المتمردة والقاسٍي لملكة الاحساس الجزء الاول

تشرب ايه
العم.. لا يا بنت اخويا انا جاى اطمن عليكى بس هو انتى ليكى الا انا
ملك بشك.. كتر خيرك يا عمى
العم.. ايه يا بنتى علبه السجاير دى انتى عندك حد هنا
ملك.. لا طبعا معنديش حد دى بتاعتى
العم.. اما انتى بت قليله الادب صحيح و بتقوليها فى وشى
ملك بجمود.. انا مش كذابه علشان اقولك انها مش بتاعتى 
العم.. اما انتى بت قليله الادب صحيح
ملك پغضب.. اتفضل اطلع بره وياريت متجيش هنا تانى اصلا انت مفكر ان الاسطوانه اللى انت داخل بيها عليا دى هتأثر فيا
العم .. والله يا ملك لاخليكى تندمى على قله ادبك معايا دى هخليكى تبكى بدل الدموع ډم
اغلقت الباب خلفه پعنف وافترشت الارض تبكى على قسوه ومراره الايام القادمه فسفر على من اسوء ما قابلها فى هذه الايام جعل الجميع يتحكم بها
العم محمد.. ها يا عمر مستعد على اللى اتفقنا عليه
عمر بشړ ..عيب يا حج اعتبر ملك وكل فلوسها فى جيبك الصغير
العم .. لازم تثق فيك زى على
الابن.. انا هنسيها على ده خاالص عن اذنك بقا علشان الحق
كانت تجلس تنظر فى اخر بريد بعث لها من البنك وهى تحاول ان تضبط حياتها لكنها تعلم ان ما فى حسابها من تركه امها لا يقضيها الى عام كامل خاصه وان مصروفها مرتفع 
ملك بحيره .. يعنى دلوقتى هعمل ايه وادى الفلوس اللى كانت متشاله هتتصرف اخ لو كنت عملت حساب يوم زى ده 150 الف هيكفوا ايه ولا ايه يا ربى على الحيره ده حتى مش مبلغ ينفع افتح بيه مشروع 
ثم سخرت من نفسها..مشروع ايه هو انا عارفه ادير حياتى لما ادير مشروع شكلها لازم انى اشتغل وده مين اللى هيرضى يشغلنى والله هدور على النت وكده كده معايا اللى يقضى الفتره دى
ليقطع هذا التفكير فى المستقبل المجهول جرس الباب اطفأت سيجارتها ولملمت شعرها الاشعث الى الخلف لتنظر من العين السحريه لترى انه عمر زفرت بضيق منه و من ابيه
فتحت الباب .. اهلا عمر
عمر بود مزيف.. ملوكه عامله ايه
ملك .. الحمد لله اتفضل
دخل وهو يجول بنظره فى الشقه .. من زمان اوى مجيتش البيت هنابس البيت اتغير تماما افتكر انه كان كلاسيك
ملك.. اه مش فاكره يجى من كام سنه كده وانت مجتش وعلى اللى كان دايما بيسأل عليا دايما
عمر .. خلاص يا سيتى واهه على سافر بس عمر موجود ما انا كمان اخوكى برضوا ولا ايه
ملك .. اه طنط الله يرحمها رضعتنا احنا التلاته بس الظاهر اخر واحد رضع مطمرش فيه او مش عامل حساب للأخوه
عمر.. لا اوعى تقولى كده ثم مد يده وسحب الجواب ايه من البنك فى مشكله ولا ايه
سحبت الجواب من يده بسرعه قبل ان يتطلع على ما فى حسابها .. اه من البنك يخصك فى حاجه
عمر.. لا يا حبيبتى انا قلت لو محتاجه حاجه من عنيه انتى تؤمرى
نظرت له بتعجب فلا تصدقه .. عمر انت عايز ايه من الاخر مش مرتاحه لزيارتك دى
عمر بلئم .. ابدا دى زياره برئيه قلت اطمن عليكى
ملك وقد فاض بها الكيل.. طيب عموما قول لابوك انه مش هيتحكم فيا مهما حصل قله ملك بتقولك لو بقت شحاته فى الاشارات مش هتتذل ليك وتمدلك ايدها تمام كده
عمر ببرود مصطنع.. تؤ تؤ عيب ما تقوليش كده ده حتى باعتنى اقنعك تيجى تعيشى معانا امان ليكى قالى مش هنسيب لحمنا مرمى كده وانت عارفه احنا صعايده ما يعجبناش الحال المايل
ملك.. ههههه انا ادخل عش الدبابير برجلى ليه مجنونه ولا مجنونه روح بلغ ابوك ان مش ملك اللى يتلوى دراعها ولو على العادات والتقاليد متلزمنيش ولا انتم تلزمونى امين كده
نظر لها عمر بغل .. ماشى يا بت عمى بس الايام بينا واللى كان حميكى منى خلاص سابك وسافر ورينى بقا هتعملى ايه من غير على
ملك.. على سافر علشان مش بيطيقكم لا انت ولا ابوه سبحان الله يخلق من ضهر الفاسد عالم
خرج من المنزل لتدخل المخاۏف قلبها فكيف لها ان تواجههم فهى بالنسبه لهم كالنمله التى لا يروها بأعينهم المجرده كان لابد ان تسارع فى ايجاد فرصه عمل وان تعتمد على نفسها فلم أحد يبقى لها سوى نفسها 
رفع سماعه هاتفه وضغط على الزر الذى يوصله بأمجد
امجد.. ايوه يا سليم
سليم بأدب.. ممكن تيجى عايزك فى مكتبى
بالفعل كانت ثوان ليدخل امجد على سليم ببشاشه 
امجد.. مالك مكشر وضارب بوز البطه ليه كده
نظر لصديقه.. لقيت حد يشتغل بدل لورا
امجد ..عيب يا كينج والبنت تحت التمرين خلاص فى شئون العاملين بتاعه كل الناس اللى شغاله هنا ولازم نعد ندقق فيهم انا وانت c v
سليم .. تمام اوى الكلام ده بص انا عايزك تجمعلى بالراحه احسن يكون زارع حد تانى هنا ومن النهارده اى حد يجى يشتغل فى الشركه يعدى عليا انا