رواية كان لي بقلم منى أحمد حافظ الجزء الثاني

يريد ليجيبه أحمد قائلا
.. بابا لو سمحت أنا كنت محتاج كتاب حلو كدا من عندك وياريت لو يكون خفيف ورومانسي يعني أختار لي حاجة على ذوقك.
ابتسم أمجد وهز رأسه موافقا وأبتعد عن مكتبه وهو يمر ببصره فوق مكتبه ليسحب أحد الكتب ومد يده به لابنه ليخطتفه أحمد منه ويسرع بمغادرة المكتب متجها إلى أعلى وما أن توقف أمام باب غرفة ضحى حتى تلقف أنفاسه وطرق بابها ليسمع صوتها يقول
.. تعالى يا خالو. 
أجالها أحمد قائلا بهدوء
.. أنا مش خالو يا ضحى أنا أحمد ممكن أدخل.
انتفضت ضحى من فوق فراشها وحدقت بباب غرفتها بأرتباك وصاحت باضطراب
.. لالا متدخلش يا أحمد وبعدين أنت عاوز إيه قصدي جاي ليه.
زفر بسخط لسؤالها وسحب نفسا قويا وهو يتمالك اعصابه وأجابها بهدوء غير ما بداخله
.. أيه يا ضحى هو أنا هقف أتكلم معاكي من ورا الباب طيب عموما اجهزي وأنزلي أنا هستناكي تحت علشان ليكي معايا حاجة عايز أديهالك.
ترك مكانه وعاد لأسفل وهو يتمتم
.. شكلك هتتعبي قلبي معاك يا ضحى وبعدين بقى ما أنا كنت مرتاح كان لازم يعني أنسحب من لساني وأخليكي تيجي وبعدين دي هوصلها إحساسي إزاي وهي مش مدياني أي فرصة.
جلس فوق الأريكة ينتظرها وبيده الرواية ليهمس ما أن وقع بصره على عنوانها
.. والله شكلك باين عليه مفضوح يا أحمد والكل عارف إنك غرقان بقى دي رواية يا بابا تختارها بس بصراحة لعيب ولو ضحى مفهمتش من العنوان اللي عايز أقوله يبقى مش هتفهم فحياتها.
تصفح أحمد الرواية لتتسع ابتسامته حين تذكر ذاك الفيلم القديم فالتقط قلما وأخذ يقرأ ويضع خطوطا أسفل بعض الكلمات ليترك لضحى رسالة سرية بين صفحاتها وحين أنتهى رمى ببصره صوب الساعة ليدرك أنها تأخرت عليه كثيرا فوضع الرواية فوق الطاولة ووقف ليراها تخطو نحوه.
تنفست ضحى بقوة وتسلحت بشجاعتها فهي توارت حين رأته يدون شيئا داخل ما يحمله بيده وحين كف أكملت هبوطها فأقتربت منه وهي تحاول أختلاس النظر لتبين عنوان الكتاب ليذم أحمد شفتيه ويقول بسخط
.. معقول كل دا تأخير يا ضحي عموما المتحف مش بيقفل بدري يادوب نلحق نلف فيه لفة وبعدها هاخدك حتة مكان تحفة هيعجبك جدا.
عقدت حاجبيها وهي تتلفت حولها وسألته
.. هو أنت اللي هتخدني اومال فين خالو .
أجابها أحمد بثقة
.. خالك أعتذر علشان بيخلص شوية شغل متعطل معاه على اللاب وهو اللي قالي أخدك المتحف وبعدين مالك كدا شكلك زي ما يكون خاېفة تخرجي معايا لوحدك إيه هو شكلي يخوف ولا تكوني مفكراني من الهنود اللي بيكلوا لحوم البشر وشايفة إنك محتاجة لحماية مني.
اغضبها تهكمه عليها فرفعت حاجبها ورمقته بنظرات ڼارية وهتفت بعصبية
.. حيلك حيلك هنود إيه وبتاع مين لعلمك أنت أصلا متقدرش تعمل لي أي حاجة أصل أنا مش ضحى بتاعت زمان يا أستاذ أحمد ودلوقتي بقيت بعرف أحمي نفسي كويس ومش بخاف.
عقد أحمد ساعديه أمامه وحدق بها بتمعن وقال
.. يا سلام وأنت مالك سنة سنانك عليا كدا ليه على فكرة دي مكنتش كلمة قولتها وبعدين الحق عليا أني عايزك تقضي وقت حلو عموما براحتك أنا مش هفرض عليكي نفسي وأنت ابقى أستني خالك لما يخلص شغله يخرجك هو بنفسه.
صمت ومال صوب الطاولة وسحب الرواية ومد يده إليها بها وقال
.. خدي الكتاب دا إحتمال يعجبك ابقي اقريه أو حتى متقريهوش حسب مزاج جنابك عن اذنك. 
اسقط الكتاب فوق الطاولة وأبتعد عنها مغادرا المكان پغضب فجلست ضحى وحاولت عدم النظر إليه وهزت كتفيها في النهاية وقالت
.. حساس وبيزعل جنابه لما يتعامل بنفس الطريقة اللي طالبني أتعامل معاه بيها نسى سعادة البيه إنه هو اللي طلب مني أتعامل معاه برسمية يلا براحته خليه يزعل على كيفه وأما أشوف إيه حكاية الكتاب دا كمان.
لفت نظرها عنوان الكتاب لتتبين أنها رواية رومانسية بعنوان وهل لى فرصة ففتحت الكتاب وڠرقت بين الصفحات تقرأ فانتبهت بعد برهة لبعض الكلمات التي وضع خطا أسفلها في بداية الأمر لم تهتم ولكن حين لاحظت أن الخطوط موضوعة بكثرة ابعدت عينيها عنها وحدقت بالقلم فسحبته وسحبت الورق من جانبه فأخذت تدون كل الكلمات المؤشرة لتتشكل أمام عينيها بعض الجمل فأخذ قلبها يخفق بقوة.
وقف حازم مستندا إلى سيارته ينتظر مجيء أمل وأخذ يتطلع نحو ساعته بضيق ليراها تغادر بصحبة مادي فذم شفتيه باستياء وقال بريبة
.. هو أنا ليه حاسس إن المعرفة دي مش مريحة ووراها حاجة مش متظبطة. 
أقتربت مادي برفقة أمل من سيارة حازم ورفعت يدها وأشارت إليه بصمت وغادرت دون أن توجه له أي أحاديث ليقطب حازم جبينه والټفت إلى أمل بعدما نفض من عقله كل تفكير يخص مادي وقال
.. ها قوليلي الدكتور شارل عمل معاكي إيه.
ابتسمت أمل وأجابته
.. على فكرة أنا مكنتش أعرف أنك واصل للدرجة دي يا حازم تعرف إن الدكتور