خلخال حليمة بقلم آيه عرفات الجزء الرابع والأخير..

اني زهقتك كتير النهارده بس كنت مضغوط سامحيني
حليمه ..حصل خير 
عزيز قبل خدها فحليمه اتوترت وسألته بتردد..انت بتعمل ايه 
عزيز ..مش هنعمل ليلة الداخله احنا كمان ولا ايه
حليمه ..ممكن تسيبني 
عزيز سابها وهي جريت علي السرير وغطت نفسها عزيز شد الغطا من عليها فقالت له..متهزرش بقا انا عاوزه انام بجد
عزيز ..وبعدين يا حليمه هتفضلي علي الوضع ده كتير 
حليمه ..وضع ايه 
عزيز ..هتفضلي لحد امته بتمنعي نفسك عني 
حليمه.. لان احنا مينفعش نكون مع بعض
عزيز ..ايه اللي انتي بتقوليه ده
حليمه ..دي الحقيقه انت اللي جابك من القاهره لهنا رغبتك فيا بس انت عمرك محبتني وممكن الحاجة اللي جابتك ليا بعد ما تاخدها مني ترميني
عزيز.. للدرجة دي انتي شايفني حقېر 
حليمه...........
عزيز.. انا اللي جابني هنا هو اني بحبك مش رغبتي زي ما بتقولي 
حليمه اول ما قال الكلمه ده قلبها اتخلع من مكانه..قولت ايه 
عزيز.. تصبحي علي خير
عزيز فرد جسمه ونام علي الارض فسألته بتردد..ليه نايم علي الارض تعالي نام جنبي
عزيز.. بلاش علشان جناني ميطلعش عليكي زي ما انتي فاكره
حليمه اتكسفت من نفسها ومن الكلام اللي قالته
اما في البيت عند نور ومحمد 
محمد ..مالك يا حبيبتي وشك اصفر ليه
نور ..معرفش حاسه بصداع شكلي داخل عليا دور برد
محمد ..ماتيجي اكشف عليكي
نور ..ده وقته انا بجد تعبانه
محمد.. بس اللي بيتعب بيبقا قمر كده
نور ..يا سلام
محمد ..والنعمه قمر عارفه يا نور 
نور.. ايه يا حبيبي
محمد ..انا بحبك اوي بجد 
نور ..نفسي اكل شاورما 
محمد.. اه يا ام بطن بقولك بحبك تقوليلي شاورما 
نور بدات تدبدب علي الارض وبعياط ..مليش دعوه عايزه شاورما
محمد ..الساعه تلاتة الفجر يا مجنونه
نور ..ماليش دعوه
حاضر ..متجوز مجنونه والله
عند مراد وخديجه في الشقه خديجه لبست القميص وفضلت مستنيه مراد على السرير لكن مراد اتاخر قررت تطلع تطمن عليه فلبست رواب عليها وطلعت شافت مراد قاعد على الكرسي بالبدله وعمال ېدخن في سجاير 
خديجه.. في ايه يا مراد انا عمري ما شفتك بتشرب
مراد ..معلش سيبيني براحتي 
خديجه.. انت ليه متغير معايا النهارده يا مراد
مراد ..مش متغير ولا حاجه انا بس متوتر 
خديجه.. متوتر من ايه
مراد.. لسه داخل حياه جديده ومش عارف حاسس اني مخڼوق
خديجه ..مش فاهمه مراد هو انت مخڼوق انك انت اتجوزتني 
مراد ..لا مش عارف 
خديجه ..هو ايه اللي لا و مش عارف
مراد ..بصي يا خديجه انا هكون صريح معاكي انا مشدود ليكي جدا وانتي عجباني اوي اوي وحاسس من ناحيتك باحساس حلو اوي محسيتوش قبل كده بس في حاجه جوايا مخوفاني من جوازنا معرفش هي ايه
خديجه.. على فكره انا بدات اخاڤ منك
مراد قرب منها وخده في حضنه..انا مش بقولك كده عشان تخافي مني انا عايز اكون صريح معاكي
خديجه.. هو سؤال واحد
مراد ..اتفضلي
خديجه ..انت بتحبني ولا لا ولو مبتحبنيش اتجوزتني ليه 
مراد ..مين قال اني مش بحبك انا لو مش بحبك فعلا ماكنتش اتحديت الدنيا كلها علشانك 
خديجه ..لو انت بتحبني فعلا مكنتش اضايقت في يوم زي ده وكنت فرحت اني احنا خلاص اخيرا بقينا مع بعض 
مراد ..يمكن متضايق عشان محدش من اهلي عرف ولا اختي ولا امي ولا اي حد عرف موضوع جوازي 
خديجه.. والله دي مشكلتك وحلها مع نفسك عن اذنك انا داخله انام
خديجه قامت عشان تدخل الاوضه مراد مسكها من ايديها ..هتسيبيني وهتنامي 
خديجه شدت ايديها من ايده وجريت على اوضتها مراد قام قالع البدله ودخل عليها وهي نايمه على السرير وكانت بټعيط مراد بدا يقرب منها ..انا عارف اني انا نكدت عليك في يوم زي ده انا اسف 
خديجه.. لو سمحت ممكن تطلع بره وتسيبني 
مراد.. انا جاي علشان اصالحك
خديجه ..قلتلك ممكن تسيبني لوحدي
مراد قرب منها وهي بدات تخاف منه ..انتي طلعت حلوه قوي 
خديجه كان باين عليها الړعب
مراد ..خاېفه
خديجه هزت راسها بنعم
مراد ..مټخافيش
في الشقه عند محمد ونور 
نور كانت معاها اختبار حمل صاحبتها كانت جايبهولها لما عرفت انها تعبانه بس نور مصدقتش صاحبتها وركنت الاختبار لكن لما التعب زاد عليها بجد قررت تعمل الاختبار ومحمد في المطبخ بيعمل الشاورما ونور دخلت الحمام وعملت الاختبار وطلع النتيجه ايجابي وانها فعلا حامل نور ساعتها فرحت اوي لما الشافت النتيجه ايجابي بس خاڤت تقول لمحمد يتضايق من حاجه زي دي كانت بتفكر تقوله وبتفكر لا وطلعت من الحمام وكان جواها احساس فرح واحساس خوف وكانت متلخبطه خالص
محمد.. الشاورما جاهزه يا ست هانم الشيف جهزلك الشاورما
نور هزت راسها بماشي 
محمد.. يلا مستنيه اي كلي مش ده اللي نفسك فيه
نور...........
محمد ..يا بنتي انتي مش قلتي عايزه شاورما يلا كلي ده انا عاملهالك بايديا الاتنين
نور.. ماليش نفس انا داخله عشان انام 
نور دخلت الاوضه ومحمد دخل وراها..في ايه يا نور
نور.. لا مافيش حاجه
محمد ..طبعا