المتمردة والقاسٍي لملكة الاحساس الجزء الاخير

اتنين صحاب او حتى اتنين مغتربين والظروف جمعتهم ببعض
نظرت لها بطرف عيناها.. حتى وان قدرت اعمل زى ما انتى بتقولى ازاى بقا هتخيل جوزى اللى محبتش غيره وهو نايم فى حضنك ولا جوزى هيبقى ليا ولصحبتى بصى كل واحد فى حاله احسن
عهد.. انتى غريبه اوى بصراحه  امجد لا هو اول ولا اخر راجل يتجوز اتنين
ساره وهى تخرج من المطبخ.. اسكتى بقا ده ايه العيشه اللى تقصر العمر دى
لتفاجئ بمن يقف امامها وكان يستمع الى حديثهم
عهد وهى تخرج بفنجان القهوه .. حبيبى انت جيت حمد لله على سلامتك
امجد وهو يتظر لساره بضيق.. حبيبتى الله يسلمك يا عاقله يا راسيه 
عهد.. تشرب قهوه يا قلبى
مد يده والتقطت منها فنجان القهوه وارتشف منه القليل.. الله قهوتك بتفكرنى بقهوه امى الله يرحمها
عهد.. صحه وهنا انا عايزه انزل ادور على شغل يا امجد ممكن
امجد.. لا طبعا عايزه تشتغلى يبقى عندى فى الشركه معايا انا وسليم لكن شغل عند ناس غريبه مش هأمن عليكى
عهد.. زى ما انت عايز
كانت تستمع الى الحديث بأكمله وهى تستشيط ڠضبا فمن هذه كى تلبى جميع طلباتها 
ساره ببرود.. وان شاء الله انا بقا الخدامه اللى هتشيل البيت ترويق وتنضيف وطبيخ وغسيل ده على اساس انى الخدامه بتاعتكوا
نظر الى ساره بهدوء.. شكل الكلام مش عاجبك
ساره ببرود .. طبعا مش عاجبنى طلما هى هتشتغل يبقى انا كمان اشتغل
امجد .. لا انتى ملكيش شغل واظن الموضوع ده متفقين عليه من قبل الجواز
ساره.. حاجات كتير اوى اتغيرت يا باشمهندس 
عهد .. انا هدخل ارتاح عايز حاجه يا امجد منى
امجد .. لا يا حبيبتى شكرا
دخلت غرفتها وهى تستشيط ڠضبا ټلعن الزواج وامجد ونفسها وحكيم وعهد وكل شئ دلف خلفها الى الحجره
ساره ببرود.. خير جاى هنا ليه روح لحبيبه القلب اللى مش بتكسرلها كلمه
اقترب منها وعيناه تفيض بالحب والاشتياق
ساره.. ابعد عنى ملكش دعوه بيا
امجد بحب اقترب من اذنها وهمس لها .. حقك عليا
نظرت له بلوم و حزن.. يعنى هتطلقنى وتريحنى من العڈاب ده
لا يصدق كلماتها.. عيشتك معايا عذاب يا ساره
ساره بحزن.. اه مش قادره اعيش معاك وفى واحده بينا انا بټعذب حرام عليك انت بتعمل فيا كده ليه ارجوك ارحمنى مش قادره اتحمل العيشه دى
ضمھا الى صدره وانهال على شفاتيها تقبيلا لم تقاوم كانت تريده اكثر مما ارادها همست بصوت ضعيف وهن يحمل معنى الا تتركنى .. ابعد عنى مش هستحمل قربك ساعه وبعدك يوم
كان لا يقوى الا يتركها لم يفعل شئ سوى اسكاتها بقبلاتته الشغوفه
يدق هاتف امجد وهو بأحضان زوجته لم يرد يدق هاتف سليم وهو جالس امام البحر ينظر لأمواجه المتلاطمه وهو ينفس سيجارته ويحتسى قهوته لا يعرف ايصدقها ام يتركها ام يذلها مشتت للغايه يعلم انها تحبه لكنه جعل منها فتات لا ترى منه سوى الذل والمهانه زفر بضيق وهو ينظر للسماء وهى تمطر قام من تحت المظله وقف تحت المطر عله يغسله من الداخل قبل الخارج كان كل من بالمكان ينظرون له ويؤكدون انه مچنون اختلطت دموعه بالمطر المنهمر يشعر بالتعب لا يعرف مرسى ليستقر فيه افاق من كل هذا على دقات هاتفه رد وصوته حزين
رجل غريب.. استاذ سليم
سليم بعدم اهتمام.. ايوه انت مين
الطبيب.. انا دكتور حكيم القناوى هو طالب مقابلتك لانه حالته بين الحيا المۏت
سليم.. طيب هو فى مستشفى ايه
ابلغه الطبيب بأسم المشفى استلقى سيارته وذهب لمنزله ليبدل ملابسه المبتله
دخل المنزل ليجده فى حاله سكون توقع انها نائمه او بالمرحاض لكن ما لفت نظره هذه الورقه المطويه على السفره..ذل عمى واهانه ابن عمى ارحم مليون مره من نظرتك ليا متدورش عليا لو سمحت
زفر بضيق وابدل ملابسه وقرر الذهاب لحكيم ثم بعد ذلك سيرى كيف يؤدبها على فعلتها وصل الى المشفى نظر له حكيم بأعياء فكان اشبه بالمۏتى لم يكن هو الشاب اليافع مفتول العضلات فسبحان المعز المذل
حكيم .. ازيك يا سليم
سليم.. الف سلامه عليك يا حكيم مكنتش اعرف انك عامل حاډثه
حكيم .. الحمد لله ده ذنب ربنا بيخلصه منى زى ما كسرت قلب غيرى وكسرت ضهر غيرى ربنا كسر فيا كل حته مبقاش فى حته فى جسمى سليمه 
سليم بلا فهم.. الف سلامه ان شاء الله هتقوم وهتبقى كويس
حكيم .. انا بس لازم اعترفلك بحاجه واوعدنى انك هتسامحنى عايز اقابل ربنا وانا مرتاح
سليم.. انا سمعك اتكلم
عادت الى وحدتها من جديد لا مؤنس ولا مسلى تجلس شارده امام التلفاز