شهرزاد وقعت في حب معاق بقلم شهد محمد
ليه وبعد تفكير قولت
_ومروحش ليه ما هو هيجبلي حاجه انا بحبها
ضحك وقالي
_شكرآ انك اثبتي ان شكوكي صح انتي ورونزي محتاجين اللي يهتم بيكم اصلآ
_محدش في الدنيا مبيحتاجش الاهتمام على كل حال متشكره اوي على خۏفك عليا .. تصبح على خير
_وانتي من اهل الخير
سبته ودخلت اوضتي جيت انام بس مجاليش نوم فضلت قاعده سرحانه
_هو ليه خاف عليا
_قصده ايه باني زيي زي رونزي
_معقوله انا مهمه عنده
روحت في النوم وانا بقول لنفسي فوقي يا روز انتي ولا حاجه .. ولا حاجه
عدا اسبوع علينا فتركيا خلص شغله ورجعنا تاني معملناش اي حاجه ممتعه طول اليوم هو في الشغل وانا بهتم ب رونزي ده الروتين اليومي الدايم
_راحت الساحره لعڼته وخليته وحش مخيف وكل اصحابه بقو ملعونين زيه برضو اللي بقت دولاب واللي بقا ساعه واللي بقا فنجان واللي بقت براد شاي
لفت نظري وانا بحكي خيال حد بصيت ورايا وكان هو كان قاعد بيستمع للحدوته رونزي شافته جريت عليه حضنها وباسها وهو بيقول
_هيييه هطلع البس يا بابي
قالتها رونزي وجريت على اوضتها وانا فضلت واقفه في مكاني
_عندك مانع يا روز
_لاء خالص
_يااه عدا شهر
_ااه يا ستي شفتي
_بس انا مش محتاجه الفلوس انا عايشه معاكم باكل وبشرب ومش ناقصني حاجه حقيقي مش محتاجها
قالها وساب الفلوس على التربيزه ومشي
خدتهم وخدت رونزي وخرجنا روحنا مول دخلنا مطعم طلبنا بيتزا بعدين دخلت رونزي الملاهي بعدين جبنا غزل البنات واشترينا قصص جديده وعرايس وألعاب وبفلوسي انا اشتريت تيلفون وهدوم جديده وخلص اليوم وده كان أجمل يوم يعدي عليا من وقت ما سبت القريه وهو كان متغير مش حاد وصارم لاء بيهزر ويضحك كان جميل .. جميل للغايه .. رجعنا البيت هو راح على مكتبو وانا فضلت مع رونزي لحد ما نامت ودخلت البلكونه فتحت التيلفون الجديد بدأت اعمل اكونتات على السوشيل ميديا واول حاجه عملت سيرش عنها كان اكونت ياسين وبعد الكثير من السيرش لقيته باين من الصور بتاعته انه اتجوز..عاش حياته من بعدي وكمان مبسوط!
.. طب انا زعلانه ليه دلوقتي مش انا مبقتش احبو اصلآ ليه في جزء فقلبي زعلان بقا
افتكرت كل اللي حصل وعيطت وانا صعبان عليا نفسي..
ليه حياتي مش عاديه ليه محبتش واتحبيت زاي اي بنت
قطع عياطي وجوده جنبي وهو بيقول
_سمعك!
مسحت دموعي وبصيت ليه وانا بقول
_حضرتك عايز حاجه رونزي صحيت
_مش القصد يا روز قصدي سمعك احكيلي ايه سبب عياطك
اتهندت وانا بقول
_ولا حاجه بس افتكرت حاجه حصلت زمان
_الماضي مؤلم بس يا تهربي منه يا تتعلمي منه
قالها ومسك الموبيل من إيدي وبص على صورة ياسين وقال
_كان حبيبك
_كان جوزي
_انتي كنتي متجوزه
_ااه بس ڠصب عنه هو جوازي منه كان رد جميل عن جمايل اهلي
_عندك مانع لو حكيتي التفاصيل
_لاء خالص
بدأت احكيله حكايتي من اول يوم اتجوزت فيه ياسين لحد اليوم اللي لقيت فيه اعلان الشغل
_يااه يا روز مريتي بكل ده
_طبعآ مش باين عليا
_خالص انا كنت فاكرك لسه صغيره متعرفيش اي حزن ولا اي مشاكل كنت مستني اسمع منك رد تافهه لما سألتك بټعيطي ليه كنت مستني تقولي ضفري اتكسر ولا رمشي وقع طلع مشاكلك اكبر من ان اي بنت زيك تستحملها
_للدرجه دي بتشوفني ساذجه
_طفله بشوفك طفله
_الطفله دي من بره يبان عليها اي دونت كير بس من جواها مفيش حاجه بخير
ضحك بصوت عالي ضحكت معاه ونزلت دمعه من عيني ڠصب عني بص ليا وبعد دقايق رفع إيده عشان يمسح دموعي بس مطلش فنزلت انا على رجلي عشان اكون في مستواه ابتسم وبكف إيده مسح دمعتي من على خدي
_متعيطيش انا معاكي
_وجنبك انتي مش لوحدك
_زي ما انا سند لرونزي هكون سند ليكي
_زي ما رونزي بنتي انتي كمان بنتي هو اه يمكن سند
