حتي أقتل بسمة تمردك بقلم مريم غريب الجزء الخامس والأخير..

بها إلي الباب الرئيسي للمشفي إنجذبت إليه النظرات فور دخوله حيث نظر له بعض العاملين بالإستقبال في ذعر و هم يرونه يحمل بين ذراعيه جسد متراخ تسيل منه الډماء بينما هرعت نحوه إحدي الممرضات و قادته إلي حجرة الكشف خرج من الحجرة بعد أن وضع عبير  بالفراش الطبي الصغير فيما تحطمت أعصابه و تسارعت نبضات قلبه بقوة فوقف أمام باب الحجرة الزجاجي ودموعه تنساب في بطء ثم أخذ يبتهل في نفسه و يتضرع إلي الله بأن تعود عبير كما كانت وسوف يصلح كل الأمور سوف يتغاضي عن آلمه وكرامته سوف يتدخل و يعمل جاهدا من أجل إعادة علاقتها الوثيقة بأخويها سوف يتناسي كل ما حدث وكل ما فعلته سوف يعود ويغمرها بحبه من جديد .. فقط تعود .. تعود كما كانت بسابق عهدها صغيرته المرحة فتاته العفوية وحبيبته الرقيقة بعد مرور عدة ساعات قليلة خرج الطبيب فأسرع خالد إليه متسائلا والخۏف والهلع يعصفان به.. طمني يا دكتور عبير عاملة ايه بقت كويسة صح
إبتسم الطبيب بخفة ثم أجابه مطمئنا وهو يربت علي كتفه بلطف.. اطمن يا استاذ هي بقت بخير دلوقتي متقلقش.
.. بجد بجد بقت كويسة
سأله متلهفا فأجابه بلطف.. والله بقت كويسة جدا هي اه خسړت ډم كتير وكانت في خطړ بس لحقناها الحمدلله .. اطمن بقي مافيش داعي للقلق.
زاغ خالد ببصره و أومأ رأسه ثم عاد ينظر إليه متسائلا.. طيب انا ممكن ادخل اشوفها
.. ممكن طبعا هي فاقت دلوقتي تقدر تشوفها وتقدر تمشي معاك كمان.
زفر خالد بإرتياح ثم شكره فقال الطبيب بإبتسامة بسيطة.. لا شكر علي واجب وحمد لله علي سلامتها بس ابقي خلي بالك منها بعد كده انت تقربلها ايه
.. انا ابن عمها وجوزها.
.. كويس اوي حاول تقرب منها وتعرف ليه حاولت ټنتحر ويبقي افضل لو استشرت طبيب نفسي.
شكره خالد مرة أخري لإهتمامه ثم دلف إليها مسرعا ولرؤيتها إنقبض قلبه بآلم كانت عبير في حالة يرثي لها إلتفت حول رسغها ضمادة بيضاء وأنبوبة المصل متصلة بشريان بارز في ظهر يدها فأخذ يقترب منها بخطوات بطيئة وحين جلس إلي جانبها علي حافة الفراش فتحت عينيها الدامعتين ثم قالت بصوت مرتعش.. انت انت جبتني هنا ليه ماسبتنيش اموت ليه انا خلاص بقيت في نظركوا كلكوا مېتة .. لحقتني ليه حرام عليك انا كنت عايزة اموت كنت عايزة ارتاح.
وضع خالد يده فوق يدها يواسيها فأغمضت عبير عينيها لبرهة ثم فتحتهما من جديد وقالت.. مش مسمحاك انت عابز تعذبني اكتر لحقتني عشان ټعذب فيا اكتر.
هز خالد رأسه نفيا ثم أمسك يدها السليمة و قبلها برقة قائلا.. لأ لأ عبير انا مالحقتكيش عشان اعذبك انا لحقتك عشان بحبك انا اكتشفت انهاردة بس اني مقدرش اعيش من غيرك هنسي كل حاجة كل اللي حصل هنساه وهبدأ معاكي من جديد انتي مش مېتة في نظري ده انا اللي كنت ھموت لو كان حصلك اي حاجة.
هزت رأسها بمرارة ثم إنتحبت قائلة.. انت كداب انت بتقول كده بس عشان محاولش اكرر اللي عملته تاني انت مبقتش تحبني وعمرك ما هتقدر تنسي اللي حصل انت كداب.
وضع أصابعه علي فمها يمنعها من الكلام ثم قال.. عبير انا مش عارف اكرهك انا بحبك وبس صدقيني حاولت كتير اني اكرهك بس في كل مرة كنت بفشل لو ماكنتش بحبك ماكنتش قبلت اتجوزك من الاول وعشان بحبك هحاول انسي كل حاجة زي ما قلتلك.
