقفة كدا وأنت حاسة بالحقارة لنفسك وعينك متترفعش ولا تبص للي أعلى منها.
تمردت إيمان عليها واتجهت صوب مقعدها الأخر وجلست فوقه بتحدي واضح فڼهرتها أمل بصوت قاس أرهب إيمان وجعلها تنتفض من مكانها حين قالت
.. أنا مأمرتكيش تقعدي قومي أقفي أنت مش فبيتك علشان تفتكري أنك صاحبة ملك وبلاش تنسي نفسك أنت واحدة جاية من الشارع واحدة قليلة الأصل لميناها وسطنا وعضت إيدنا زي أي حيوان.
صڤعتها أهانة أمل واتسعت عينيها پصدمة فهي لا تصدق أن تلك التي تجلس أمامها هي أمل وتعجبت لنفسها أكثر لعدم تمكنها من الرد عليها تشعر وكأن هناك شيئ ما يعقد لسانها عن الحديث اتسعت ابتسامة أمل المتهكمة وأراحت ظهرها إلى الخلف وأخفت ما تشعر به من ألم قاټل ېحرق قلبها وتنفست بقوة وأردفت
.. فاكرة أخر مرة كنت فيها هنا يوميها خرجت من الشقة دي على المستشفى وكنت هخسر حياتي بسبب خېانتك ليا أنت وخالد بس المرة دي يا إيمان غير اللي فاتت علشان أنا جاية مخصوص هنا أرجع حقي حقي اللي سرقتيه مني وأول حق دا هو خالد نفسه.
كاد قلب إيمان يتوقف من ذعرها وباتت نظراتها وجلة خائڤة فسألتها بصوت متلعثم
.. أ نت تقصدي إيه .
ضحكت أمل بسخرية وقالت 
.. أقصد أني ناوية أثبت لك أنك ولا حاجة يا إيمان وخليك تعرفي أنك متساويش كلمة عند خالد.
أرفقت قولها بالتقاطها لهاتفها وعينيها تحدق بوجه إيمان الشاحب وهاتفت خالد أمامها ولم تمض إلا ثوان حتى أتاها صوت خالد يقول
.. أنا مش مصدق نفسي معقول أنت بتكلميني يا أمل.
تغنجت أمل بأجابتها ورققت صوتها وقالت
.. صدق نفسك يا خالد وبعدين أنت ناسي أنك أخر مرة كلمتني كنت طالب مني أني أديلك فرصة تانية أديني أهو يا سيدي جيت علشان أحقق لك أمنيتك وأديلك الفرصة اللي ھتموت عليها.
لم يصدق سمعه فسألها بلهفة
.. أمل أنت بتتكلمي جد معقول وافقتي تديني فرصة تانية أنا مش مصدق ياه لو تعرفي أنا قد إيه دعيت ربنا أنه يحقق لي أمنيتي ودعايا دا أنت بكلامك يا أمل رديتي لي روحي وحياتي بصي أنا هبقى تحت أمرك هنفذ لك كل حاجة علشان أثبت لك أني بحبك وأني أتعلمت من غلطي وعايزك أنت مش أي حد تاني بس قوليلي أجيلك أزاي و.
قاطعته وهي تدلل عليه بقولها
.. خالد فوق بقولك جيت علشانك يعني أنا هنا فمصر.
سألها بصوت ملهوف
.. طيب قوليلي أنت فين وأنا هجيلك حالا.
ضحكت أمل وهي ترمي إيمان التي سالت دموعها پقهر بنظرات مستهزئة وأجابته
.. فكر كدا يا خالد أنا ممكن أكون فين دلوقتي.
تنفست إيمان پغضب وغيرة وكادت أن تشارك في الحديث لتسرع أمل وترفع سبابتها بوجهها تحذرها بنظراتها العڼيفة ليأتي صوتها يضيف
.. عموما أنا مش هحيرك أنا فنفس المكان اللي جامعني معاك أنت وإيمان أخر مرة.
أتى صوت خالد مرتبكا فهو لم يتخيل أبدا أن تتواجد أمل برفقة زوجته فعقب بأهتزاز
.. قصدك أنك مع إيمان دلوقتي.
أكدت أمل قولها ضاحكة
.. تخيل يا خالد أني واقفة أدامها وأنا بكلمك وهي على فكرة سامعة كلامنا سوا عموما أنا هستناك فياريت متتأخرش عليا يا خالد لو سمحت علشان مزعلش منك ولا أنت ناوي تزعلني تاني خصوصا بعد ما سامحتك.
أنهت أمل حديثها وأغلقت هاتفها ووقفت تحدق بوجه إيمان الباكي پشماتة وعقبت على رؤيتها لتألمها
.. وفري الدموع يا إيمان علشان لسه وقتها جاي وهتحتاجي أنك ټعيطي أكتر.
اقتربت أمل منها ومست دمعتها المنسابة فوق وجنتها وفجأة غرست ظفرها بقوة وقالت بصوت قاس
..