ليلى ..بقلم بسنت عمر الجزء الثاني.

دلوقت
ليلي عايزنى ابيع دبلتك حضرتك
وقف عمرو ومازالت بين يديه ماهو انتى اللى استفزتينى  يلا يا حاجه ننزل علشان الوالدة باشا زمانها قامت واكيد عايزه تشوفك 
مسح دموعها وشدها بحضنه اكتر .. واياكى اياكى تقولى همشى تانى هو دخول الحمام زى خروجه خلاص يا روحى مبقاش ينفع
نزلت ليلي وهى مړعوبه من مقابلة منى ليها دخلت لقتها قاعدة قدام التليفزيون بس واضح انها مش مركزه فى اللى حواليها
عمرو ماما ليلي جايه تكلمك
منى لفت ل ليلي وفضلت مركزه على ملامحها شويه من غير أى كلمه لاحظت قد ايه ليلي فيها ملامح من عمرو وحست أنها لو أخته من دمه مش هتبقي شبهه كده لمحت علامات الكدمات اللى لسه سايبة اثر فى وشها وايديها ايديها حاضنه ايد عمرو واستغربت أن ازاى عمرو يمسك أيدها كده هو بعيد تماما عن أنه يعمل حاجه كده تغضب ربنا قلبها ۏجعها لما شافت علامات التقييد عند معصمها لسه واضح
منى بهدوء تعالى اقعدى هنا
نظرت لمكان إشارة منى اللى كانت بتشاور جنبها على الكنبة وبصت لعمرو اللى أشار لها برأسه أنها تقعد
منى انا اسفه انك سمعتى كلامنا لعمرو بس يا حبيبتى لازم تعذرينا أحنا امه وأبوه ومحدش هيخاف عليه قدنا انا عارفه انك تعبتى كتير بس خوفى على ابنى اكبر خصوصا لما عرفت والدك عمل ايه
ليلي من حق حضرتك تقولى كده وانا مقدرة خۏفك بس انا مجتش لعمرو غير لما حسيت انى عاجزه وبعد ما فكرت انى اتخلص من حياتى كلها والله ما كنت اعرف أن عمرو هيروح لأهلى وكنت همشي من هنا قبل حضراتكم ماتيجوا بالسلامه
منى طيب انتى ناويه على ايه اكيد مش هتفضلى فى بيت واحد اعزب كتير
ليلي انا كنت بتكلم مع عمرو وقولتله انى هقعد فى بيت المغتربات اول ما يفتح
منى وانت قولتلها ايه
عمرو اكيد رفضت طبعا تمشي تروح فين تقعد هنا مع نور لغايه ما أنجز فى الشقه فوق وبعدين تبقي تطلع براحتها
منى استغربت اكتر من موقف عمرو وحست أن فى حاجه غريبة وكبيرة ممكن عمرو يكون مخبيها منى سكتت شويه وركزت فى ملامح ليلي وعلامات الچروح على ايديها ومسكت أيديها بحنان ام قلبها ۏجعها على بنتها لما فكرت أن نور ممكن تكون مكان ليلي
منى انتى مش هتمشي من هنا بس اعذرينى من خوفى على ابنى لو جراله حاجه انا عمرى ما هقدر اسامحك
ليلي بعد الشړ عنه يارب يبارك لحضرتك فيها ومايوجع قلوبنا عليه يارب
منى يارب يلا يا لولو علشان نجهز غدا لعمك ونلين قلبه عليكي شويتين
ليلي فرحت بكلام منى جدا حاضر يا طانط يلا بينا
اتحركوا الاتنين قصاد عمرو للمطبخ وسط فرحته الشديده بموقف والدته هو كان عارف انها هتعمل كده وحمد ربنا أنه تخطى عقبه والدته ودعى أن ربنا يلين قلب والده جهزوا الغدا وحضروا السفرة كانت نور فرحانه لما لقت منى بتعامل ليلي بطريقه كويسه
منى هدخل انادى عصام لغاية ما تخلصوا تحضير
نور تمام يا حجيجه بس حطى فبالك هما خمس دقايق مخرجتيش انا هقعد اكل
منى طفسه اصبرى باباكى صحى يبقي هيخرج على طول
وقفت ليلي ورا عمرو ومسكت طرف تيشرته من ورا تحاول تحتمى فيه وخۏفها من المواجهة دى عمرو حس بخۏفها مسك أيدها وضغط عليها وحاول يبث ليها شويه أمان خرج عصام من غرفته ووراه منى اللى اول حاجه لمحها أن ابنه ماسك ايد غريبه عنه بالطريقه دى ازاى وشجاعته أنه يقف كده قصادهم بدون خجل أو خوف رفع نظره لملامح ليلي كان باين عليه الڠضب لكن مخدش أى رد فعل
عصام يلا اتفضلوا
قعد الكل على السفره وكل حين يبص على ليلي اللى مكنتش بتاكل اصلا هى بتحرك معلقتها فى الطبق وخلاص عصام خلص أكل ودخل على اوضته من غير أى كلام
منى خلصوا يا بنات غدا وابقوا عيشوا بقى مع السفرة والمواعين
نور نعم يا ست ماما مش حضرتك كنتى بتساعدى معانا
منى دا كان زمان لما كنتوا انتى واخوكى لوحدكم دلوقت بقيتوا تلاته يبقي زى الشطار حد يشيل السفرة وحد يغسل المواعين وحد يظبطلنا انا وجوزى حبيبي كوبايتين شاى ف المظبوط كده
عمرو كده ظلم اه والله
منى انا اللى طابخه 
قامت تضحك وتحاول تستفزهم.. ياه ياه عل
الراحهعللى انتى فيها يا مونه ياه لو طلعت من الأوضه وملقتش اللى قولته اتنفذ هتباتوا انتوا التلاته فى الجنينه
عمرو امك مالها
نور مش عارفه الست اتعودت على الراحه تقريبا انا قايمه اعمل شاى
ليلي فرحت أن منى بتعاملها زى أولادها وبقت تنفذ كلامها وهى فرحانه وعمرو لاحظ ده وفرح لفرحتها
عمرو اممم واضح انك هتشيلي السفرة وانا هلبس المواعين
ليلي اكيد يا حبيبي ده مين العاقل اللى هيغسلهم فى الجو ده
عمرو بابتسامه انتى قولتى ايه
ليلي بقولك مين العاقل اللى يغسل فى الجو ده
عمرو مش دى فى كلمة وقعت منك من شويه
ليلي باحراج كلمة ايه
عمرو يا شيخه حرام عليكى اتجى الله دا انا احارب وحدى وانتى منشفاها عليا ولا تبالى
ليلي قوم يا عمرو على الحوض مواعينك بتنادى عليك
خرج صوت نور فجأة
نور إلى الجهاد يا عمرو إلى الجهاد
ضحكت ليلي بشدة على رد فعل نور وده خلى قلب عمرو يرقص لأنه أول مرة تقريبا يشوفها بتضحك كده..يتبع..