خلخال حليمة بقلم آيه عرفات الجزء الثاني..
الخجل ومسكت ايده وبدأت تتكلم بحنيه وصوت واطي.. انا بقالي معاك شهر ونص تحت امرك مستخسر فيه ساعتين اتنين بس علشان خاطري
عزيز ..خلاص بس بشرط
حليمه.. اتفضل
عزيز ..تاخدي السواق بتاعي هو اللي هيوديكي مكان ما انتي عايزه
حليمه.. حاضر وانا موافقه
حليمه لبست وخرجت من السواق ووقفت السواق مكان بعيد ووصلت لحد عيادة الدكتور رامي واول ما دخلت علي الدكتور عجبت الدكتور جدا وقال .. اكيد حضرتك مدام عزيز صح
رامي ..طب ممكن اعرف اسم حضرتك ايه
حليمه.. اسمي مدام عزيز ممكن تقولي كده
رامي.. تحت امرك اامريني يا مدام
حليمه ..عايزه اعرف حالة جوزي وصلت لحد فين
رامي ..حضرتك حالة جوزك بسيطه والمفروض حسب الاشاعات والتقرير جوزك او انتظم علي العلاج 3 شهور نظره هيبدا يرجعلو واحده واحده
رامي .. ما هو ده اللي مجناني عرضت الاشاعات علي دكاتره كبار غيري وقالو نفس الكلام
حليمه ..طب ممكن تبص كده علي نواعين العلاج دول وتقولي بتوع ايه
رامي ..يا نهار ايه دول
حليمه ..خير يا دكتور في ايه
حليمه ..هو في حاجه يا دكتور
رامي ..ردي عليا جايبه منين
حليمه.. طب ممكن تفهمني كل حاجه وانا هفهمك كل حاجه
رامي ..القرص الاول يا مدام ده بيضعف قرنيه العين والتاني ده بيدمر القرنيه نفسها عشان كده هو ما بيتحسنش بقاله 10 سنين المفروض حالته تتحسن بعد ثلاث شهور بس انا عايزه اعرف انتي جايبه الاقراص دي منين
رامي.. تمام ماشي اتفضلي اتكلمي
حليمه .. مرات ابو عزيز هي اللي بتديله الاقراص دي ولما رفض ياخده قرارات اني انا الي اديهوله بصفتي بقعد معاه على طول وادتني 20000 جنيه وقالتلي كل شهر هديكي زيهم بس انا مش عايزه الفلوس انا عايزه عزيز يرجع احسن من الاول
حليمه.. طب والعمل يا دكتور هنعمل اي
رامي ..بصي يا مدام اولا هتلغي كل البرشام ده وهكتبله على دوا ثاني ياخده بانتظام وفي نفس الوقت تفضلي مسكته رجاء هانم وتاخدي منها البرشام والفلوس على اساس انك انتي بتديله الحبوب في ميعادها وبعدين بعد ثلاث شهور ان شاء الله هنعرف النتيجه اي بس ضروري ياخد العلاج اللي انا هديهواله علشان يساعد على تحسين حالته
رامي ..ده انا اللي بشكرك جدا هتساعديني اني انا اعالج الحاله الصعبه الوحيده اللي في حياتي بجد انت انسانه جميله جدا ويا بخت عزيز بيكي
حليمه ..شكرا حضرتك محتاج اي حاجه تانيه
رامي.. ايوه ممكن حضرتك كل اسبوع تجيلي زياره وتقوليلي ايه اللي حصل عشان مينفعش اني انا اجي الفيلا عند حضرتك كلهم هيشكوا
حليمه .. ده ممكن يكون صعب عليا لان عزيز مرضيش يخليني اخرج وخرجت النهارده بصعوبه لو عرفت اخرج هاجي لحضرتك لو معرفتش يبقى هكلم حضرتك في التليفون
رامي ..انا يسعدني اني انا اشوفك بنفسي
حليمه ..ان شاء الله سلام يا دكتور
رامي.. سلام
حليمه رجعت على الفيلا وعزيز كان مستنيها في الجنينه
حليمه.. عامل ايه يا استاذ عزيز
عزيز ..انتي شرفتي يا ست هانم في تاخير نص ساعه عن الميعاد
حليمه.. طب انا اعمل ايه الحته كانت زحمه والسواق اللي انت كنت جايبه كان بطيء انا ذنبي ايه
