كان لي..بقلم مني أحمد حافظ.. الجزء الحادي عشر.

طيب قوليلي هعملها أزاي دي يا بنتي دا حازم لو أتحرك من مكانه الكل هيعرف علشان هو قاعد ما بين بابا وخالو تصدقي أصلا بابا أول ما شافة وقعد معاه شوية صغيرين بعدها حسيتهم كأنهم أصحاب من زمان بابا منبهر بشخصيته جدا وواضح أنه حبه وخالتك كمان دي من وقت ما جينا وهي حطاه تحت الميكروسكوب فقوليلي هخليك تشوفيه لوحدك أزاي وهو تحت الحصار برا.
تطلعت أمل إليها وتوسلتها الضعف
.. ضحى أعملي أي حاجة قولي لأحمد وخليه يتصرف أو ابعتي رسالة لحازم وهو هيعرف يحلها يا ضحى أفهميني أنا لازم اتكلم مع حازم الأول ضروري.
نفذت ضحى مطلب شقيقتها وراسلت أحمد فتطلع أحمد نحو صديقه وغمزه سرا وأرسل له رسالة قصيرة ليفكرا سويا بحل ما وتابعهم أمجد من مكانه يعلم أن هناك ما يدور بينهم وأنه بشكل مؤكد يخص أمل وما أن لكز حازم أحمد حتى أعتدل أمجد ليأتي صوت ابنه يقول
.. ما حد يشوف لنا البنات صحيت ولا لسه علشان منتأخرش على ميعادنا.
سأله والده بصوت هادئ
.. ميعاد إيه يا أحمد أحسن أنا نسيت.
ازدرد أحمد لعابه وأجاب والده
.. ميعاد الدكتور اللي حازم حجزه لأمل يا بابا واضح أنك نسيت دا حتى ضحى شكلها نسيت علشان كدا نامت.
أومأ أمجد وغمز إليه وسايره في الحديث قائلا
.. يا خبر أنا نسيت كويس أنك أفتكرت يا أحمد.
والټفت أمجد نحو شقيقته وأستكمل قوله
.. قومي يا ثريا صحي البنات علشان نلحق ميعاد الدكتور وأنت يا محمد قوم أجهز.
تبادل أحمد وحازم النظرات باضطراب واتسعت ابتسامة أمجد ليعود ويضيف
.. ولا تخلينا أحنا نتكلم سوا براحتنا والشباب يروحوا مع بعض.
أيد محمد كلمات أمجد الأخيرة قائلا
.. تمام يا أمجد خلينا أحنا.
حاولت أمل أن تخفى أثر شحوبها وتحاملت على نفسها حتى لا يلحظ أحد ما تعانيه ولكن أعين الحبيب تدرك مصاپ الحبيب ومن قبل أن ينظر إليها خفق قلبه وعلم أنها تعاني من ألم أكبر من مقدرة تحملها وكاد أن يغير كل شيء ويطالبهم بالتوجه للمشفى بها ولكن نظرات التوسل التي رمقته بها جعلته يتراجع مرغما وما أن غادروا حتى التقط حازم يدها وساندها إلى لتجلس بأرتياح وعقب على تساؤلها الصامت
.. أمجد حجز لنا العربية ورتب كل حاجة.
قاد طوال الطريق بوجه متجهم صامت لم يشارك في أحاديثهم الجانبية يرمقها بين الحين والأخر بلا تعقيب وما أن وصلوا إلى بقعة هادئة على ضفاف النيل حتى أسرع أحمد وجذب ضحى وغادر وتركهم بمفردهم فازدردت أمل لعابها ترقبت مغادرته والتفافه ليفتح لها باب السيارة ومد يده لتستند إليه وهمس ما أن وقفت جواره
.. لأول مرة أحس أني عاجز عايز أعاقبك على اللي عملتيه وأحاسبك وفنفس الوقت خاېف.
خفضت رأسها وأبتعد عنه واستندت إلى مقدمة السيارة ونظرت إليه وأردفت
.. استنى لما أحكي اللي عندي وأجمع حسابك كله مش يمكن تلاقي نفسك مش قادر حتى تكلمني و...
ابتلعت كلماتها حين رمقها بحدة وليسألها بصوت حاول أن يجعله خاڤت ولكنه لم ينجح في أخفاء غضبه منها
.. ممكن أفهم تقصدي إيه بكلامك دا 
تابعت تجهمه بصمت فزفر حانقا وصاح بنفاذ صبر
.. ما تتكلمني يا أمل وتفهميني معنى كلامك إيه سمعيني اللي عندك.
لم تستطع تمالك دموعها فازدادت عصبية حازم واقترب منها وقال
.. لا دا كدا كتير والبداية مش حلوة لما بټعيطي من أولها أومال أخرها هتعملي إيه لو سمحتي بطلي عياط وإلا هاخدك من أيدك وأوديكي المستشفى بالأجبار ولا أنت فاكرة أن شوية الألوان اللي حطاهم مخبين وشك المخطۏف وشفايفك الزرقا لعلمك أنا حاسس بيك وعارف أنك بتاخدي نفسك بالعافية وقلبك اللي جيتي عليه پيصرخ من الۏجع وبيقولك أرحميني وعلشان تبقي عارفة أنت أدامك ربع ساعة تفهميني فيها كل حاجة وبعدها هاخدك على المستشفى من غير أي أعتراض فاهمة.
لم تقو على النظر إليه فخفضت وجهها وشبكت كفيها معا وحاولت أن تكسب صوتها الثبات وهي تقول
.. حازم أنا غلطت غلطة كبيرة فحقك وحق نفسي وحق بابا غلطة تخليك تلغي اتفاقنا سوا أنا جيت هنا وأنا مقررة أني أدفع الكل تمن كل اللي مريت بيه وقابلت إيمان وكلمتها بطريقة عمري ما أتخيلت أني أتكلم بيها و..
أوقفت حديثها حين تهدج صوتها ورفعت أناملها وضغطت على عينيها كي تمنعها من البكاء وأضافت
.. وخرجت مع خالد وقعدت معاه لوحدي و..
أخبرته بكل ما فعلت وما حدث مع والدها وشاركتها عيناها بالدموع ليأتيها صوته يسألها بهدوء كاذب
.. وياترى إيه اللي حصل بينك وبين خالد وخلاكي ټندمي كدا إيه الحاجة اللي عايزة تقوليها ومش قادرة.
أدركت أنه بات يعرفها أكثر مما تعرف نفسها فزفرت بقوة وأجابته
.. صدقني أنا متدلوش أي فرصة أنه يلمسني.
رفعت وجهها وحدقت به وأضافت بصوت صادق
.. أصلا مينفعش بعد ما بقيت ليك أن أي حد يلمسني أو يقرب مني أنا أساسا وأنا بتكلم معاه مكنتش شيفاه كنت شيفاك وأنت