أغمضت عينيها بقوة وهي غير قادرة علي تصديقه بينما دني صوبها ثم مسح بكفه علي شعرها بحنان قائلا.. اوعدك اني هصلح كل حاجة هرجع كل اللي حاجة زي ما كانت بس اوعديني انتي انك مش هتعملي كده تاني مش هتحاولي ټنتحري تاني.
كان صوته خاڤتا وحانيا ففتحت عينيها ببطء ثم نظرت ناعسة إلي عينيه الصادقتين اللتين فاضتتا بالحب لها وتحت تآثير لمساته وقربه منها إستسلمت للنوم بعد أن شعرت بالإطمئنان يلفها!
إستعدت للنوم حيث أغرقت رأسها في الوسادة ولكنها أجفلت فجأة حين وخزها دبوس شعر رفيع في رأسها فتأففت بضيق ورفعت يدها المتراخية لتنتزع سائر الدبابيس من خصلات شعرها الحريرية ثم تصلبت عضلاتها فجأة حين أتاها صوته العميق الذي إنبعث من فوق رأسها مباشرة.. طبعا لازم تضايقي.
فتحت عينيها دفعة واحدة ثم حدقت به في صمت كان قد عاد لتوه لم تشعر بوجوده إلا الأن بينما رمقها في هدوء ثم تابع.. مينفعش تربطي شعرك بالطريقة دي وانتي نايمة.
قال ذلك ثم إتجه نحو منضدة الزينة الرخامية وإلتقط فرشاة من فوقها بينما إستوت تجلس بسرعة مستقيمة الظهر عابسة الوجه فيما إقترب منها حيث جلس علي الفراش إلي جانبها وبحركة غير متوقعة أمسك بكتفيها وأدارها فأدركت ما ينوي فعله فقالت بخفوت معترضة.. متتعبش نفسك انا اقدر اساعد نفسي.
لكنه تجاهل كلماتها كما توقعت وإرتباك رجل يتعامل مع شيء غال ورقيق يتطلب عناية فائقة أخذت أصابعه تجوس في شعرها الحريري وتنتزع الدبابيس الرفيعة واحدا تلو الأخر وبعد لحظات سمعته يغمغم قائلا.. اكيد محدش سرحلك شعرك قبل ما تنامي من سنين.
أحست فجأة بلسعات برد وخوف شديد وهي تشعر بحركاته اللطيفة الحازمة وتراه يتناول الفرشاة من فوق الفراش رضخت له بصمت حين بدأ يسرح شعرها برقة وبطء أبقت رأسها محنيا وهي ترغم نفسها علي الإحتفاظ بهدوء أعصابها تململت من قبضته قائلة.. انا كنت نايمة عايزة اكمل نومي من فضلك.
سكن للحظات ثم جذبها صوبه بتمهل حازم فقلصت عضلاتها لتقاوم قوته ولكن دون فائدة فهمست بيأس.. سيبني انام لو سمحت.
.. ششش اهدي.
همس لها بصوت خفيض فأغمضت عينيها وتخلت عن مقاومتها ثم أعادت رأسها إلي الوسادة فإنحني عليها وأردف قائلا.. كده تقدري تنامي براحة اكتر تصبحي علي خير.
فتحت عينيها پصدمة فيما رفع نفسه عنها ونهض تاركا إياها وحيدة بالفراش بينما لمحت إبتسامته الخبيثة تطفو علي شفتيه فإستشاطت غيظا إنه يتلاعب بأعصابها يتلاعب بعواطفها ياله من شيطان خبيث تنهدت بعمق ثم إستوت علي الفراش مجددا فنظر إليها مستغربا ثم قال وهو يفك أزار قميصه بعد أن حل ربطة عنقه.. ايه مش كنتي نايمة وعايزة تكملي نومك!
إحتل التهكم نبرة صوته ولكنها تجاهلت إسلوبه الإستفزازي وقالت بهدوء.. كنت عايزاك في حاجة.
.. خير
سألها بإصغاء مقطبا حاجبيه فأجابته.. كنت عايزة انزل اشتري حاجات للبيبي.
حملق فيها لبرهة دون كلام ثم أومأ رأسه متفهما و قال.. انتي مش مضطرة تروحي في حتة قوليلي بس انتي عايزة ايه وانا هتصرف.
إحتجت قائلة.. مينفعش طبعا انا لازم اجيب كل حاجة بنفسي.
.. هتنزلي ازاي وانتي حامل كده ممكن الطفل يتأثر.
أغمضت عينيها بآلم وقد شعرت بوخز كلماته فهو أعرب عن خالص إهتمامه بطفله دونها إذن سلامة الطفل عنده في المقام الأول.. ياسمين هتكون معايا.
قالت بصوت مبحوح فهز رأسه عابسا ثم سألها.. انتي عايزة تشتري ايه بالظبط
إزدردت ريقها ثم أجابته.. عايزة اشتري هدوم وسرير صغير وحاجات تانية كتير.
.. سرير صغير!
هتف بدهشة ثم تابع.. ليه ده البيت