كان لي..بقلم مني أحمد حافظ.. الجزء الحادي عشر.

هكلمها أنها تراجع نفسها تاني فقرارها دا وهستنى لما تقوم بالسلامة وتهدا فتفكيرها لإن حتى الطلاق قرار مش سهل المهم قوليلي ناوية تقعدي ولا هتروحي.
زفرت بحزن وأفضت إليه برفض حازم الحديث معها وأنهت كلماتها بقولها
.. بصراحة مش عارفة أفضل معاها ولا أمشي.
ربت محمد يدها وقال
.. هقوم أجيب حاجة نشربها على ما تجربي مع حازم يمكن يرد عليك ولو رد قوليله يجي يروحك.
عادت إلى الغرفة لتجد إيمان عادت لغفوتها سحبت هاتفها لتحدث حازم ولكنها تراجعت حين ولج خالد إلى الغرفة ترقبته أمل بحرج وحين استمر صمته سألته
.. خير يا خالد في حاجة.
حمحم وهو يغلق الباب فازدردت لعابها ليقول
.. عايز أتكلم معاك يا أمل ممكن.
هزت رأسها بتلقائية بالرفض وأرفقتها بصوتها تقول
.. مظنش في بينا أي كلام يا خالد.
رجف قلبها لاقترابه فتراجعت إلى الخلف ليضيف خالد مع تقدمه منها
.. في لسه كلام بيني وبينك كتير في أني تعبان يا أمل ومنستش أني لما كنت ببقى مضايق بلجأ ليك أنت وأنا تعبان يا أمل ومحتاج لك أرجوك يا أمل أديني الفرصة وأسمعيني وبلاش تقفلي فوشي بابك أنت الوحيدة اللي برتاح معاك.
كررت رفضها الصامت وحين توقف أمامها أردفت بصوت مضطرب
.. معدش في بينا أي فرص وكلامك دلوقتي مش من حقي دا من حق مراتك اللي نايمة دي وراحتك اللي بتدور عليها معاها هي مش أنا ودلوقتي لو سمحت أبعد وخليني أخرج برا.
حاصرها بين جسده والحائط وتأملها بعيون جائعة تنفس بقوة من شذاها وقال بصوت أجش
.. معقول يا أمل خلاص معدش في بينا أي حاجة مشاعرك ليا راحت معدتيش بتحسي بقلب خالد وأحتياجه ليك قلبك اللي كان بيدوب معايا لحق ينساني.
حاولت أمل حثه على الابتعاد عنها فقالت بحدة طفيفة
.. خالد لو سمحت أبعد ميصحش اللي بتعمله دا أرجوك متخلنيش أندم أني...
لم يسمع رجائها وتابع تحديقه بعيناها وهمس إليها
.. عارفة أني بمۏت كل لحظة من الغيرة ولحظة ما شوفت حازم حسيت أني عايز أقتله علشان خطڤك مني ولما هديت من غيرتي حسيت بۏجع قلبي وعرفت قد أيه أنت أتوجعتي بسببي أمل أرجوك أدينا فرصة نرجع لبعض ونختبر مشاعرنا وأفتكري أن أول حضن كان مني أنا أفتكري أحساسك وأنت دايبة فحضني معقول مش بتحتاجي للحظة خاصة زيها تجمعنا سوا.
تجرأ ونسى تماما كل شيء وضع يده فوق قلبها فشهقت وحاولت دفعه ليأسر يدها المرتجفة بين أناملة مدها إلى شفتيه وفجذبتها بقوة وصاحت بصوت مرتجف
.. أبعد عني يا خالد أحسن والله هصرخ وأنادي بابا وهتبقى صورتك أوحش وبعدين أنا عيزاك تفوق من وهمك مافيش أي لحظات هتجمعني بيك وغلطة زمان عمرها ما هتتكرر تاني ولو فيها مۏتي.
وكأن القدر على موعد ليضعهما في اختبار أخر ففي تلك اللحظة فتح باب الغرفة ووقف حازم يحدق بكلاهما لا يصدق أن حبيبته بين ذراعي خالد تفجر غضبه وأندفع للداخل ليزيد خالد الأمر سوءا بقوله
.. جرا إيه مش مفروض تخبط قبل ما تدخل.
قتمت ملامحه واحتقن وجهه پغضب عارف فهاجم خالد ولكمه بقوة أودعها غيرته التي أحرقت الأخضر واليابس بداخله وجذب أمل عنوة وغادر بها ليصطدم بمحمد الذي اتسعت ابتسامته ولكنها سرعان ما تلاشت حين لاحظ دموع ابنته وڠضب حازم وقبل أن يعترض محمد طريقه ابتعد حازم يسحب أمل خلفه وقد أعماه غضبه وصم اذنيه وما أن ولج محمد لغرفة إيمان ورأى خالد يعتدل ويمسح خيط الډم الذي سال بجوار فمه حتى علم ما حدث فاستسلم هو الأخر لغضبه وأسرع نحو خالد وباغته بقوله
.. طلق إيمان حالا وغور من هنا وأعمل حسابك أني لو شوفتك فأي مكان جنب أي بنت من بناتي أني ھقتلك فاهم يا خالد ھقتلك.
حاول خالد أن يبرر فعلته ولكن محمد رفض الأستماع إليه ودفعه لخارج الغرفة وقال
.. لعلمك أنت لو مطلقتش إيمان أنا هرفع عليك قضية خلع وخلي وقتها اللي ما يشتري يتفرج علشان الناس تشوفك على حقيقتك بني آدم ندل وخسيس.
يتبع