حتي أقتل بسمة تمردك بقلم مريم غريب الجزء الخامس والأخير..

بصمت إلي أن توقفت السيارة بصورة تدريجية بعد مدة قصيرة عجزت عن فتح عينيها ولكنها جاهدت وفتحتهما قليلا فرأت لجنة أمنية من خلال زجاج السيارة الأمامي عادت تغمض عينيها بوهن من جديد وهي عاجزة تماما عن الحراك فيما سمعت حديث رجل الشرطة مشوش لم تستطع تمييز جملة واحدة وبعد مرور عدة دقائق قليلة جدا شعرت فجأة بيدين تحملانها من السيارة بلطف حازم فتحت عينيها بجهد لتكتشف أنه أدركها أخيرا مهما فعلت لن تفلح محاولاتها في الهرب منه أبدا شعورها بالصدمة والخۏف ألجم لسانها الثقيل فتأوهت بخفوت وألقت رأسها علي صدره الصلب حيث إستنشقت عطره الرجولي الذي كان له التأثير الأكبر في تهدئة أعصابها قليلا بينما وقف للحظات فسمعته يشكر الشرطي الذي أجابه بلطف.. دي اقل حاجة ممكن اعملها يا عز الدين بيه حمدلله علي سلامة المدام.
سمعت داليا صوت عز الدين وهو يشكر الشرطي مرة أخري علي إهتمامه بالأمر وعندما سار بها بإتجاه السيارة دفنت رأسها في صدره متعبة ومنهكة القوي اللعڼة خاطبت نفسها لا تزال تشعر بالدفء داخل أحضانه كيف.. ولكن رغم ذلك لم تنطفئ نيران الغيرة والڠضب المتأججة بصدرها تجاهه.. مچنونة غبية.
همس في أذنها بحنق وهو يضعها في المقعد الأمامي من سيارته ثم أضاف مزمجرا.. عايزاني اعمل فيكي ايه دلوقتي
لم تجد جوابا بل إكتفت بالإستلقاء في مقعدها صامتة وطوال الطريق إلي القصر لم تكن تسمع سوي صوت تنفسه الغاضب وعندما حملها مرة أخري لدي وصولهم إلي القصر إستسلمت إليه بشعور المهزوم الضعيف الذي لا يملك حولا ولا قوة بينما هرعت ياسمين مهرولة من الداخل بإتجاه شقيقتها قائلة في وجل.. داليا ايه اللي حصلك يا حبيبتي ومالك متبهدلة كده ليه ايه اللي خرجك اصلا وانتي تعبانة 
لم تستطع داليا الرد علي شقيقتها فأجاب عنها عز الدين في هدوء قائلا.. متقلقيش يا ياسمين هتبقي كويسة.
وفي غضون دقائق معدودة كانت ممدة علي الفراش عاجزة خائڤة متوترة من عودتها إليه وقلقة من مواجهته وقف عز الدين إلي جانبها بينما جلست ياسمين قربها ثم تحسست جبهتها قائلة.. يا خبر انتي حرارتك عالية اوي ايه اللي انتي عملتيه في نفسك ده بس يعني لو كان حصل اي حاجة للبيبي كنتي هتتبسطي
إرتعد جسدها بقوة جراء قول شقيقتها فحولت نظرها إليها في صدمة متسائلة.. بيبي!
.. ايوه يا داليا انتي حامل وبتصرفك ده كان ممكن تفقدي طفلك انا مش فاهمة ايه اللي خلاكي تعملي كده بس ! ليه سيبتي البيت فجأة
صمتت داليا ذاهلة بينما هتف عز الدين بصوته العميق.. طيب انا هاسيبكوا مع بعض شوية.
حولت ياسمين نظرها إليه قائلة.. تمام انا هساعدها تغير هدومها وهديها علاج مخفض لحرارة.
أومأ عز الدين رأسه عابسا ثم مضي تاركا الغرفة بأكملها بعد أن أغلق الباب من خلفه فتنهدت ياسمين بعمق ثم إلتفتت إلي شقيقتها ومسحت علي شعرها قائلة.. ايه يا داليا ايه اللي حصل يا حبيبتي ليه سيبتي البيت بالطريقة دي وانتي تعبانة كده
هزت داليا رأسها بضعف ثم نطقت بصعوبة قائلة.. ياسمين لو سمحتي انا مش قادرة اتكلم دلوقتي خالص.
زمت ياسمين شفتيها بقلة حيلة ثم قالت.. ماشي يا داليا براحتك بس واضح ان في شيء خطېر حصل وهو اللي دفعك للتصرف ده انا مش عايزة اعرف ايه اللي حصل لكن عايزاكي انتي تعرفي ان انا جنبك دايما عشان كده لو حصل معاكي اي حاجة تانية بعد كده ضايقتك بالشكل ده ارجوكي ماتكرريش اللي عملتيه انهاردة تاني وتعالي اتكلمي معايا شاركيني يا حبيبتي انا اختك ومش هضرك اي مشكلة هنحلها احنا الاتنين بدل ما يبقي رأي واحد وقرار واحد يبقي رأينا احنا الاتنين وقرارنا احنا الاتنين علي الاقل عشان ماتقلقنيش عليكي زي ماعملتي انهاردة.
