ولنا في الحلال لقاء بقلم فاطمة إبراهيم

لو قربت مني هبلغ البوليس
اه وهتقوللهم ايه بقي عاوزة أحبس جوزي علشان بيقرب مني! 
جوزي مين أنا أعرفك
كمان بتتبري مني ! ايه للدرجة دي مبقتش أفرق معاكى خلاص ي مدام 
تخبط في الارض بغيظ دا بيقولي ي مدام! 
يابني أستهدي بالله مش كدا الموضوع مش مستاهل
طب حاسب أنت ي عمي علشان قروني متخبطش فيك 

قرونك ! 
ما هو انا لما أكون ماشي جمب الهانم وواحد يسلم عليها وهي تضحكله وتتكلم معاه بمياصة وتزعل لما اتعصب مش كدا أبقي انا راجل بقرون! 
ومش أي قرون حاسب بس لتصفي عينى 
أنت بتهزر !! طيب أنا بقي هتصرف معاها بطريقتى
بعصبية يالا بينا ي ملك 
بينا ع فين ان شاء الله 
ع بيتنا هيكون فين يعنى! 
شرقت وهي بتشرب ميه بيت مين ي عسل! 
أنتي سمعتى كويس هما خمس دقايق وتكونى تحت بدل ما أنتى عارفه هيحصل أيه 
أنت عبيط ي يوسف! لأ بجد عبيط يعنى بيت أيه ويالا مين انا للمرة العشرين بقولك أنت مش جوزي ولا في بيني وبينك حاجه أفهم بقي 
ي عمي أنا ماسك نفسي بالعافية بطريقتها المستفزة دي علشانك أنت 
بصوت واطي معلشي يابنى أنت عارف أنها تعبانة من الحاډثه ونسيه موضوع جوازكم دا خالص أنزل أنت وأنا هقنعها وتنزلك حالا 
بنظرة حادة اتجاهها ماشي ي عمي
أووف بقي انا زهقت دا متخلف عملت ايه في حياتي بس ي ربي علشان يحصل فيا كدا 
يبنتى دى حالة إنسانية أنتي عارفه يوسف دا ابن عمك وبيحبك من زمان ولما حصلتله الحاډثه دي عقله الباطن سيطر ع ذاكرته وصمم أنك مراته من كتر حبه ليكى وكمان لازم نسمع كلامه ونمشي معاه لعند ما يخف 
بابا مش هيحصل ذنبي ايه أنا استحمل كتلة الاستفزاز دي! لأ وكمان مفهمه أنى انا فعلا مراته وانا الا فاقدة الذاكرة مش هو 
مسألة وقت بس وكل حاجة هتتحل دا ملوش حد غيرنا يبنتى وكفاية بقي تفهميه أنه هو إلا مريض كدا ممكن يتعب أكتر لو صدقك 
بصوت واطي هيصدق إن شاء الله 
بتقولي حاجة ! 
لأ مفيش بص جاتلي فكرة أحنا نسفره البلد عن أهله وهما بقي يتصرفوا معاه ومع الوقت هينساني خالص 
مش هينفع ي ملك أنتي عارفه دماغه ناشفة أزاي والدكتور قال أمشوا وراه في أي حاجة يقولها لعند ما هو ترجعله الذاكرة تاني مع الوقت متخفيش ي حببتى انا عارف أنك قلقانه منه بس انا واثق فيه دا زي أبنى بالظبط ومتأكد انه لا يمكن يضايقك 
ي بابا دا بيقولي جوزك وعاوزني أروح معاه شقته ! 
أنا معرفه كل حاجة وطول ما هو فاهم أنك لسه تعبانة ومش متقبلاه كزوج عمره ما هيضايقك ولا هيزعلك في حاجة أنا موصيه عليكى 
واثق فيه أنت أوي ماشي ي بابا لا أنا لا هو عن أذنك بقي
أتأخرتي ليه !
معلشي الطريق كان زحمة 
يقرب پغضب أسلوبك دا لو مش اتظبط هعملك ظبط زوايا وهفرمطك من أول وجديد فاهمة ! 
پخوف ترجع لورا في ايه ي عم أنت هدي أعصابك مش كدا 
بقي واقفة تضحكي مع الواد وأنا جمبك ي قادرة! 
يوسف لو كان مكانك مضايقك كان ممكن تيجي تقف قدامي عادى 
يغضب أكتر ويقبض ع إيده 
طب أنا بقول تبعد شوية دا شكله هيفرقع دا ولا ايه 
في ايه أحسن مني ابن شكاير قوم الغلاسة إلا كنتي واقفه معاه دا ! 
ع فكرة أنت شقلبتها حتي الأقلش فاشل فيه !
اااه ي رأسي 
ايه دا مالك أنت كويس 
اااه صداع فظيع وعيوني مزغللة 
طب طمني نفسك غامة عليك ولا حاجة 
ايه دا أشمعنا يعني 
أصلك ممكن تبقي حامل وألف ألف مبروك 
أمشي من وشي احسنلك 
تمسك دراعه وتسنده ينام ع الكنبة طب خلاص خلاص شكلك تعبان بجد 
والله لسه واخدة بالك بومة متجوز بومة !
سابت دراعه بسرعة وزقته
أنا بومة ي عديم ال.. ال... 
مش لاقيه صفة وحشه صح أنا فعلا متعوضش 
بنرفزة تقبض ع إيديها وتجز ع سنانها