احببتك من النظرة الأولى بقلم بثينة الشناوى

يست 
قطعتها اميره وهى بتقول..يا ماما انا عارفه كل كلمه انتى هتقوليها انا يا ماما عمرى ما هضيع تعبك انتى وبابا فى تربيتى ومشيتكوا وسط اى حد وانتو رافعين راسكوا وبتقولوا اميره دى تبقى بنتى دا عندى بالدنيا كلهاوانا يا ست الكل فضلت قافله على قلبى بس مش عارفه اول ما شوفته النهارده حسيت أن هو دا اللى انا عيزاه مش عارفه حبيته يا ماما من اول ما شوفته.
الام.. وهو مين ياختى سى روميو اللى انتى مبهوره بيه كده دا ياختى 
_ اميره وهى حاطه اديها على وشها وسانده على الشباك وسرحانه فى السما والسحاب
اميره.. دا يبقى يحيى يا ماما احلى واحد شفته فى حياتى دا حلو اوى يا ماما .
_وفصلت باصه لسما وهى سرحانه وبتضحك.
الام.. يااه لدرجادى ومين سى يحيى دا بقى اللى خاطڤك مننا وموديكى دنيا تانيه كده ياختى. بس بصى يا اميره انا بتكلم معاكى عادى وبنضحك ونهزر بس انتى فى 3 ثانوى ركزى عشان تدخلى هندسه مس دا حلم حياتك هتسبيها عشان واحد.
اميره.. ومين قالك يا ماما انى ممكن انسى حلمى مش ممكن افضل احارب لحد ما ادخل هندسه عشان ابان قدامه بنت متفوقه فى تعليمها وبعدين يا ماما يحيى دكتور وشاب محترم اوى اينعم انى معرفش عنه حاجه غير كده بس هو بان من استايل لبسه وحجات كده حلوه فهمانى
الام.. طب ما انا عندى ليكى فكره حلوه.
اميره بتنهيده.. ايه هى 
الام.. العصر أذن قومى نصلى مع بعض وادعى وانتى يا ساجده يارب لو كان خير وممكن يكون ليا ومن نصيبى ولو كان شړ ابعده عنى وشوفى ربك هيعملك ايه
اميره .. يارب يا ماما طب يلا نقوم نصلى ..
يحيى .. بيكى الحياه بتحلاالى يلى شغلتلى باالى
خالد.. يا اللى شغلتلى بالى . صلاه النبى احسن هى مين دى يا خويا
يحيى .. يابنى آدم اغنيه اغنيه عاديه يا خالد واتهد بقى
خالد بضحكه.. ماشى يا سيدى بقولك انت اتغديت انا جعان اوى.
يحيى.. والله لسه انا روحت نمت علطول وانا جايلك ااه افتكرت وانا جايلك خبطت فى بنوته بس لمضه اوىهى مين دى
خالد.. لمضه انا كده عرفتها يعنى كانت لابسه ايه 
يحيى.. والله ما ركزت أصل ما شاء الله عليها كانت مخليانى افضل بصصلها كده وانا بتكلم.
خالد.. هههههه ماشى يا خفيف قوم يلا تصلى المغرب هتأذن اهى وبعدين نروح المطعم اللى على البحر دا.
_نرجع لأميرة.....
أميرة.. ماما خالتو اجت
الام اهلا اهلا ازيك يا رانيا اخبارك ايه يا حبيبتى اومال فين هدى
رانيا.. طالعه على السلم اهى يا حبيبتي.
الام.. طب تعالى ندخل واميره هتجيب هدى.
_هدى دى بقى تبقى بنت خالة أميرة هى بنوته قموره وطويله وبشرتها قمحاويه ولابسه طرحه زى اميره
أميرة.. مطيلا يا ست هدى كل دا بتطلعى .
هدى.. ازيك يا خاالتو.
اميرة.. وهو انا شفافه مثلا
هدى.. يلا ياختى انا مش هقلع الكوتشى انا جعاانه اوى تعالى نروح اى مطعم ناكل فيه.
أميرة.. خشى يا هطله..
هدى.. هتلبسى ولا اروح لوحدى..
أميرة.. خلاص يا قموصه هلبس استنى بقولك خالتك بتسال المطعم دا فين
هدى.. المطعم اللى على البحر دا مش بعيد يعنى.
اميرة.. اشطاات.
يحيى.. اطلبلنا حاجه بقى يا عم.
خالد.. طب استنى جارسون.
الجارسون.. اتفضل يا فندم.
خالد.. من فضلك كنا عايزين أكلة سمك حلوه كده على مزاجك.....
يحيى.. استنى استنى بس من فضلك جرا ايه يا عم خالد انت نسيت انى مش باكل سمك..
خالد.. يا عم جربه مش هتخسر ....
_ نسبهم فى شكلتهم دى ونرجع لأميرة
هدى.. يلا يا اختى ادخلى.
أميرة.. هههه مفيش ولا طرابيزه فاضيه يا فقر
هدى.. والله ما فى حد فى الدنيا فقر غيرك تعالى اقفى انتى هنا على البحر لما اجيب حاجه نشربها يكون حد قام من على الترابيزه.
أميرة.. اشطاات متتأخريش ابت.
يحيى.. بقولك ايه انا هقوم اتمشى شويه وجايلك.
خالد.. طب متتأخرش
اميرة ف نفسها يااه البحر شكله حلو اوى اكيد فى يوم من الايام هقف انا ويحيى مع بعض هنا
وفضلت سرحانه وحاطه الهاند فرى وبتسمع اغاانى.
يحيى وهو بيتمشى.. لا لا هو دا بجد لا والله بجد مش دى البت اللمضه اللى خبطت فيها الصبح
أميرة.. هات ايدك تحضن ايدى شوف حبك جوا وريدى
يحيى.. يا عينى يا عينى على الروقان
اميرة فى نفسها.. نهاار اسود انا عارفه الصوت دا 
_ بتلف وشها لقته..
يحيى.. ازيك يا كتكوت يا صغير.
اميره.. انت بتعمل ايه هنا انت بتراقبنى
يحيى.. هو مين اللى بيراقب التانى.
اميره .. لا على فكره انا مسمحلكش انا جايه هنا مع بنت خالتى انت بقى ايه اللى جابك
يحيى.. جاى مع خالد. صدفه غريبه وفى نفس اليوم.
اميرة.. طب عن اذنك بس عشان اشوف هدى فين.
_ وطلعت تجرى وهو بيبص عليها وبيضرب كف على كف.
يحيى.. صدفه غريبه بس عسل.
_ اميرة قعدت تدور على هدى لحد ما لقتها وقالت.. كنتى فين كل دا يا زفته انتى .
هدى.. بشوف