وعاد من جديد بقلم ايمان شلبي
ايوه ووقف الزفته دي وخلي عندك كرامه انا مش عايزاك يا اخي هو عافيه !!
رد بغيظ
تمام يا ايمان متزعليش بقي من اللي هيحصل
وفجأه لقيت اللعبه سرعتها بتزيد اكتر وانا دقات قلبي بتعلي اكتر
عااااااا خلاص خلاص والله انا اسفه اعتبرني عيله وغلطت عاااااا
رد ببرود
عايزاني أوقف اللعبه
رديت بصوت يشبه العياط
ااااه وحياه امك الست الطيبه اللي متستاهلش يبقي عندها بني آدم برأس بخاخه زيك
ارجوك يا استاذ بخاخه يوه اقصد ي يايونس وقف الله يخليك هموووووت
اممممم تمام هوقف بس بشرط
رديت بلهفه
ايه هو
قرب مني وهمس في ودني
تقولي انك موافقه ترجعيلي وقدام الناس دي كلها
رديت بتلقائية
اااااه ده عند ام ترتر تعرفها
يونس
حلو غلط وانا كنت مستنيه يغلط ياريسسس
رديت بغيظ وعند
اعمل اللي تعمله برضو لا لا لا لا استحاله ارجعلك
تمام براحتك ياحبيبتي
حسيت براسي بتتقل وعيوني بتقفل حاولت اتماسك وانا بقول بضعف
ي يونس الحقني
قولت جملتي من هنا ومحستش بنفسي وغمضت عيني باستسلام
بعد شويه كان شايلني وانا سانده راسي علي صدره ومغمضه عيني بس حاسه وسامعه كل حاجه في الحقيقه انا مكنتش فقدت الوعي انا اتظاهرات بكده عشان يوقف اللعبه مش اكتر
انا اسف حقك عليا
وبدون وعي مني لقيتني بلف ايدي حوالين رقبته وبشم ريحته اللي بتخليني اغيب عن العالم
قعدني علي كرسي بمساعده الناس ولسوء حظي كان في دكتور موجود قرب منه وهو بيعاتبه
بصراحه يا استاذ مكانش ينفع تعمل في الانسه كده
مدام ياحضرت
اتنحنح وهو بيفتح شنطته باحراج
ا احم طب وسعولي لو سمحتوا اكشف عليها
وقرب مني وكشف عليا وانا بتنفس بسرعه رهيبه وجفوني بتتحرك بكل توتر خاېفه يكشف لعبتي
بعد فتره بعد عني وهو بيتنهد وقبل ما ينطق اتكلم يونس بلهفه وخوف
ها طمني
متقلقش هي بس داخت شويه من اللعبه وثوااااني وهتفوق
وفعلا ثواني وعملت نفسي بفوق وانا بحرك جفوني وپتألم
ااااه
يونس وهو بيقرب مني بلهفه وبيقعد علي ركبته
ايمان حبيبتي انتي كويسه فيكي حاجه
بصيتله وانا بفرك راسي بتعب
اه كويسه
مسك ايدي بين ايديه وهو بيبوسها برقه
لوهله حسيت نفسي هضعف قدام رقته وحنيته ونبره صوته الحزينه
اتنهدت وانا ببص حوليا وبقول بجمود
ممكن نمشي لو سمحت
حاضر
قالها بهدوء وهو بيقوم يقف وبيمدلي أيده
رفعت راسي وانا ببص لايده الممدوده واتجاهلتها وقومت لوحدي من غير مساعدته
انت بتعمل ايه
قولتها بفزع لما لقيت نفسي مره واحده مرفوعه عن الأرض
بصلي بثبات
ايه انتي تعبانه اسيبك تمشي وتقعي مني يعني !
رفعت حاجبي بسخريه
والله
مشي بيا وخرجنا من الملاهي وهو بيقولي ببرود
طبعا انا راجل بحب مراتي وبخاف عليها
ضحكت بسخرية
هه لا باين الحب
بصلي بصه طويله من غير ما ينطق حرف وكمل طريقه مره تانيه
اتحركت بعصبيه
نزلني
بصلي وهو بيقول پحده
بطلي تتحركي
رديت بعصبيه
بقولك نزلني يايونس والا هفرج عليك الناس
طب اعمليها
رفعت حاجبي بتساؤل
يعني مش خاېف
ضحك وهو بيقرب وشه من وشي
هخاف من اي ياقمري اأااا
قطعت جملته مره واحده لما صړخت
عااااااااااااااا الحقوناااااي يانااااس الحقوناااااي انا مخطوفه
بص يمين وشمال بتوتر
يخربيتك يامجنونه اسكتي
بصيتله پشراسه
نزلني
بص في عيوني وهو بيهمس بهيام
ايمان انا ...اي اي اااااه يابت العضاضه
صړخ بۏجع لما عضيته من كتفه وسابني لدرجه وقعت علي الارض وظهري اتكسر بس مش مهم حصل خير
وقبل ما يتحرك حركه واحده صړخت باعلي صوتي وانا مقرره اردله اللي عملوا فيا أضعاف
عااااااااا الحقوناااااي
قرب مني واحد وهو بيسألني بقلق
مالك يابنتي في ايه
رديت وانا بعيط عياط مصطنع
الحقني ياعمو الراجل ده عايز يخطفني
يونس بذهول
يخربيتك اخطفك ايه هتوديني في داهيه ا احم حضرتك متصدقهاش والله انا جوزها
الراجل وهو بيبصلنا وبيضحك بهدوء
لا مانا مش مصدق اصل انا مراتي كانت مجنونه زيها كده بس ربنا
