فيروز.. بقلم ريم أحمد.. الجزء الاول.
شاء الله خير والفتره دى تقعدى معانا وهتفتكرى كل حاجه أن شاء الله
ريناد بابتسامه أن شاء الله ماتعرفيش أنا مبسوطه قد ايه انك هتقعدى معانا هنا
فيروز وانا كمان
مها بزعل بس ياعينى عليهم اهلك زمانهم قلقانين عليكى . ومامتك اكيد خاېفه عليكى أن شاء الله تفتكرى قريب وترجعلهم بالسلامه
وفضلو شويه ساكتين
مها صحيح يا ريناد متعرفيش عمار عمل ايه في موضوع الممرضه
مها طيب هو فين
ريناد اكيد في المكتب هاروح اندهله
خرجت ريناد وسابت فيروز مع مها
فيروز أنا هقوم بقى واسيب حضرتك ترتاحى
مها بابتسامه ماشى يا حبيبتى. وانتى كمان ارتاحى شويه واكيد هشوفك تانى
فيروز بابتسامه وهي بتقوم من مكانها اكيد أن شاء الله بعد اذنك
فيروز باحراج أنا اسفه
عمار بصلها من تحت لفوق وسابها ودخل لمامته وفيروز دخلت اوضتها وهي بتبرطم
فيروز ماله ده هو مش طايقنى ليه هو أنا كنت عملت فيه حاجه
شويه ولقت باب اوضتها بيخبط
فيروز ادخل
ريناد دخلت معاها بيجامه
ريناد اتفضلى يا فيروز دى بيجامه لحد ماننزل بكره اجبلك لبس
فيروز بابتسامه شكرا يا ريناد معلشى هاتعبك معايا
وسابتها وخرجت فيروز غيرت هدومها ونامت على السرير محستشى باى حاجه خالص
تانى يوم صحت فيروز من بدرى فتحت شباكها اللى ع الجنينه واخدت نفس عميق وكانت حسه براحة وانها مبسوطه من ايه مش عارفه دخلت اخدت شور ونزلت قاعدت في الجنينه لوحدها تتفرج على الورد شويه وحست بايد بتغطى عنيها فيروز قامت مخضوضه ريناد حرام عليكى خضتينى
فيروز عادي نمت كتير امبارح
ريناد طيب تعالى نخليهم يحضروا الفطار ونفطر فوق مع ماما
فيروز بابتسامه ماشى
طلعوا فطروا مع مامتها وقاعدوا معاها شويه يتكلموا مع بعض
ريناد أنا هنزل الصينيه وهاجى اديكى الدواء
مها ماشى يا بنتى
ونزلت ريناد
مها معلشى يافيروز ممكن تجبيلى الروشته والدواء اللى هناك دول
مها لاء قوليلى ياماما زى ريناد
فيروز لو حضرتك حابه كده ماشى وقامت جابت الروشته والدواء
فالوقت ده دخلت عليهم ريناد يلا بقى ياست الكل عشان ناخد الدواء
مها بصت على فيروز اللى كانت ماسكه الروشته وبتبص فيها باستغراب
مها بابستغراب مالك يافيروز وقفه كده ليه
فيروز باستغراب مش عارفه بس أنا فهمه الكلام ده
فيروز مش عارفه بس بجد أنا فهماه
ريناد بتريقه يبقى انتى كنتى دكتورة أو ممرضه أو بتشتغلى في صيدليه
فيروز وهي بتقرب منهم يمكن
مها طب ياريت اهى فيروز تبقى معايا بدل الممرضات المملين اللى اخوكى بيجبهوملى دول
فيروز وانا تحت امرك يا طنط
مها وبعدين قولتلك ايه
فيروز بابتسامه قصدى ياماما
وفي نفس اليوم بليل نزلت فيروز مع ريناد واشتروا لبس كتير وفيروز كانت مبسوطه جدا
بعد أسبوع فيروز قربت اوى من ريناد ومها وفي فتره قصيره جدا وكانو بيحبوها جدا وهي كمان اتعلقت بيهم اوى كانت بتساعد مها في دواءها وبتقعد مها فتره كبيره وطلعت بتعرف تديها الحقن وعشان كده قرارت أن مايجلهاش ممرضه تانى بدام فيروز معاها أما عمار فكان بيتجاهلها وبيعاملها ببرود ولو اتكلم معاها بيبقى رخم جدا فقررت هي كمان ماتدهوش أي اهتمام وتحاول تتجنبه كانت بتصحى كل يوم من بدرى وتقعد في الجنينه شويه لحد ما الباقى بصحى
وفي يوم كانت قاعده زى العاده فالجنينه ولقت ايد بتغطى عنيها بس المره دى متخضاتشى
فيروز بابتسامه بس بقى يا ريناد
يوسف أنا مش ريناد
فيروز قامت بسرعه من مكانها وبعدت عنه
فيروز بارتباك أستاذ يوسف
يوسف وهي بيقعد أستاذ ماشى يا فراوله أخبارك ايه
فيروز الحمد لله كويسه . ثوانى هاروح انده لريناد
