رواية كان لي بقلم منى أحمد حافظ الجزء الثاني

أهو بقى له نفس يضحك ونسى اللي عمله وماله يا أبو ضحى أضحك بصوت عالي براحتك.
أجفلت ثريا حين أتاها صوته الهاديء يقول
.. طالما قولتي أبو ضحى يبقى أنت زعلانة مني قوي يا ثريا وأنا بصراحة مستحملش أشوفك زعلانة.
أشار محمد إلى ابنته لتبتعد عن والدتها ومد يده وجذبها وسحبها إلى غرفة ابنته فهتفت ثريا معلنة رفضها مرافقته قائلة
.. سيبني يا محمد لو سمحت هو أنت مش زعقت وهللت وفالأخر طردتنا من الأوضة عايز إيه دلوقتي بقى.
أهمل محمد أعتراضها وأغلق باب الغرفة بوجه ضحى التي التفتت ونظرت إلى خالتها بدهشة وأنفجرت ضاحكة.
بينما أقترب محمد من زوجته التي أبتعدت عنه وضمھا إليه وقال
.. خلاص بقى يا ثريا متزعليش مني بصي حقك عليا صدقيني أنا ڠصب عني أعصابي فلتت وبعدين دي أول مرة أزعق وإن مكنتيش أنت هتتحمليني فضيقتي مين اللي هيتحملني فعديها علشان خاطر ميدو حبيبك.
ترقرقت عينا ثريا بالدموع مرة أخرى وقالت
.. تعرف يا محمد هي أه أول مرة بس تصدق أثرت فيا علشان أنت يوم ما عملتها چرحتني أدام بناتي وأخويا أنا أنا نفسي صعبت عليا يا محمد و.
أجهشت ثريا بالبكاء فشدد محمد من أحتضانه لها وقبل رأسها وقال
.. أنا محقوق لك وليكي عليا أعتذرلك أدامهم كلهم واجيب لك حقك مني وأراضيكي ها قولتي إيه يا سوسو هتسامحيني.
نظرت له ثريا بحب وقالت
.. طول عمرك كبير فعيني يا محمد وكلامك كبرك أكتر بس تصدق أن أنت ليك كتير مدلعتنيش.
رفع يدها إلى شفتيه وقبلها وقال
.. ومش هبطل أدلع فيكي دا أنت حب العمر يا ثريا اللي ميتعوضش وأم بناتي أغلى ما ليا فالدنيا ربنا ميحرمنيش منك ولا منهم ها لسه زعلانة ولا صافي يا لبن.
تنهدت ثريا واراحت رأسها فوق صدره وقالت 
.. أنا عمري ما هقدر أزعل منك يا محمد. 
أحسها تريد قول المزيد ولكنها ترددت فابعدها قليلا عنه وسألها بعينيه عما تريد قوله فأردفت ثريا
.. أنت مش شايف إنك كسرت بخاطر أمل لما زعقت.
اومأ موافقا وهو يتنهد وأجابها
.. متقلقيش يا ثريا أنا هصالحها وهو أنا يعني بنتي هتهون عليا بس هو كان لازم أقسى شوية عليها علشان تعرف إنها مكنش المفروض تخبي دا أنا أبوها اللي ېخاف عليها من الهوا ويفديها بحياته لو لزم الأمر.
أحاطت ثريا وجهه بكفيها وهزت رأسها بالنفي وقالت
.. ربنا ميحرمناش منك يا محمد وتفضل سند وضهر بناتك.
ولج أمجد لغرفة أمل يساوره القلق عليها فلمح من مكانه جسدها المنتفض دليل بكاؤها فأتجه إليها وربت على ظهرها وقال
.. أمل ممكن تبكلي عياط على فكرة والدك مستاء من نفسه ومن اللي عمله هو ڠصب عنه أعصابه فلتت وأنا قولت لك وحذرتك وبعدين أنت لازم تقدري حالته دا كان متكتف ومش عارف أي حاجة قومي يلا يا أمل قومي وكفايا عياط علشان أنا عايز أفهم منك موضوع ضحى.
أعتدلت أمل بعدما استطاع أمجد أخراجها من دائرة البكاء فكفكفت دموعها فأردف
.. قوليلي هي ضحى كلمتك إنها هتسيب إيهاب.
هزت أمل رأسها بالنفي وقالت 
.. لأ يا خالو أنا أول مرة أسمع أنها سابت إيهاب من بابا لما قال أصلا هي ليها فترة مش بتكلمني واتس زي عوايدها وكنت مستغربة الموضوع وبصراحة أنا مش مصدقة إنها تسيب إيهاب بعد الحب اللي هو بيحبه ليها علشاني.
زفرت أمل بحزن وأشاحت بوجهها بعيدا وهمست
.. واضح كدا إن أنا بوظت لها حياتها.
ربت أمجد على يدها فالتفتت له فقال
.. أنت مبوظتيش حياة حد يا أمل وبعدين أنت أختها وصدقيني أنت لو مكانها كنت هتتصرفي نفس التصرف يا أمل كل حاجة بتعدي فالدنيا إلا الشك و الخېانة وقتها محدش بيفكر فالحب بيبقى التفكير كله فالثقة والأمان اللي ضاعوا.
الفصل العشرون ..يحيا قلبي بحبك.
بقلم منى أحمد حافظ
مرت الأيام على أمل بشكل محموم تلاحق محاضراتها بعدما استطاع خالها وحازم أعادة أوراقها لكلية الهندسة لتتوه كليا بين دراستها وبين تفكيرها الشارد والمشغول بتغير حازم معها هي لا تنكر أنه حثها بقوة على ملاحقة حلمها ولكن ما يحيرها أسلوبه الجديد الذي بدأ يعاملها به.
كان قرار حازم حاسما بأن يقاوم مشاعره ويكبحها حتى تتخذ أمل خطوتها الأولى نحوه فكف عن تلميحاته السابقة لها مطلقا يدها كليا بأمر قرارها ودون ضغط منه لتأخذ فرصتها الكاملة لتراجع كافة أوراق ماضيها وتحسم حاضرها أما نهجه الجديد في تعامله معها فقد أدخل على نفسه السعادة بمعاملته لها كطفلة صغيرة فأصبح يغدق عليها بالدمى والحلوى ويقف بعيدا يراقبها كابحا ضحكاته أمام ردة فعلها الغاضبة بعد كل مرة يسلمها لعبة جديدة أحب تذمرها وهي تأخذ منه الدميه وحقيبة الحلوى وتذمرها وهي تلاحقه بنظراتها المشټعلة ڠضبا منه.
بينما شعرت ضحى بالخواء والانطفاء فباتت أيامها تمضي موحشة وازداد أحساسها بالوحدة لأفتقداها لشقيقتها. 
في حين أستطاع إيهاب أقناع محمد أن يدعه يحاول مرة أخرى ليعيد ضحى إليه فستأذنه وطلب منه