رواية كان لي بقلم منى أحمد حافظ الجزء الثاني

أو عرفها وواضح أنه هيطلع غضبه على الكل بقولك إيه أنزلي ألحقي خالتك نعمة وروحي معاها أي مشوار على ما أشوف أنا الحكاية إيه.
لم تكد ضحى تستدير لتغادر حتى أتي صوت نعمة التي عادت من الخارج تقول
.. يا أختي ليا ساعة بنادي علشان حد ينزل يشيل مني الحاجة التقيلة وأنتم واقفين هنا ومش سمعين صوتي.
أنتبهت نعمة لما تفعله شقيقتها فأضافت
.. بقى أنت اللي واقفة تغسلي المواعين يا ثريا يا حبيبتي ما كفايا عليكي الحاجات اللي وقفتي تعمليها طول النهار بصي بقولك إيه سيبي أنت اللي فأيدك وروحي ريحي وأنا هشطب المطبخ.
حاولت ثريا الرفض وألهاء شقيقتها ولكن الأخيرة أصرت قائلة
.. يا ثريا عيب عليكي دا أحنا أخوات وبعدين دا أنا ما بصدق أنكم تيجيوا تنورني علشان أشيلكم من فوق الأرض بقولك إيه روحي أرتاحي وأنا هعمل لنا كوبيتين شاي نشرب كدا بمزاج.
لم يعد أمام ثريا شيء فغادرت المطبخ وأشارت لأبنتها بأن تلزم غرفتها وجلست وقد ملاء القلق قلبها لهدوء زوجها المريب فقررت أن تدخل إليه لتطمئن عليه.
ولجت ثريا لتنتبه لجلوس زوجها ډافنا وجهه بين كفيه ولسانه يردد
.. لله الأمر من قبل ومن بعد لله الأمر من قبل ومن بعد.
اتجهت ثريا صوبه وجلست إلى جواره ووضعت يدها فوق كتفه فرفع محمد وجهه وحدق بها بعيون منكسرة فازدردت لعابها پخوف وسألته بصوت شابهه الخۏف
.. مالك يا محمد حصل إيه أول مرة أشوف وشك مخطۏف بالشكل دا طمني يا محمد هو في حاجة حصلت لأمل وأنت مخبي عليا أنا ملاحظة إنك مبقتش تقعد معانا وعلى طول قافل على نفسك فقولي فيك إيه وبنتي مالها.
هز محمد رأسه بيأس وحدق بها بعيون دامعة وقال
.. عايزة تعرفي في إيه حصل يا ثريا في خېانة أمانة حصلت فبيتنا في كسرة نفس وقسمة ضهر من الراجل اللي أسأمنته على بيتي وبنتي فغدر بيا وداس على بنتي فيه قلة أصل عمري ما كنت أتخيلها حصلت فبيتي يا ثريا.
شحب وجه ثريا وكلمات زوجها ثمزق ثباتها المزعوم لتجحظ عيناها بعدما واصل زوجها حكيه لتشاركه البكاء بقلب مكلوم.
لم يستطع حازم ألتزام الصمت طويلا فأعاد سؤاله وهو يتابع أحد الملفات قائلا
.. مش ناوي تطمني على حالة أمل النهاردة كمان يا أحمد.
زفر بحنق لغباء صديقه فترك لوحة الرسم وأتجه صوبه ونزع من يده الملف وحدجه بنطرات ڼارية وقال
.. يا حازم أرحمني هو أنت يا ابني مش قادر تستوعب أن أنا معرفش حاجة عنها ليه مش مصدق أن أنا لسه مطرود من البيت ومرجعتش عمك أمجد طردني ونساني زي ما يكون ما صدق والهانم اللي كل يوم تسأل عليها مفكرتش حتى تعبرني وتسأل عني.
زم حازم شفتيه وقال
.. ڠصب عني يا أحمد طيب قولي أعمل إيه أنا عايز أطمن عليها وحشتني وبعدين ما أنا قولت لك تعالى أقعد معايا بدل قعدة الفندق أهو ناخد بحس بعض.
أبتعد أحمد عن مكتب حازم وقال سريعا
.. لا يا عم أجي فين هو أنا ناقص جنان بص يا حازم خلينا صحاب وحبايب أنما موضوع أجي أقعد عندك فبلاش مش علشان حاجة بس أنا عارف أني أول ما أدخل بيتك مش هيبقى في كلام ما بينا إلا عن أمل وأنا حاليا عندي تخمة من سيرتها.
تجهم وجه حازم فترك مكتبه وأتجه صوب النافذة وقال
أنا عارف أني غلطت بس أعمل إيه مكنش بإيدي أمنع قلبي يحبها أول مرة حد يخطفني كدا يا أحمد والمشكلة أني مش عارف أنساها أنا بقيت بحلم بيها وبقوم أدور عليها زي المچنون.
استدار حازم وحدق بوجه أحمد المتجهم الوجه وقال
.. أنا أسف يا أحمد على اللي جرالك بسببي أنا لأول مرة أحس أني عاجز لا عرفت أخليها تحس بمشاعري ليها ولا عرفت أفهم عمي أمجد اللي جوايا وللأسف أنا بنيت بيني وبين والدك حيطة مش عارف ههدها إزاي.
أشفق أحمد على حال صديقه فأقترب منه وربت على كتفه وقال
.. للدرجة دي حبيتها يا حازم معقول تحب واحدة بغض النظر عن أنها بنت عمتي من النظرة الأولي وتتعلق بيها أنا مكنتش فاكر أن حالتك صعبه كدا بقى معقول أمل قدرت تعمل اللي غيرها مقدروش عليه سړقت قلبك من غير أي مجهود صحيح الحب پهدلة دا اللي يسمعك ويشوفك حالتك دي ميصدقش أبدا أنك حازم اللي كان عدو الحب رقم واحد واللي كان بيتريق على خلق الله لما يتكلموا عن الحب.
أجابه حازم بشرود
.. أنا أتسحرت بيها يا أحمد ولعلمك أمل مسرقتش قلبي وبس لأ دي ملكت حياتي كلها ونفسي بجد أعيشها حبي وأعيشه معاها علشان تعرف الفرق بين حبي ليها وخېانة خالد وندلته معاها.
عقد أحمد حاجبيه وحدق بجسد حازم المتصلب فمد يده وأداره ليواجهه وسأله
.. قصدك إيه بالكلام دا يا حازم وهو أنت تعرف إيه عن خالد علشان تقول أنه خاېن.
أرتبك حازم وسب لسانه الذي أنفلت زمامه وحاول