يوسف مساكها من ايدها لاء أنا عاوز اقعد معاكى شويه لوحدنا
فيروز وهي بتشد ايدها منه ليه
يوسف بابتسامه لما حس بإحراجها أنا اتصلت بالدكتور النفسانى وان شاء الله بكره أول جلسه
فيروز بابتسامه اه. شكرا اوى لحضرتك. تعبتك معايا
يوسف بحنيه عيب كده احنا بقينا أهل خلاص وانتى مسؤله منى دلوقتى
شويه وقربت منهم ريناد
ريناد أستاذ يوسف بذات نفسه عندنا والصبح بدرى كمان خير الله ما اجعله خير
يوسف عادي يعنى . هي خالتوا فين عشان اسلم عليها
ريناد في اوضتها هتكون فين يعنى
طلعوا كلهم لأوضة مها وقاعدوا مع بعض يتكلم ويهزروا
في الجرنال في مكتب رئيس التحرير
رئيس التحرير مبروك يإعمار الروايا الاخيره بتاعك نجحت جدا وفازت في مسابقة الروايا في المهرجان الثقافى في دبى
عمار بابتسامه الله يبارك فيك
رئيس التحرير اعمل حسابك هاتسافر كمان اسبوعين عشان تستلم الجايزه وهيبقى في مؤتمر عشان الروايا
عمار اسبوعين . لازم يعنى اسافر أنا
رئيس التحرير اكيد طبعا
عمار خلاص ماشى وهاجهز لحضرتك كام مقاله عشان لما اسافر بعد اذن حضرتك
في الفيلا على الغداء ريناد وعمار ويوسف وفيروز قاعدين مع بعض بيتغدوا
عمار أنا أن شاء الله كمان اسبوعين هاسافر دبى
ريناد دبى . ليه
عمار مفيش الروايا بتاعي اخدت جايزه ولازم اسافر
يوسف الروايا الكئيبه دى هو حد اصلا قراها غيرى
ريناد أنت اصلا بتفهم حاجه مبروك يإعمار
عمار ببرود الله يبارك فيكى أنا شبعت
و قبل مايقوم من على السفره فيروز ممكن تجيلى على المكتب عاوزك
فيروز باستغراب أنا
عمار اه
ومشى ودخل مكتبه
ريناد باستغراب في ايه
فيروز بقلق مش عارفه
عمار قاعد في مكتبه بيكتب وشويه يخبط الباب
عمار بهدوء ادخل
دخلت فيروز وفضلت واقفه قدامه ساكته وهو لسه عينه فالورق اللى قدامه ومفيش أي اهتمام
فيروز بغيظ خير حضرتك عاوزنى ليه
عمار من غير ميبصلها اقعدى
قاعدت فيروز وهي مش طيقاه وبعد حوالى دقيقتين من السكوت عمار قفل القلم وخرج فلوس من جيبه وبصلها اتفضلي
فيروز باستغراب ايه ده
عمار ده مرتبك
فيروز برده مش مستوعبه مرتب ايه مش فاهمه
عمار ماما قالتلى انك هتبقى بدل الممرضه عشان كده أنا هدفعلك مرتبها
فيروز قامت من على الكرسى وهي مضايقة شكرا مش عاوزة
عمار باستغراب ليه هتشتغلى ببلاش ولا المرتب مش عجبك
فيروز أنت ازاى كده
عمار بابتسامه أنا عادي أنا بس فاهمكم كويس
فيروز فاهمكم اللى هم مين
عمار الستات كل الستات كده بتجرى وراء الفلوس وممكن تبيع أي حاجه واى حد عشان الفلوس والشغل
فيروز بغيظ واضح انك معقد أولا أنا مش هاخد الفلوس دي عشان أنا مبشتغلشى عند حضرتك عشان اخد مرتب موضوع بقى اني زي الستات وبجرى وراء الفلوس دي حاجه ماتخصكشي عشان اشرحهالك أو ابررهالك ولا حتى يهمنى رائيك في الستات ثالثا بقى وده الاهم أنا بعمل كده عشان ماما وبعتبرها زى امى عشان كده بساعدها
عمار بابتسامه وتريقه ماما لا والله وايه كمان
فيروز بغيظ على فكره أنت شخصية مستفزه اوى بص عشان مطولشى عليك واخد من وقتك كتير أنا قعده فالبيت ده لحد ما افتكر أي حاجه واعرف اوصل لاهلى. أنا عارفه انك مش طايقنى من ساعة مادخلت البيت ده بس ده مايدكشى الحق انك تعاملنى كده ولا تتكلم معايا كده اصلا وعلى فكره أنا مش جايه هنا استغلك ولا اخد منك فلوس واى حاجه أنت صرفتها عليا أنا عرفاها كويس وهاردهالك واى حاجه أنا بعملها لماما أو ريناد دى حاجه خاصه بيا ماسمحلكشي انك تدخل فيها أو تديني ثمنها
ومشت خطوتين للباب وبعدين رجعت بصتله تانى
فيروز أنا لو كنت عاوزه فلوس بجد كنت
