كان لي..بقلم مني أحمد حافظ.. الجزء الاخير.

كله أدور على واحدة تشبهك عمري ما هلاقي اللي تعوضني عن لحظة واحدة عشتها وقضتها معاك أنت حياتي يا ليلى وماليش حياة إلا بيك وبس فأرجوك قاومي وبلاش تستسلمي بالشكل دا علشان خاطري يا ليلى وعلشان خاطر ابننا أحمد اتمسكي بالحياة.
تنهدت پألم وجذبت يده بضعف نحو شفتيها وقبلته وأردفت
.. خلي بالك من أحمد وعلمه أزاي يحب يا أمجد وعوضه عن حبي ولو ف يوم لاقيت اللي هتحاول أنها تعوضك أمسك فيها وبلاش تسيبها تضيع منك صدقني أنا لو بايدي كنت دورت لك عن اللي تبقى مكاني ف حيات...
لم يقوى على سماع كلماتها فابتلعها بشفتيه حين قبلها بقوة وأبتعد عنها بعد ثوان وقال بتوسل
.. أرجوك أنا مش عايز أسمع الكلام دا لو بتحبيني خليني أعيش حياتي فحبك ومع حبك أنت وبس أنا بعشقك يا ليلى وبعشق كل حاجة فيك.
همست وعيناها تلاحق وجهه المحبب إليها وأردفت
.. وأنا تخطيت الحب بمراحل يا أمجد ورغم أن حياتنا سوا كانت قصيرة إنما الحب اللي عشته معاك كان أكتر وأكبر من العشق نفسه عشق بحمد ربنا أنه كان من نصيبي أنت كل حاجة ليا يا أمجد واتمنى أكون زوجتك فالجنة زي ما كنت ليك فالدنيا.
انتشله من شرودة وذكرياته صوت يقول
.. بابا معقول حضرتك بټعيط.
انتفض أمجد ووقف سريعا وكفكف دموعه فضمھ أحمد بقوة ومن مكانه تابع حازم ما يدور وأحس بالحزن يتوغل بداخله لرؤيته أمجد بتلك الحالة وترك محمد مكانه واقترب منهما لعلمه كل شيء وقال
.. إيه يا أمجد ما تجمد يا ابني ولا أنا اللي هقويك على فكرة أنت مينفعش تضعف كدا وټنهار صدقني الكل هنا متقوي بيك فبلاش تخذلنا وتنكسر كدا وبعدين أدعي لها بالرحمة أحسن ما تسيب نفسك لهواجس ابليس تزود وجعك أكتر ما هو.
جذب محمد أمجد ليجلس إلى جوار ابنه فضمھ أحمد وقال
.. على فكرة أنا بحبك وفخور بحضرتك ومبسوط أن والدي راجل عنده كل المشاعر والأحاسيس الطيبة دي بس علشان خاطري بلاش تخليني أتوجع بدموعك تاني ممكن.
انهى أحمد قوله والتقط يد والده وقبلها وسكن الوضع بينهم جميعا هدوء غريب ساد قطعه صوت الطبيب الذي غادر غرفة الجراحة بغته يقول
.. الحمد لله العملية نجحت.
تعالت أصوات الحمد والثناء لله وسجدوا جميعا أرضا يشكرون الله على فضله وعلى نجاة أمل ووقفوا فبادر حازم بسؤاله عن حالتها وقال
.. طيب وعملتم إيه فموضوع القلب اللي عندها.
اجابه الطبيب بكلمات موجزة
.. العملية تمت بسلاسة ويسر لإن الأستاذ أمجد كان مرتب كل حاجة حتى القلب البديل الحمد لله وصل فميعاده.
اتسعت ابتسامة حازم وزفر بقوة وقال
.. طيب حضرتك هتسمح بالزيارة أمته يعني أنا كنت حابب أطمن عليها.
أجابه الطبيب وعلى وجهه ابتسامة هادئة
.. حاليا مقدرش أوعدك وأقولك هسمح بالزيارة أمته يعني مش قبل يومين علشان الحالة تكون استقرت وقدرنا نعرف أن كان جسمها هيقبل القلب ولا هيرفضه فلو ينفع اديني تلت ايام وبعدها هسمح لكم تشوفها.
غادر الطبيب فاستدار أحمد وقال
.. أنا هطلع ابلغهم أن أمل بخير الحمد لله عن أذنكم.
هرول أحمد لأعلى وما أن توقف أمام غرفة إيمان حتى طرق بابها ولم تمض لحظات إلا وكانت ضحى تستقبله ليباغتها أحمد باحتضانه لها وقوله
.. الحمد لله العملية نجحت يا ضحى وأمل هتبقى بخير.
غمرتها السعادة وتناست ضحى مكانها وبادلته الأحتضان ليأتي إليهما صوت نعمة تقول
.. إيه دا يا ولاد كدا عيني عينك يا حلاوة على التربية تعالي شوفي يا ثريا.
باتت ثريا بعالم أخر عالم تسجد فيه وتبكي وهي تحمد الله كما همست إيمان كذلك بحمدها لله ليبتعد حينها أحمد عن ضحى واستدار ليحدق بوجه عمته وقال
..وبعدين معاك يا عمتي هو أنت اللي حماتي ولا إيه على فكرة كدا مينفعش أنا بقول أكتب كتابي واخد مراتي وأمشي ولا حد يقول لي عيب ولا حد يبص عليا وأنا..
وقفت ثريا واقتربت منه واحتضنته وقالت
.. كل اللي أنت عايزه أنا هكلم عمك محمد عليه يعمله بس خليني أنزل الأول أطمن على بنتي بنفسي.
الفصل الثاني والثلاثون.. أنت لي .
لم يستطع حازم الصبر على عدم رؤية أمل فأنتظر حتى تخطت الساعة الثالثة صباحا وبعدما تأكد من صعود ثريا وضحى إلى غرفة