أسر القاسې العنيد..بقلم نرمين محمود.الجزء الأول.

يا سو يالا علشان نلعب ماتش من ساعة ما مشيتي مش لاقي حد يغلبني
سارة ضاحكه .. بس كدة يالا يا ياسو علشان اغلبك ما دام وحشتك الهزيمه 
ياسين يالا يا اختي
وصعد ياسين وسارة الي الاعلي اما اسر فظل ينظر لهم باستغراب وضيق من طريقة تعاملهم البسيطة فهو لم يكن يجلس في المنزل كثيرا ولا يعرف عنها شيئا ولم يكن يرى سارة بالايام قطع شرودة صوت والده .. ايه يا آسر هترجع الشغل امتى
آسر .. بكرة ان شاء الله يا بابا وكمان عاوز اشوف الشقه خلصت ولا لا
مرفت بحزن .. ليه كدة يا آسر خليكم اعدين معانا
عز الدين .. سبيهم براحتهم يا مرفت
آسر .. وبعدين يا ست الكل احنا مش هنبعد كلها ربع ساعة بالعربية نكون قدامك احنا نقدر نبعد عنك يا جميل
مرفت ببتسامة .. ديما بتعرف تأكل عقلي بكلمتين
آسر ضاحكا .. وانا اقدر برضو
ثم استاذن وصعد للاعلي ليري ساره في الاعلي كان ياسين وسارة يلعبون ويمزحون كعادتهم صعد آسر وسمع صوت ضحكاتهم العالية وتضايق كثيرا ايمكن ان يغار عليها من اخوة وهنا لم يتحمل الفكرة وخرج من الفيلا سريعا واتصل بصديقة حاتم وطلب رؤيته وفي احدي الكافيهات كان يجلس آسر وحاتم فسأله حاتم بمرح .. مالك يا عم شايل طاجن ستك ليه
آسر بهدوء .. انا بحب سارة
ضحك حاتم بشدة ڠضب آسر وقام من مكانه ليرحل امسك حاتم يده وقال .. اقعد بس يا هولاكو مالك
آسر بنرفزة .. ما انا بقولك بتنيل بحبها وانت بتضحك
حاتم بهدوء .. طب ما انا عارف
آسر بستغراب .. عارف
حاتم .. ايوة عارف لانك عمرك ما حبيت غير سارة سارة كانت حب الطفوله والمراهقة وفضلت تحبها حتي وانت مع نيفين نيفين كانت مجرد انبهار بالمظهر والاسلوب وانها في سنك لانك متنساش انك لم دخلت الجامعه سارة كانت في الاعداديه يعني طفله وانت كنت محتاج اللي تهتم بيك وتقولك كلام حلو يعني باختصار حبك لنيفين كان حب احتياج
صمت آسر ولم يرد فاكمل حاتم .. في ايه تاني المفروض تكون فرحان لانك بتحبها وهى كمان بتحبك هيح بقى
آسر بسخرية .. اهو كله من قرك الفقر سارة مش طايقني ونفسها تولع فيا يا وش النحس
حاتم ضاحكا .. ليه عملت ايه في البت
آسر .. بت لم تبتك متقولش عليها بت
حاتم .. اخلص يا عم هولاكو وقول في ايه
آسر حكاله كل اللى حصل واللي قاله لسارة قبل ما يرجعوا وحكاله علي معامله سارة ليه فقال حاتم پغضب .. تصدق انك حيوان ومعندكش ده وساره معاها حق لو ولعت فيك انت ازاي تقولها كدة
آسر پغضب هو الاخر .. في ايه حاتم ليه كل دة انا غلطان اني حكتلك
حاتم بسخرية .. ايوة فعلا انا غلطان اني بقولك كدة المفروض اقولك برافو يا آسر انت صح
آسر بضيق .. انا عارف يا حاتم اني غلطان ومكنش المفروض اقولها كدة ابدا بس انا كنت متنرفز وجت فيها هتساعدني ولا لا 
حاتم .. ماشي يا آسر هساعدك دلوقت لازم تخلي سارة تثق فيك وترجع تتكلم معاك وبلاش كلامك الدبش دة وعمالها بحنية ومش انا اللي هقولك تعاملها ازاي انت عارف سارة اكتر منى
ابتسم آسر بخبث .. انا عرفت هعمل ايه
حاتم بقلق مصطنع .. انا مش مرتحلك يا هولاكو هتعمل ايه
آسر ببتسامة .. لا متشغلش بالك 
ثم قال وهو يقوم من مكانة ليرحل .. يالا بقي سلام
حاتم بصوت انثوى .. اه يا واطي عاوز ترميني بعد ما خدت غرضك مني طيب اللي في بطني اعمل في ايه
آسر ضاحكا .. يالا من هنا 
ورحل وهو يضحك ..اما عند سارة فظلت تلعب مع ياسين وتضحك حتى رن هاتفها فاستاذنت وذهبت لترد ليأتيها صوت تالا العالي .. اهلا بالهانم اللي مش بتسأل 
سارة ضاحكه .. براحة يا بنتي ودني والله كنت هرن عليكي علشان عايزة اشوفك
تالا .. امتي وفين
سارة .. بعد ساعه في الكافيه بتاعنا
تالا .. اوك سلام
سارة .. سلام 
وذهبت الي مرفت لتستاذنها.. ماما انا خارجة اشوف تالا
مرفت .. استاذنتي من آسر يا حببتي
سارة بتوتر .. هااا اه اه
مرفت .. طيب