خلخال حليمة بقلم آيه عرفات الجزء الثالث..
رامي.. ايه يا مدام حاولت اكلمك كتير وانتي مابترديش عليا
حليمه ..معلش يا دكتور رامي اصل انا مش في القاهره
رامي.. امال انتي فين
نور ..انا في الاسماعيليه
رامي.. وازاي سبتي عزيز لوحده
حليمه ..عزيز مبقاش محتاج حد واول ما فتح عينه طردني من البيت
رامي.. يعني عزيز بجد رجع يشوف تاني
رامي.. ده خبر حلو اوي طب ممكن اعرف هو طردك ليه
حليمه ..عادي يا دكتور محصلش نصيب بينا بعد اذنك انا تعبانه وعايزه ارتاح عايز حاجه
رامي.. لا عايز سلامتك خلي بالك من نفسك ولو احتاجتي اي حاجه كلميني
حليمه.. شكرا يا دكتور
حليمه خرجت من الاوضه بتاعته كانت خديجه ومامتها قاعدين بيفطروا وخديجه قامت سلمت على اختها..انتي وحشتيني اوي يا حبيبتي
خديجه ..عامله اي وجوزك ما جاش معاكي ليه
حليمه.. هحكيلكم بعدين
ام حليمه.. تعالي يا بت اقعدي افطري
حليمه قاعدة تفطر
خديجه.. يعني انتي وعزيز كويسين
حليمه بدات تفكر ومش عارفه تقول لهم ايه ..متشغليش بالك يا حبيبتي خليكي بس في مذاكرتك انتي خلاص بقيتي عروسه وعلى وش جواز كمان
ام حليمه.. اسكتي يا بنت سيبي اختك تفطر
حليمه.. لا يا ماما خليها تتكلم اتكلمي يا حبيبتي في ايه
ام حليمه ..قلتلكم ما فيش كلام على الاكل وانتي يا خديجه خلصي عشان تقومي تروحي تشوفي مذاكرتك
خديجه..احنا مش هنفضل نخبي على حليمه يا ماما هي لازم تعرف كل حاجه لانها اختي الكبيره ولازم تكون علي علم بكل حاجه
خديجه ..بصراحه يا حليمه انا جايلي عريس وبحبه وعايزاه
ام حليمه ..يالهوي يا بت اسكتي وما تتكلميش
حليمه.. وتسكت ليه يا ماما ده خبر حلو اوي الف مبروك يا حبيبتي انا طبعا موافقه طالما انتي عايزاه وبتحبيه ربنا يسعدك
خديجة ..يعني انتي بجد موافقه
خديجه.. مش عايز تعرفي مين هو
حليمه ..هو انا اعرفه
خديجه ..ايوه تعرفيه تعرفيه اوي كمان
حليمه ..مين هو سعيد الحظ اللي هياخد حبيبتي ونور عيني
خديجه ..العريس ده يكون
خديجه.. العريس ده يكون مراد اللي كان جوزك عايز يتجوزني وانا موافقه وكمان انا بحبه
حليمه .. بتقولي مين مراد
خديجه ..ماله مراد يعني شاب كويس ومتعلم ومحترم اي اللي فيه غلط علشان ترفضو
خديجه.. لفيتي الدنيا كلها ملقتيش غير جوز اختك وتحبيه وتتجوزيه
خديجه ..كان جوز اختي هو دلوقتي مش جوزك انتي دلوقتي على ذمه راجل تاني انا بحبه وعايزاه وهو كمان بيحبني
حليمه ..حب ايه يا بنتي انتي لسه صغيره انت تعرفي يعني ايه حب
خديجه.. على فكره انا مبقتش صغيره انا كبيره كله كام شهر وهدخل الكليه يعني فاهمه كل حاجه
حليمه.. اشمعنا مراد بالذات
خديجه ..علشان هو كمان بيحبني
حليمه ..مين قالك ان هو بيحبك هو قالك كده
خديجه.. ايوه هو قالي انو بيحبني وانا كمان بحبه
حليمه.. ده واحد بيضحك عليكي عايز ينتقم مني فيكي عايز يدمرنا الاول دمرني ودلوقتي عايز يدمرك انتي نسيتي عملوا فيا ايه
خديجه.. انتي بلسانك قلتي ان هو مالوش ذنب في كل الي حصلك
حليمه.. انا كنت فاكره كده بس بعد اللي انتي بتقولي دلوقتي اتاكدت اني ده كان تخطيط مراد وامه علشان يدمروني ولما دمروني لف عليكي انتي كمان عشان يدمروكي انتي كمان انا مش عارفه الناس دي عايزه منا ايه
خديجه.. انا ماليش دعوه بكل الكلام اللي انتي بتقوليه ده انا واثقه في مراد وعارفه ان هو بيحبني
حليمه ..عمره ما حبك مراد عاش 10 سنين يوهمني ان هو بيحبني في يوم وليله نسي حبي وحبك انتي ده دليل ياكدلك ان هو انسان كداب
خديجه.. انا مش عايزه نصايح من حد مراد جاي بالليل عشان يتفق على كل حاجه ياريت الاقي منكم مقابله كويسه علشان مش عاوزه اعمل حاجه تزعلكم
خديجه دخلت اوضتها
حليمه.. عجبك الكلام اللي بتقوله بنتك ده يا ماما
ام حليمه.. انا تعبت معاها يا بنت وهي دماغها ناشفه
حليمه.. الناس تقول علينا اي هي لازم ترجع على اللي في دماغها ده انا عمري ما هأمن على اختي مع واحد زي ده ولو صممت على اللي في دماغها انا هيبقالي كلام تاني معها
حليمه دخلت اوضتها وفضلت تفكر هتعمل ايه مع خديجه
في الفيلا عند عزيز رامي دخل على عزيز وهو قاعد في الجنينه
رامي ..اخص عليك اعرف ان ربنا شفاك من بره ورجعت تشوف تاني وماترنش عليا تعرفني
عزيز ..ازيك يا رامي عامل اي
رامي ..انا كويس الف الف مبروك يا صاحبي
عزيز ..الله يبارك فيك البركه فيك انت
رامي ..لا البركه في مراتك هي السبب في شفاك
عزيز ..ممكن متجيبليش سيرتها وهي اصلا داخلها
