هلال الجزء الأول بقلم الكاتبة المجهولة

مش عارف ابعد في حاجه بتشدني ليكي أنا نفسي مش عارف أي هي وبعد اللي حصل انهارده أنا مش هبعد نفسي تاني أنتي لو كنتي مرتبطه زي مقولتيلي كان الشخص ده المفروض يبقي اول واحد موجود هنا جنبك .....
عم عماد هلال في حاجه يا بنتي 
هلال بتوتر و بسرعه ردت قبل حسام مفيش حاجه يا عم عماد ده حسام بيه ظابط الشرطه اللي ماسك المنطقه كان مع احمد بيه من شويه كان بس بيقولي لو حصلت اي مشكله تاني أكلمواع طول
حسام اول ما سمع كلمها أستغل الفرصه وفتح موبايلو وقالها ياريت تكتبيلي رقمك هنا يا دكتوره هلال و أنا كمان هديلك رقمي عشان لو عوزتي أي حاجه تتواصلي معايا ع طول
هلال أتحرجت ومعرفتش ترفض أو تقول أي حاجه خصوصا في وجود عم عماد ومسكت الموبايل وكتبت الرقم ورجعتهوله
عم عماد هو انتي تعرفيه يا هلال حاسس انك كنتي متوتره
هلال لا يا عم عماد مفيش حاجه بالعكس هو كان عايز يساعدني
عم عماد تمام يا بنتي
بعدها عم عماد اخد هلال و ادم اللي كان مستنيهم جنب العربيه ورجعوا العماره
هلال اول ما دخلت البيت وصلها رساله من رقم غريب هلال 
رواية هلال الفصل الخامس 5 بقلم الكاتبه المجهوله
هلال البارت الخامس 
هلال شافت الرساله و كانت عارفه أنو حسام والمرادي قررت أنها هتقوله هتقوله الحقيقه لأنو فعلا أنسان كويس و زي ما كان صريح معاها في مشاعره هي هتعمل نفس الكلام معاه
هلال ردت عليه حسام هو أنا ينفع أسالك سؤال 
حسام أكيد طبعا
هلال هو الظابط احمد قالك ع ظروفي 
حسام مش فاهم يا هلال ظروف اي 
هلال حسام انا عايزه أتكلم معاك بصراحه النهارده قولتلي أنك حاسس أني بكذب والحقيقه أنك صح أنا كنت فعلا بكذب بس أنت متستهلش كده وشعور الرفض اللي وصلك من نحيتي مش حقيقي الحقيقه ان والدي و والدتي توفوا من 3 شهور و محدش من أهل والدي و والدتي فكر يسأل علينا
خالص و من ساعتها و أنا شايله مسؤلية أخويا والبيت كله وعشان كده رفضتك مش عشان أنا مرتبطه اللي كان معايا في العربيه يبقي دكتور أحمد وهو زميلي وجاري أنا مش مرتبطه وظروفي متسمحش أني أرتبط أساسا .
حسام هلال هو أنتي حاسه بأي حاجه ناحيتي يعني أي مشاعرك ناحيتي أنا كل اللي قولتيه ده أنا مش مهتم بيه أنا كل اللي عايز أعرفه أنتي عندك أستعداد أنك تبقي معايا أنا عايزك بس تقوليلي أنتي عايزاني زي ما أنا عايزك أنا دي الحاجه الوحيده اللي عايز أعرفها منك دلوقتي
هلال حسام أنا معجبه بيك من أول مره شوفتك فيها معرفش ليه ب توتر اول ما أشوفك و بحس ضربات قلبي بتزيد بشكل أنا مش فاهماه مع أن ده مش شبه شخصيتي أنا عمري ما فهمت لما أصحابي كانوا بيقولولي أنهم مرتبطين مكنتش بفهم شعورهم لما كانوا بيوصفوه بس حاليا حاسه أني فهمت
حسام هلال أنا محتاجك في حياتي ولازم كمان نرتبط رسمي وظروفك متفكريش فيها خالص أنا عايزك أنتي بس وأهلي أنا هفهمهم كل حاجه و هما هيوافقوا
هلال بس مينفعش أنا صحيح قولتلك أني معجبه بيك بس مش معني كده أننا هينفع نرتبط أنا مقدرش اسيب مسؤلية أخويا و لا أقدر أتحمل تكاليف أي ارتباط رسمي أنا قولتلك عن أحساسي ناحيتك بصراحه عشان مش عايزك تحس بشعور الرفض لأنك أنسان كويس ومتستاهلش أن أي حد يعمل معاك كده لكن صدقني مش هينفع نرتبط أنت بعد كده مش هتقدر تتحمل ظروفي
حسام هلال خليني أقابلك بكره و صدقيني كل ظروفك دي أنا مقدرها وهنلاقيلها حل بس لازم تبقي مستعده تبقي معايا الاول بعدين أنا مش فاهم ليه كل شويه تتكلمي عن ظروفك وكأنها عيب فيكي اي هي ظروفك أنتي أتحملتي مسؤلية أخوكي والبيت وشغلك لوحدك بعد حاډثة والدك ووالدتك اللي انتي عملتيه مينفعش تتعملي معاه ع أنو عيب بالعكس المفروض تبقي فخوره بنفسك أنك قدرتي تتحملي كل ده لوحدك . وصدقيني اللي أنتي بتعملي حاليا مش صح مينفعش تبعدي أنسان عنك وتقولي أكيد مش هيتحمل ظروفي وهيرفضني وانتي أصلا مجربتيش