عزيز ..خلاص اسكتي اطلعي غيري هدومك يلا ونامي
حليمه ..ماشي هتيجي معايا ولا هتيجي لوحدك
عزيز ..لا انا هخلي البواب يوصلني الغرفه اتفضلي اطلعي بقى
حليمه.. براحتك
حليمه ..طلعت اوضتها غيرت هدومها كانت بتفكر في الكلام اللي قالهولها رامي وازاي مرات ابوها حابه انها تدمر عزيز للدرجه دي بس حليمه قررت انها تساعد عزيز بس مكنتش عارفه هتساعده ليه في حاجه بتشدها من ناحية عزيز بس كانت بتكذب نفسها بسبب اللي حصلها قبل كده كانت خاېفه تخش اي تجربه
فجأه عزيز دخل عليها
حليمه.. انت شرفت يا استاذ
عزيز ..انتي لسه منمتيش
حليمه.. لا منمتش ازاي هنام من غير ما اطمن عليك
عزيز.. اه ناقص تقوليلي قلب الام
حليمه.. ما انت بتهزر وظريف اهو
عزيز ..بصي انا لما بكون زعلان من حد مبكونش عايزه اتكلم معه نامي عشان انا مش عايزه اتكلم معاكي
حليمه ..مش عايز تتكلم معايا انا وانا زعلتك في ايه بقى انشالله
عزيز ..انتي اتاخرتي عليا اوي وانتي عارفه اني انا مابعرفش اعمل اي حاجه من غيرك ومع ذلك سبتيني ومشيتي
حليمه قربت منه ومسكت ايده وقالت..خلاص اول واخر مره هخرج واسيبك تاني بس اهم حاجه متكونش زعلان مني
عزيز مره واحده شدها من وسطها لحضنه وقال .. خلاص صالحيني
حليمه.. انت قصدك ايه بقى
عزيز ..بقولك صالحيني
عزيز كان بيقرب شفايفه من شفايف حليمه وهي كانت بتبعد عنه وقالت بحرج .. ايه اللي انت بتعمله ده يا عزيز مينفعش اللي انت بتعمله ده
عزيز مره واحده فاق من اللي هو فيه وبعد عنه وقال .. صحيح افتكرت ان جوازنا مش حقيقي وانك واخده قرشين عشان خاطر تخلي بالك مني بس الحقيقه انك مش عايزاني وعايزه فلوسي وبس عشان كده مش عايزاني اقرب منك وانا عذرك في واحده زيك تحب واحد او تتجوز واحد اعمى زيي خلاص يا حليمه انا اسف على اللي عملته ادخلي نامي
عزيز كان مخڼوق قوي من الحاله اللي هو فيه وحليمه بدات تقرب منه تاني وقالت .. ما هو انت طول ما انت كده عمرك ما هتتحسن قافل على نفسك الفيلا ولا بتخرج ولا بتاخد علاج ولا حتى بتحس بطعم وحلاوه الدنيا العامل النفسي ليه اساس كبير اوي في اي حاجه ومين قالك اني انا اتجوزتك عشان خاطر قرشين وخلاص انت ما تعرفش ظروفي ايه واللي انا مريت بيه اللي انا شفته في حياتي يخليني اخاڤ من اي حد في الدنيا كلها الوحيد اللي ماخفتش منه حسيت معاه بالامان هو انت
عزيز ..امان وانا اعمى
حليمه.. الامان مبيجيش بالنظر ياما ناس كتير بتشوف بس قلوبها سوداء ما بتشوفش ومعندهاش رحمه لكن انت من جواك نضيف وقلبك جميل عشان كده انا ماخفتش منك ابدا وبعدت عنك دلوقتي علشان ما تندمش انك عملت حاجه زي دي مع واحده جايه من الشارع زيي انا عايزه نقضي الفتره بتاعتنا واحنا زي ما احنا كده عشان لما نبعد عن بعض ما حدش فينا يندم على حاجه عملها مع التاني
عزيز انتي حقيقي هتسيبيني بعد ست شهور
حليمه.. للاسف يا عزيز ايوه هو ده كان اتفاقي معاه راشد بيه وانا انشالله هخليك ترجع احسن من الاول مش محتاج اي حد خالص ولا انا ولا غيري بس لو سمعت كلامي
حليمه راحت جابت الدواء وكبايه الميه وقالت.. علشان خاطري يا عزيز
