جنون الحب..بقلم يارا عبد العزيز الجزء الأول.

بترفع النقاب وتخبى وشها منى
عزة كانت داخلة المطبخ وسمعته .. معلش استحمل دى وصية  عمك الله يرحمه
فارس.. الله يرحمه
حور .. ادخل
دخل فارس وساب الباب مفتوح وقال.. انا اسف متزعليش منى وبطلى عياط
حور باستغراب.. انت عرفت منين انى بعيط
فارس.. مفكرة انك لما تكتمى صوتك مش هعرف يعنى حور انتى بنتى انا اللى مربيكى اما كان عمى طول الوقت مسافر
حور بأبتسامة حزن .. يا ريته ما كان بيسافر انا كنت محتاجه جانبى اكتر ما كنت محتاجه الفلوس اللى بيسافر عشان يجبها طول الوقت كنت بحس انى وحيدة انى يتيمة الاب واصلا ابويا موجود ووقت ما قرر يستقر فى مصر ماټ
فارس بحزن عليها .. طب وانا روحت فين هو مش انا ابوكى
حور .. اكيد انت هونت عليا كتير عشان كدا بزعل اوى لو انت بالذات زعقتلى
فارس .. خلاص يا ستى حقك عليا طب بصى انا جبتلك ايه بصى 
طلع من جيبه شكولاتات كتير جريت عليه حور بفرحة ونسيت كل تعبها عيونهم اتلاقت ببعض فضل يبصوا لبعض لفترة قرب منها فارس بعدت حور بخجل شديد منه وهى بتستغفر ربنا ضحك بسخرية وسابها وخرج وسألت حور نفسها باستغراب.. هو زعل ليه 
بصيت الشكولاته اللى فى ايديها بفرحة خرجت من الاوضة بفرحة استغربتها مامتها وليلى وفارس اللي كان قاعد سرحان وقالت.. ماما انا واقعة من الجوع اعمليلى الغدا بسرعة
عزة .. من عينى يحبيبتى 
فارس.. طب عن اذنكوا انا نازل هتنزلى يا ليلى ولا هتعقدى
ليلى.. لا يا ابيه انا هعقد شوية مع حور
فارس.. تمام
عزة .. طب ما تعقد تتغدى معانا يبنى
فارس.. هتغدى تحت يا مرات عمى عن اذنكوا
ليلى.. هو انتى زعلتيه فى حاجة
حور .. ابدا والله انا معملتش حاجه
عزة .. طب يلا ساعدوني فى تجهيز السفرة 
حور بطفولة و رقة .. اشطا يلا 
فى بيت فارس اللى هو فى نفس العمارة دخل بيته وقعد على الكنبة وهى بيفرد جسمه وبيرجع راسه لورا سمية وهى بتعقد جانبه .. مالك
فارس.. مفيش يا ماما
سمية .. طب ما تقولها وخد كل حقوقك منها مش كل اما تبقى معاها ترجع كدا 
فارس بحزن .. مش هينفع يا ماما مش هينفع
سمية بعصبية.. هو ايه اللي مش هينفع دى مراتك وانا شايفة ان مفيش غيرك بيتعذب ايه هتستنى اما تيجى تقولك انا فيه عريس متقدملى عشان تقولها
فارس بغيرة شديدة وڠضب .. ماما حور مراتى انا ومش هتبقى مع حد غيرى بس مش هينفع دلوقتي وخصوصا انها دخلة على امتحانات ثانوية عامة انا مش عايز حاجه تشتته
سمية .. معاك بس لحد اما تخلص امتحانتها لو مقولتلهاش انت انا اللى هقولها انا اكيد مش هبقى مبسوطة وانا شايفاك مدمر كدا عشان خاطر ست الحسن والجمال اللى كلكوا بتخافوا عليها من الهوا دا حتى انت روحت عملت الدبلومة وانت اصلا خريج طب ودكتور اد الدنيا وروحت اشتغلت فى المدرسة بجانب المستشفى اللى اصلا هدت حيلك عشان متسبهاش فى المدرسة لوحدها
فارس.. يكفى انها تبقى مبسوطة مش مهم انا
سمية.. هو ايه اللى مش مهم انت انت مش شايف نفسك ولا الحزن اللى جوا عينك يبنى دى مراتك يعنى من حقك انها تبدلك نفس مشاعرك على الاقل حتى تشوفها انا بجد مش قادره انا هطلع اقولها كل حاجه ودلوقتي
قام وقف قدامها ومسك ايديها پخوف .. ماما ماما ارجوكى بلاش انا مش عايز تعرف دلوقتي عشان خاطري
سمية بحزن .. يا ابنى انا زعلانة عليك هو انت مفكرنى يعنى مش بخاف على حور زيكوا حور زى ليلى عندى بس انت بالنسبالى خط احمر كفاية عليك ۏجع وحزن بقى كفاية تيجى على نفسك اكتر من كدا
فارس بأبتسامة.. ومين قالك انى زعلان انا بفرح بفرحة حور وبزعل لزعلها فرحتى بتيجى من فرحتها هى وهى دلوقتي صغيرة وموضوع زى دا بالنسبالها هيكون زى الصدمة انتى عارفه يعنى ايه الشخص اللى مربيها واللى ديما تقوله يا ابيه تعرف أنه جوزها
سمية .. يعنى انت هتفضل كدا كتير يا فارس هتفضل موجوع كدا كتير بسببها
فارس.. اما تخلص ثانوية عامة بس ونشوف هنعمل ايه
سمية بعصبية وقلة حيلة .. انا هدخل اجبلك تتغدى
فارس.. لا مليش نفس انا طالع شقتى فوق عن اذنك
طلع فارس بصيت لطيفه بحزن وقالت.. ربنا يريح قلبك يا ابن بطنى 
حور .. واو ماما انتى عاملة جلاش ابيه فارس بيحبه اوى
عزة .. ما انا قولتله يعقد يتغدى معانا مرضيش
ليلى .. انا مش عارفه ماله قلب كدا مرة واحدة 
حور برقة وطفولة .. انا هلبس النقاب بسرعة وهاخدله طبق هنزل اوديهوله
عزة .. طب اقعدى كملى اكلك الاول
حور .. اما اجاى بقى