غدر وشقاء بقلم محمود التركى

فيوم واحد
ياسر .. وانا هلحق ابنى الشقه فالوقت القصير ده ولا ياسين هياجل
ياسين رد .. لا انا مش هاجل انا عايز اجوز
قولتله.. لا هناجل ولا هتبنى انت هتتجوز فالشقه دى هنوضبها على زوق العروسه وتتجوز فيها وانا هشطب البضاعه اللى فالمحل واقفله اوضه وافتحها على الحمام والمطبخ اللى وراء 
لقيت ياسين بيقولى .. بتقولى ايه انتى تقعدى فالشقه اللى تعجبك متقعديش لوحدك ابدا 
وياسر قال نفس الكلام وقالى .. مش هجوز غير لما تقعدى معايا 
قولتلهم.. خلاص بس فالاول هقعد عند اختك شويه وبعدين انزل تانى
وفعلا اتجوزو الاتنين فى فرح واحد ودى كانت أكبر فرحتى
وفيوم ياسين جاى من الشغل لقى راجل قاعد فالبرد بيترعش راح يديله صدقه والراجل بيمد ايده اكتشف انه ابوه سابه ومشى وجه يقولى كان ياسر قاعد معانا وسمع لقيته بيقوله.. وازاى تشوف ابوك مرمى فالشارع كده وتسيبه بدل ماكنت تجيبه معاك
رديت عليه.. يجيب مين معاه اللى ذلنا وجوعنا ورمانا عايزه يجى هنا فبيتى واقعده فيه دا يوم ما يحصل ومنك انت كمان انا اموت انت عايز تموتنى اعمل كده
لقيت الاخين مسكو فبعض لاول مره بعدتهم عن بعض بالعافيه والزعيق وعدتهم وهديت نفسى
.. بص يا ياسر مافيش حد فالبيت متقبل الراجل ده ولا هيساعده بس فنفس الوقت لو انت عايز تساعده مقدرش امنعك بس بعيد عننا عايز تساعده ازاى وبايه مش عايزه اعرف اعمله من غير حتى ما تقولنا
اخد ياسين عشان يعرفه مكانه قبل ما يقربو بشويه لقو فى زحمه فالمكان قربو لقو ناس ملمومه مع الشرطه لانه ماټ ومحدش يعرف ده مين والشرطه هتاخده عشان تدفنه فى مدافن الصدقه 
ياسر لسه هيتكلم اخوه مسكه وبعد قاله .. انت اټجننت هتقولهم ان ده ابوك ويقوللنا رمينه ليه
.. طيب على الأقل ڼدفنه
.. هما ھيدفنوه هى دى النهايه الطبيعيه لواحد زى ده وياسين راح عند المحل وعرف من الناس أن مراته اخدت منه الشقه والمحل ورمته بعد ما زهقت منه لانه كان بتاع حريم
رجعو وحكولى اللى حصل فلحظه افتكرت كل اللى عمله فينا وحسيت ان ربنا انتقم لى منه وحسيت براحه كبيره محستهاش قبل كده مش شماته بس هو طول ما كان عايش كان عندى احساس بالخۏف منه والحمد لله حسيت ان ولادى بقو فامان
النهاية