تنهدت داليا بثقل ثم أومأت رأسها موافقة فمنحتها شقيقتها إبتسامة بسيطة ثم نهضت وساعدتها علي الوقوف أخذتها ياسمين إلي الحمام ثم ساعدتها علي تبديل ملابسها وهي تقول.. انتي بقي مشوفتيش عز الدين بتاعك ده كان عامل ازاي لما اكتشف انك مش موجودة في البيت كله كان فاضله شوية ويتحول علي الكل بمجرد ما كان بيتخيل ان ممكن يكون حصلك حاجة وحشة لا قدر الله.
كانت داليا أكثر إرهاقا من أن ترد علي مداعبة ياسمين التي تابعت بصدق.. كان قلقان عليكي اوي مسبش حد الا وسأله عليكي وبهدل الناس الواقفين علي البوابة بصراحة قلب الدنيا لحد ما جاتله مكالمة عنك فجري عليكي بسرعة صحيح انتي كنتي فين
تجاهلت داليا سؤالها بينما صمتت ياسمين من أجل راحة شقيقتها ثم عادت بها إلي الغرفة وعندما إستقرت داليا بالفراش في هدوء تحسست ياسمين جبينها ثم قالت.. لأ حرارتك انخفضت الحمد لله مش هتحتاجي لدوا احسن.
دخل عز الدين في تلك اللحظة قائلا.. تقدري تتفضلي انتي دلوقتي يا ياسمين انا هاخد بالي منها.
ألقت ياسمين نظرة أخيرة علي شقيقتها ثم نهضت منسحبة في هدوء بينما إقترب عز الدين منها قائلا بوجوم.. ازيك دلوقتي
إزدردت ريقها في توتر قائلة.. كويسة طول ما انت بعيد عني.
لم يعلق علي كلامها بل قال بإقتضاب.. طب قبل ما افقد اعصابي يا ريت تقوليلي سيبتي البيت من غير اذني ليه وكنتي رايحة علي فين
ثم جلس إلي جانبها علي طرف الفراش فتمتمت بإرهاق.. مهتم اوي يعني بلاش نضحك علي بعض وبلاش تمثل انك قلقان عليا.
.. داليا !
هتف بحدة ثم تابع.. جاوبي علي اد السؤال سيبتي البيت منغير اذني ليه وكنتي رايحة علي فين
.. زي ما قلتلك قبل كده مبقتش طايقاك ومش عايزة اعيش معاك.
قالت محاولة إستفزازه فنجحت محاولتها حيث قبض علي ذراعيها پعنف قائلا بنعومة شرسة.. متخلنيش اتخلي عن هدوئي و جاوبيني احسنلك.
أجابته مټألمة.. انت قاسې قلبك اسود ومبتحبش الا نفسك.
أغمض عينيه بقوة محاولا ضبط إنفعالاته بينما تابعت.. انت عايز مني ايه تاني مش خلاص خدت اللي انت عايزه ليه بتربطني بيك اكتر
كانت قد بدأت تتحدث دون وعي وقد إستولي عليها الإرهاق فأضافت.. بكرهك انت عمرك ما احترمتني حتي بالعكس دايما بتوجهلي اهانات.
تنهد بثقل ثم قال.. انا مبحبش اهينك يا داليا انتي اللي بضطريني بتصرفاتك.
سالت دموعها ثم هزت رأسها بمرارة قائلة.. انت قصدت تهيني قصدت تذلني وانا كنت دايما بسكت عشان 
صمتت فجأة ثم أغمضت عينيها وقالت بنعاس.. انت ليه قاعد معايا هنا روح روح لجومانة هي مناسبة ليك اكتر مني وعلي الاقل انت بتحبها ومش بتكرهها زي ما بتكرهيني.
تنهد قائلا.. انا مش بكرهك يا داليا.
فتحت عينيها ونظرت ناعسة إلي وجهه الغامض ثم رفعت يدها تتحسس لحيته الخفيفة ثم همست.. بحبك.
لمست أناملها تفاحة آدم خاصته ثم إنزلقت إلي صدره قبل أن تسقط إلي جانبها وقد ڠرقت تماما في النوم ...بينما زفر بقوة وهو يصارع مشاعره المتأججة داخله ثم دثرها جيدا ومسح شفتيها بأصبعه هامسا.. وانا كمان بحبك يا داليا.
.. طب وبعدين
وجهت ريم سؤالها إلي عبير وهي تخاطبها عبر الهاتف فأجابتها عبير.. مافيش جديد صدقيني بس من وقتها